WARA'AMI 90:1 - Biblía Axweesantá Hhohho' ar Mungú 2004

¹ AAKOÓ MUNGÚ, kuúng an dír hotaarén awa qari sleémeero.

Ya/abtór hho' 1977

¹ AAKOÓ MUNGÚ, kuúng an dír hotaarén awa qari sleémeero.

WARA'AMI 90:1 Iomraidhean Croise

1 WAAWITÁ 13:1

Looarka wake Yeroboamu iwa sihhiít dír bihhaá kitangwduú ilahhooa, kudá' mooyángw tsuú' kuwa da/aa/an, as mooyaangw nguwa da/i, heé Mungú oo yaamaá Yuda daáhh ina hardáh dír Beteli. Heewí i ya/abtór AAKOÓ MUNGÚ kón.

WARA'AMI 71:3

Kuúng dir'eene masók a tlaa/ár ni gogoow nee baqmór'eé', nee adór koo/ír gawit ar aníng i ba/amis, asma an tlaa/ar'eé' nee baqmór'eé'.

WARA'AMI 89:1

AAKOÓ MUNGÚ, sla'aarirók ar warqawaaká a daá' ay alhhe'eesay wasle, aníng inkihhimuuwók u alki/iít dír qari sleémeero.

WARA'AMI 91:1

Kudá' taa baáq nee Munguúdá' gáwtí dirií', kudá' aa iwiit baraá mahhtuú Munguú Aleesleemusmo,

WARA'AMI 91:9

Asma an kat, «AÁKO, kuúng a dír guway'eé'». Munguúdá' gáwtí dirií' ugwa hotaangók tléhh.

ISAYA 8:14

Aníng a dirók tidá' hhoohhoo' ar guwaay, sleeme aqo adór tlaa/anoó dukuutsmo, tlaa/ár waawituú Israeli i huhu'un nee oo Yudawo. Aníng a tsaaxweelír yaamuloouusér Yerusalemu ga ohiim.

ESEKIELI 11:16

«Ala mukwí baraá looháy dirií' ku beer, Anuú Aakoó MUNGÚ a kah, Tam naa huwi baraá tla/ángw xoordaá hatlá', nee tam naa diyaa/i baraá yaamaá hatlá', tam adoorihe qoomaarír kilae aníng a dinkwa nee inooín, amoodá' i diri'iia'.

HABAKUKI 1:12

«Kuúng, AAKOÓ MUNGÚ, Munguúeé' Kudá' hhoohhoó', kuúng an daadeer iimír iimu/uungw wasle, nee an baloó alhhe'eesoó koondaaká. Kuúng AAKOÓ MUNGÚ, múk Kaldayo nguna tlés amooréní ale as tiwa sakwasleemuutiya'. Kuúng Tlaá/a, mukdá' ugwa aleesleemuú hanís as atén tiwa muxiya'.

Yohana 6:56

Heé slaqwte'eé' ga /aáy, nee heé tseerer'eé' ga wáh, inós i baraaeé' wa hoot, nee aníng a baraawós wa hoót.

DABE 33:1

Gaarí an tsuuqaadá' Mose, heé Mungú, múk Israeli ngira tsuúq dír ira gwaaiiká.

DABE 33:27

Munguú iimu/ungw wásl an dír guwaywók. Dabaawós kudá' alhhe'eesay wasl un loohisiyá'. Inós wakuuse gan geerawók wa guus, i kaahi, ‹Hhaamiseek.›

1 Timoteo 6:11

Ala kuúng a heé Mungú. Kuúng ti paratl nee muruú adór kwí. Hotaá ganaa'á' na eehareek, nee ilaiwa/ame nee haratlintaao, nee sla'aari nee qiqtliingw nee tsatsaa'areema.

1 Yohana 4:16

Atén adór Mungú tira slaá', aga tsaahhaán, nee sla'aarirós kari haratlintiaán. Mungú a sla'aari. Kudá' baraá sla'aarír wa hoót, in baraá Mungú, nee Mungú i baraawós.