WARA'AMI 9:9 - Biblía Axweesantá Hhohho' ar Mungú 2004

⁹ AAKOÓ MUNGÚ an baqmoó dír kudá' ta hara/untsina, an baqmór'ín qoomár slahh'amuuwo.

Ya/abtór hho' 1977

⁹ AAKOÓ MUNGÚ an baqmoó dír kudá' ta hara/untsina, an baqmór'ín qoomár slahha'amuuwo.

WARA'AMI 9:9 Iomraidhean Croise

1 QOM'I 16:33

Xaa'aá baraá gara sleémeero i daaiye' ar qwala/, geeraá AAKOÓ MUNGÚ wa ale. Asma inós nin hardah as yaamu ngiwa sakwasleemuuti.

WARA'AMI 108:12

Ti alee/is wakuuseerene, asma alee/isoó muu i gaa buiiká.

WARA'AMI 142:4

Bara qaytsiít bihhieé' awa doó /iyáy, heé án i /iís i kaahh, nee oo án xuúm i kaahh, amór ni goow i káhh.

WARA'AMI 18:2

AAKOÓ MUNGÚ an baqmor'eé', nee ba/amusmooeé', an Munguúeé' oo ni i gogoow. Inós aníng in baaq adór gaambór wa ale, in aleekalaa/ iri ba/amis, aníng ti saxmaár dirose.

WARA'AMI 20:1

AAKOÓ MUNGÚ u mu/aywatsi deelór slahh'amko. Munguú Yakobo kuúng u de'en,

WARA'AMI 32:7

Kuúng an dír ni nahhaat, án kuúng in amohhe'eemís qoomár slahh'amuuwo, Án ba/amarók ngiri daá' ar qwala/, asma kuúng an baqmor'eé'.

WARA'AMI 37:39

Nee ba/amár múk hota ganaá' ni amór AAKOÓ MUNGÚ dáhh. Asma inós an baqmoó qoomár slahh'amko.

WARA'AMI 46:1

Mungú a dír guwayrén nee an /uuruurén adoorí atén aga araán, baraá slahh'aamuurene inós atén tina alee/iís.

WARA'AMI 46:7

AAKOÓ MUNGÚ Aleesleemusmo an dinkwa nee atén. Munguú Yakobo a dír guwayrén.

WARA'AMI 48:3

Mungú i baraá maraydaá gixsár i dirii', inós taa laqán tawa baqmór saxamaár.

WARA'AMI 50:15

Án ateetáng deelór slahh'amaayeero. Án kuúng u ba/amís, aníng iri xirfayés.»

WARA'AMI 62:8

Kuungaá muu, Mungú haratlintiaak daqisleém, slahh'amuuhúng alki/iitaak dirós i alé, Mungú a dír guwayrén.

WARA'AMI 67:5

Mungú, muu kuúng u xirfayeemisi, muu sleémeero kuúng u xirfayeemisi.

WARA'AMI 7:9

Tlakweemaá múk tlákw mindiwa kumiitiyé', heé hotaawós ganaa'á' gawdeeseek baraá gan'amu. Kuúng, Aakoó Mungú, kudá' gan'amuú koóm, kuúng an kudá' naaqór baraá mune nee inslawoó muu gu tsee/ariím.

WARA'AMI 96:10

Xoordu ádbawaak, adór AAKOÓ MUNGÚ tar baalusmo, yaamu kaa tlehhma hhe'eés, kiri /atleés as iwa daaraxatiaaká, muu gu sakwasleemuut ar adór ganaa'.

WARA'AMI 98:9

Baraa/é' dír geeraá AAKOÓ MUNGUHE, asma ni hardah as yaamu ngiwa sakwasleemuuti. Xoordu sleémeero gin sakwasleemár i tleehh ar gan'amu. Gin sawaawuti'ín ar barqanti wasle.

AXWEESANOÓ SAGALOOA 18:10

Umuú AAKOÓ MUNGÚ a koo/ír gawit, Heé hota ganaá' gun i goow, kuri saxamaár,

ISAYA 32:2

Umuúqo heewo tari adór dír tay gogoowi qoomár fur'aaro. Tari adór dír tay nahhat qoomár tluwoó dukto. Umuú heewo tari adór yaaér ma'aá koom ar baraá yaamaá kaahaar, tari adór mahhatír tlaa/ár yaangariir ar baraá xaanxaay.

ISAYA 8:14

Aníng a dirók tidá' hhoohhoo' ar guwaay, sleeme aqo adór tlaa/anoó dukuutsmo, tlaa/ár waawituú Israeli i huhu'un nee oo Yudawo. Aníng a tsaaxweelír yaamuloouusér Yerusalemu ga ohiim.

NAHUMU 1:7

AAKOÓ MUNGÚ ku hhoó', inós a koo/ír gawit deelór slahh'amuwo, inós mukdá' sleémeero gu i gogoów gu xún.

Luka 13:34

«Yerusalému, Yerusalému, kiíngadá' aaruusér tsu/a/iim, nee kudá' tinda amoorók ya/aáw kiwa tlaqwaqut ar tlaa/e. A sagaáwa magá' án mukók nguwa burumburtá wa slaa', adoodár koonki tsiioorós ngir burumburariin baraá hhaampi'iiwós, ala kuungá' aga ya/aandi'iiká.

DABE 33:27

Munguú iimu/ungw wásl an dír guwaywók. Dabaawós kudá' alhhe'eesay wasl un loohisiyá'. Inós wakuuse gan geerawók wa guus, i kaahi, ‹Hhaamiseek.›

Ebrania 6:18

Gawaá adoorihe Mungú muruuwí tsár gwa oó', al'axweesantós nee lo'o. Muruuwí i baloó warqayká, nee Mungú lama ga baloó ooiiká daanduú muruuwihe. Ateéká' inós ugwa i guwaan, muruuwí atén tin ló'wa gurkwa/amis, as harahhifoodá' taa geeraarén i qaás kawa slawaan.