WARA'AMI 9:5 - Biblía Axweesantá Hhohho' ar Mungú 2004

⁵ Xoordu iga iigahhamít, tlakuuse kari qwaarés. Umer'ín ana fíts tay alhhe'eesay wasle.

Ya/abtór hho' 1977

⁵ Xoordu iga iigahhamít, tlakuuse kari qwaarés. Umer'ín ana fíts tay alhhe'eesay wasle.

WARA'AMI 9:5 Iomraidhean Croise

2 SAMUELI 17:23

Ahitofeli ngiwa ár adór axweesantós kara kaángwí sií', iri tsa/án gawaá daqwaywós, iri waátl amór do', baraá gixsarós. Iwa hardáh muruú dír do'ós guri qoomeés. Tari tarereé', iri gwaá'. Kuri foól baraá /aantár baabuúwós.

WARA'AMI 149:7

As li/aay kuwa bui dír xoordu, nee xoordaá hatlá' muxta ngi slaye'.

WARA'AMI 2:1

Ahaá waáy, xoordu misinda barti'ín ayé' as nguwa geewaqaatiya'? Ahaá waáy, tlahh'ii sleémeero gár i qoomeemeesiya' mas muruú tawo?

WARA'AMI 5:6

Lamuuse sleémeero a hhaamís. In ahhít kudá' tsu/utár muu ngi sla'á' nee awa al/aymuuse.

WARA'AMI 7:12

Hee barnaxes aa hhu'u'uniiká, Mungú paánga ga duuq, ga/aleerós ga mahángw i qaas, ga amohhe'ees tsaxaararo.

WARA'AMI 78:55

Xoordu giri guús geeraaín wa ale, yaamuuín giri qasmiís, digeemi giri qoomeemeés, nee tlahh'aá Israeli gina iwiitiís baraá xafay'ín.

WARA'AMI 79:10

A gár milá múk xoordu tiwa babay, «Munguúhúng kwisíng i amá ala?» Ka araané' ló' adór múk xoordu kura li/áy bú', as tsu/utár sagadiyuuseerók.

AXWEESANOÓ SAGALOOA 10:7

Múk gan'amuú koóm bur inslasleér a tsuuqa, ala umuú heé tlaákw a adór gár aa dix.

AXWEESANOÓ SAGALOOA 13:9

Heé hota ganaá' a adór tsaa'astá oh, Ala tlakusmo a adór gufuú quú'.

YEREMIA 49:38

Aníng kitangw'eé' oo waawuti'iima u qaás baraá Elamu, nee waawutmooín nee geeraharuuser'ine in hhaamiís. Anuú AAKOÓ MUNGÚ tí ngina oó'.

WA/AA/I 3:58

Aá Aáko, án kuúng iga aleekalá/, slafingw'eé' kuri ba/amís.

MALAKI 4:3

Kuungá' mukdá' tlákw kuri adaratá', asma inooín tay adór da/ara baraá tsa/aá ya'aahunge, baalaadá' án gadiyér'eé' bar tleéhh.

DABE 9:14

Xaa mawáng i hhaamiís, umuuín u fiíts gawaá daanduú yaamuwo, aníng kuúng un xoorór ur tleéhh ar /uuruú koom, nee ar yaariir ta inooine.›

Geehhoeemaá 19:15

Nee paángár xaraasl i baraá afkós wa ti'imít, as inós múk xoordu nguwa darahhi ar paángadá'. Inós inooín gi sawaawuti'ín ar hhartá muqsli. Nee inós bohongwduú mamaá sabiíbu kiwa tsoo/iti gu kala/án, kuduú buhhtaá Munguú Aleesleemusmo.

1 SAMUELI 25:32

Daudi Abigaili gari báy, «AAKOÓ MUNGÚ Munguú múk Israeli i xirfuuti, kudá' kiíng iga ya/aaw laarí, án nee kiíng tiwa doogaan.

1 SAMUELI 25:39

Daudi ngiwa axaás adór Nabali ira gwaá', iri oó', «AAKOÓ MUNGÚ i xirfuuti kudá' marmaádá' gaa buu' dír Nabali, as aníng iwa /oosliislín. AAKOÓ MUNGÚ aníng iga pa/ás gár tlaakw ngiwa tleehh. AAKOÓ MUNGÚ marmá gana buú' gawaá Nabali as tlakweemaawós.» Alaá kaangwí iwa hhooáy Daudi muu guna ya/aáw amór Abigaili kawa lehhtuú ay as Daudi, asma gaa waatlakweés.

1 SAMUELI 31:4

Saulo heewós kudá' xosluuwós kudaá slaqwarár loohiís guri báy, «Paángarók tisíng taatahheek, aníng mutáng, ni gwaá', mukqá' taa hheehhe'eesiiká ló' aníng miwa gaás ar paánga, iri niqín.» Ala heedaádá' xooslaarós loohiís gwaa qiitliiká, asma ina da'ayuút kángw kilá' wa ale. Saulo paángarós gari taataáhh, gari qoomeés gawaawós, gari harahuú'.