WARA'AMI 89:51 - Biblía Axweesantá Hhohho' ar Mungú 2004

⁵¹ AAKOÓ MUNGÚ, wakuuseerók waawutmoowók kudá' taa tsawát ngu niqimisiyá'. Ngu niqimisiyá' umuúqo dír i kaya.

Ya/abtór hho' 1977

⁵¹ AAKOÓ MUNGÚ, wakuuseerók waawutmoowók kudá' taa tsawát ngu niqimisiyá'. Ngu niqimisiyá' umuúqo dír i kaya.

WARA'AMI 89:51 Iomraidhean Croise

WARA'AMI 57:3

alee/isaywós ngu gawaá doorií wá huuw iri ba/amis, kudá' aníng i hhitár wa slaá' nguwa mureekeesi. Mungú sla'aarirós ar warqawaaká nee inkihhimuuwose ngi laqán!

WARA'AMI 69:8

Ana dahaaymo tleehhiít dír hhaee'eene, daa'awte'eé' i tsatsahhandaaká.

WARA'AMI 74:10

Aá Mungú, wakuuse u niqaaqiin ay xaylá? Xáy, umuuwók aqo kun /ooslaaslína ay alhhe'eesay wasle?

DANIELI 9:16

Aá Aáko, adoodá' tlehhmi'iiwók awa ganaa'á' i diri'iia atén miti i buhhaar, laqaá gixsarók ar Yerusalemu ma i buhhaar, tam tloomarók tidá' hhoohhoo'. Asma muu sleémeero kuduú inslaawaay gixsarók ar Yerusalemu nee mukoge kin waqaqaa' as tlakweemaadá' atén nee baabi'iirén naa tleehhaán.

Matayo 12:24

Ala múk Farisayo adoodá' ngiwa axaás tari oó', «Kwí bir neetlaamér duxun, gár ngir duxun a /uuruú Neetlángw úr kudá' ta bay Be'elsebuli.»

Matayo 26:61

tari káh, «Heewí ina oó', ‹Án do'wí oo Doó Mungú fee/aro u aleesláw nee nguri tleéhh deelo tám.› »

Yohana 8:48

Múk Yahudi iri oó', «Ahaá, atén ar ló' aga ooániíke, tawa ooaán kuúng a heé Samaria, nee gídaabá a neetlaamér koón.»

Tlehhema'aá ya/Abuuse 5:41

Ya/abuuseedá' iri ti'ít baraá do'duú kwasleemaro, ta qwalalaa/ asma kiwa harafaár tawa múk hariím mureekeemisuwo as daanduú Yesu.

Ebrania 10:33

Daqtakaaro kuungá' kilá' tunduna niqimís, tunduri slahh'eemiís, nee tunduri /oosliislín dír geeraá múk wa ale. Nee siiwarkaaro kuungá' ana dinku'umisé' nee múk hatlá' oo taa adoorí laqán.

Ebrania 11:36

Nee bahh'alé iiara'aduú niqimis nguna slayé' nee muxta, tam kiri tsegiít ar qutúr, kiri dahamiís baraá doó tseegamo.

1 Petro 3:16

Ala adoorí tleehhaak ar tsatsa'areema nee ilaiwa/ame, munerhúng masók ka hhohho'. As kahhó' mukdá' kuungá' nu daanda kaantiím as slafingwhúng oo Krishaanu'uuma, kiwa mureekeesi.