WARA'AMI 9:13 - Biblía Axweesantá Hhohho' ar Mungú 2004

¹³ AAKOÓ MUNGÚ, án gurtlawáng, qaytsiít slahh'eemisuú tir slahh'eemisi nee kudá' aníng i ahhiitá'. Kuúng an kudaádá' aníng i ki/ís dír afkuduú bohóngw gwa'araaro.

Ya/abtór hho' 1977

¹³ AAKOÓ MUNGÚ, án gurtlawáng, qaytsiít slahh'eemisuú tir slahh'eemisi nee kudá' aníng i ahhiitá'. Kuúng an kudaádá' aníng i ki/ís dír afkuduú bohóngw gwa'araaro.

WARA'AMI 9:13 Iomraidhean Croise

IIMU/UUNGW 4:10

AAKOÓ MUNGÚ Kaini guri báy, «Gár taa tléhh a milá? Tseerér hhiyaawók i amor'eé' /aa/amiín baraá hhapér wa alé.

IIMU/UUNGW 4:9

AAKOÓ MUNGÚ Kaini guri báy, «Hhiyaawók Abeli i amá?» Kaini iri oó', «U xuaaká, ahaá, aníng a xuumusmoó hhiyaeéne?»

1 WAAWITÁ 21:19

Inós ku beer, AAKOÓ MUNGÚ i kaahi, ‹An tsu/úta tay aaliín sleeme?› AAKOÓ MUNGÚ i kaahi, ‹Didá' tseerér Naboti kawa naatsín nee seeaawe, tók seeaawe ga didá' wa náts sleeme.› »

2 WAAWITÁ 9:26

AAKOÓ MUNGÚ ina oó', ‹Tseerér Naboti nee ar na/iiwós tidá' /isá' naa ár, looeemaawo aníng lo'o aga /aáy án li/oó tseereerí u buú' baraá qaymoorí.› Gawaá adoorihe, tuuár Yoram kwahheek baraá qaymór Naboti ar adoodá' AAKOÓ MUNGÚ ngira oó'.»

2 QOM'I 24:22

Waawutmo Yoashi hhooeemadaá kway tleéhh nee Yehoyada baabuú Sekaria gay gunqareés, garmoó Yehoyada gway gaás. Qoomár Sekaria iwa gwagwa'an ina oó' «AAKOÓ MUNGÚ tlehhmi'iiká ngi ari, nee li/aywí ngu bui.»

NEHEMIA 9:32

«Gawaá adoorihe, aá Munguúrén, Munguú úr oo /uuruú koóm nee oo dae tlaáq, kuúng alqadorók an ohiín nee sla'aarirók i warqeeraaká, slahh'amaayedá' atén taa sleer nee waawitaárén, nee múk urén nee kaahamuuseero nee aaruseerene, baabi'iirén nee mukók sleémeero iimír qoomár waawituú Ashuru ay laarí, kuúng ma gár niiná wa araar.

WARA'AMI 10:12

AAKOÓ MUNGÚ, sihhiít, dakók tleeseek tlakusmo muxeek, liitlakuuse ma gunqareesaar.

WARA'AMI 107:18

Muruú /ayma dir'ine /etaangw gway sií', qatlo kay i nakaá/.

WARA'AMI 119:132

Amor'eé' i warqawang nee gurtlawáng, adoodá' ki /imamis mukdaádá' u slaá'.

WARA'AMI 119:153

Baraá slahh'amaayer'eene i qaytsitáng, tu/áng asma dabeerók aga gunqareesiiká.

WARA'AMI 12:6

Al'axweesantá AAKOÓ MUNGÚ a ló', nee i ganá'. Ka hhohho' adór muqslír /awaak ar taa kwahhuút ar baraá asla, adór muqslír /awaak ar taa kwahho hhe'eés sagaá wa faanqw.

WARA'AMI 13:3

AAKOÓ Munguúeé', aníng i qaytsitáng iwa mu/aywats. Án slaqwahhooárí ki/isáng mawa guú' ar gu'utér huwisha.

WARA'AMI 142:6

/Aa/ee'eé' iiárií qaaseek, asma aníng taa ló'wa waaqaá'! Baraá dabaá baramaanuuseero tu/áng, asma i /uuruú koná' ta aninge.

WARA'AMI 25:19

Qaytsiít adór wakuuser'eé' kar yaariír, nee adór án ir ahhiitiyá' ar aahhír tlakw.

WARA'AMI 30:3

AAKOÓ MUNGÚ, án kuúng iga dúx baraá gi'iwo. Án niwa afkwaá bohóngw i nakaá/ kuúng ina slafíngwí ki/ís.

WARA'AMI 38:19

Wakuuser'eé' ka slaqo hho' nee i /uuruú koón. Inooínaadá' aníng i tawo ahhiitá' ki yaariir.

WARA'AMI 51:1

Mungú na'ás, án gurtlawáng, ar afi qoomoó sla'aarirók ar warqawaaká, ar yaareemaá gurtleemuwók, tlakweemaaeé' na fiitseek.

WARA'AMI 56:13

Asma aníng iga ba/amís baraá gwa'araaro. Eeít, ya'aaeé' ina báq mawa huú', as niwa hoot ar gwa/aateema baraá slafingo, dír geeraá Mungú wa aleeró.

WARA'AMI 86:13

Asma sla'aarirók ar warqawaaká ka yaariir dir'eene, hhiintluueé' ugwa tú/ baraá gi'ií wa aleeró.

ISAYA 38:10

Aníng ana oó', «Baraá na/uumar'eene aqo an gwaá', aníng taa qaroó amohhe'eés niwa dah baraá gi'i deelo sleémeero ar naa meti baraá slafingw'eene.

WA/AA/I 1:11

Mukós sleémeero i baraá /ifo, as tawa gár /aymár leelehhiiti, daqaari'iimar'ín ngin muruú /aymár ar tlaxún as tiwa tu/iya' i kaahiya', «AAKOÓ MUNGÚ, ti i qaytsit, asma atén taa waaqaá'.»

WA/AA/I 1:9

Slasla/aruuwós ku geehhoó', ala inós qwanaywós gu hhaslitká, gawaá adoorihe, huuamaawós ki ló'wa slasla/aar, heé gaa gurkwa/as i kaahh, inós i kat, «Kuúng AAKOÓ MUNGÚ, slahh'amuueé' i qayteek, asma wakuuser'eé' iga bál!»

Yohana 2:6

Didaádae sidaá lahhoó' awa taa tleéhh ar tlaa/e i dayá'. Sidoodá' kina didaádí qaás as tlehhemuú múk Yahudi, as hamtlo. Umuúqo sirwiro a har qoomoó deebedaá kooán ay faanqw.