WARA'AMI 90:16 - Biblía Axweesantá Hhohho' ar Mungú 2004

¹⁶ Tlehhmi'iiwók laqaameek dír sagadiyuuseeroge, na/ii'ín xirfuuwók kudá' úr ngu ariye'.

Ya/abtór hho' 1977

¹⁶ Tlehhmi'iiwók laqaameek dír sagadiyuuseeroge, na/'ii'ín xirfuuwók kudá' úr ngu ariye'.

WARA'AMI 90:16 Iomraidhean Croise

WARA'AMI 44:1

Aá Mungú, atén kuúng ugwa axaasaán iiaarene. Bariiseerén ar qaro, muruú kuúng taa tlehhít qarti'ine ngwa diréní alki/iitiyé', tlehhmi'iidaá iimír bál qaro.

WARA'AMI 77:12

Gadiyeérók sleémeero an aldaákw sleeme, kángw tlehhmi'iiwók un gurií axweés.

WARA'AMI 92:4

AAKOÓ MUNGÚ, án kuúng iga qwal/atís ar tlehhmi'iiwók, aníng an daá' nee an baraá/ as tlehhma'aá dabaawók.

HABAKUKI 3:2

Aá AAKOÓ MUNGÚ, aníng kangók ugwa axaás, nee tlehhmi'iiwók iri de'e tsatiyé'. Eeít AÁKO, gadiyeérók malé /abeeseek baraá kureeriikae. Baraá kureeriikae tlehhmi'iiwók i xu'utiitiye', bar aga búhh gurtleemuuwók inslaweek.

DABE 1:39

«Naagáy AAKOÓ MUNGÚ atén sleémeero tiri báy, ‹Na/iihúng kuká' tawa da'ayumiita' tawa kata' ki hayoh nee wakuuserhúng nee múk hatlá', na/iiká' ninakw, kuká' gár tlaakw nee ar hhooe paraatlaro ngaa aleeslay'iiká, kuká' an múk hardáh, aníng yaamuudá' i inooín i haniís ngiri aaliyá'.

DABE 32:4

Inós a tlaa/a, gadiyeérós gár kawa /aár i káhh lohduuwós sleémeero i ganaaiyá'. Inós a Munguú inkihhím nee ku dakuús wásl, inós ku hhoó' nee i ganaa'.

YOSHUA 23:14

«Hám daxta gwa'arar'eé' naa naká/, ar adoodá' muu sleémeero kuwa hariím. Ala kuungá' baraá munerhunge nee baraá qeereemohunge a xu'uti hhe'esá', adór muruudá' sleémeero hhó' oo AAKOÓ MUNGÚ, Munguúhúng, naa dirhúngií al'axweesi, tam ar wák ar taa boo/eesiiká i káhh. Muruudá' sleémeero aa boó/ adoodá' AAKOÓ MUNGÚ ngura al'axweés.