WARA'AMI 90:10 - Biblía Axweesantá Hhohho' ar Mungú 2004

¹⁰ Kureeriirén a kureeri mibeeraá faanqw, laqaá birti slaqo hhó' a mibeeri dakaát. Ala waayaaqamuú yaariír un ar hootaán, deelo i kwahhmiská atén aqo an gaanslár tlawaán.

Ya/abtór hho' 1977

¹⁰ Kureeriirén a kureeri mibeeraá faanqw, laqaá birti slaqo hhó' a mibeeri dakaát. Ala wayaqaamuú yaariír un ar hootaán, deelo i kwahhmiská atén aqo an gaanslár tlawaán.

WARA'AMI 90:10 Iomraidhean Croise

IIMU/UUNGW 47:9

Yakobo Farao guri báy, «Kureeraá naa hoót tawa adór aausmo a tsiiru nee mibeeri tám. Kureeriiká' ki niina, slám awa slahh'amaayér koomá'. Ala adór kureeraá taati'iieé' naa dahi'iimár hootiyé' ngaa ay'iiká.»

IIMU/UUNGW 6:3

AAKOÓ MUNGÚ iri oó', «Qeerueé' nee hee ti tlampa'amisiaaká daqisleém, asma hee a slaqwtá gwaa'. Slám deelór hotaawós a har kureeraá tsiiru nee mibeeri tsár.»

2 SAMUELI 19:35

Aníng laarí kureerieé' a mibeeri dakaát. Xáy, gár hhoo' nee ar tlaakwe aqo alesláwa tsaahharo? Xáy, anuú sagadiyusmoowók, tsu'uú gár ni /aay nee ar ni wahama u tsaáhha? Xáy, afór hhohho' a alesláwa tsaahharo ar /ayluusér hhawaate nee ar /ameenaaro? Asma milá anuú sagadiyusmoowók gár kuúng us al'iiloouw aakooeé' waawutámo?

2 SAMUELI 19:36

Anuú sagadiyusmoowók nee kuúng ti alkoomaán diisíng tseew ar gayuú Yordani. Asma milá gár waawutmo aníng is qeemuú úri haniisi oo adór kwí.

1 WAAWITÁ 1:1

Qoomár waawutmo Daudi iwa diimay hhe'eés, sagadiyuseerós guna uuntsús ar burungeéti, ala tam kwa uuntsuusi axwnáy gwaa slayká.

YOBU 14:10

Ala hee bira gwaá' i baloó kí/i? Hhiintla burngwa sa tsiqiít, gár aa met a milá?

YOBU 20:8

In qwaar adór tlata, kuri baloó ariiká male ale, in qwaar tari adór iigu'utuú xweera.

YOBU 24:24

Inooín nin daara/uutiyá' qoomár niinawe, naagáy nari suquutiyá'. Nin /ootsiyá' nari nususu'utiyá' sleémeero adór gitso. Sleémeero kin suwatsaat adór sagér angaáno.

YOBU 5:7

Slahh'amu dír heé taa laqwaali a gár xu'utiit, aqo adór tsitór asla ir gáwtí /akumit.

WARA'AMI 78:39

Inós gina insláy inooín tawa múk waaraáhh gawaá daanduú yaamuwo, tawa adór fur'ár waaraahh iri ki/iká.

ISAYA 38:12

Didá' ni hoot kaa hingeés dir'eene adór heémár de'eemusmo wá ale, slafingw'eé' una amohhe'eés adór heé tlabaá hirimamiít neewo ngir marmaraarin ana oó', Mungú aníng iga sií' xweera nee tlaatla/ango aníng in gaamiis.

TLAHHOÓ LAÁWI 27:7

Barnaxes a heé kureeraá mibeeri lahhooe aa waaraahh, oo hhawaata gár kur tu/i a shekeéli mibaá nee kooán ar peésa, nee shekeéli mibaangw ar peésa barnaxes a /ameeni.

Luka 12:20

Ala heé aáng kuri báy nee Mungú, ‹Kuúng a daktani. Xweerakaá laarihe kuúng a gwá'. Nee muruudá' taa amohhe'eemaamís oo heemá?›

DABE 34:7

Qoomár Mose iwa gwaá' kureeriiwós a tsiiru nee mibeeri tsár, ilaawós naa giwi'iiká, nee inós /uuruuwós sleeme aa faakiiká.

Yakobo 4:14

Ala tam adoorihe kuungá' a xua'aaká ar matlo tleehharuut. Slafingwhúng a gár milá? Asma kuungá' a adór wahaamuú qoomár niina, alaá qoomár niina bira waaráhh iri ilaá wa qwaar.

YOSHUA 14:11

Ala ti gawít tam hamí, aqo adoodár baldá' Mose iwa ya/abiít an i kaáhh, slaqwara a aleesláw, tam waayaá dooeé' sleeme.