WARA'AMI 89:4 - Biblía Axweesantá Hhohho' ar Mungú 2004

⁴ ‹Waawuti'iima i qutlká dír xwaylaroge, waawuti'iimarók a gawdeés baraá qari sleémeero.› »

Ya/abtór hho' 1977

⁴ ‘Waawuti'iima i qutlká dír xwaylaroge, waawuti'iimarók a gawdeés baraá qari sleémeero.’”

WARA'AMI 89:4 Iomraidhean Croise

2 SAMUELI 7:29

Gawaá adoorihe án kuúng u firiím doó lawaalmoowók tsuuqeek, i hotaatin ay kureerisleém. Asma kuúng Aakoó MUNGÚ ana ó', ar tsuuqawoge, doó lawaalmoowók ku tsuuqi ay kureerisleém.»

1 WAAWITÁ 9:5

daqaní án waawuti'iimarók a iiatleereés baraá Israeliro, adoodá' ngira al'axweés dír baabuúwók Daudi, niwa oó', ‹Kuúng hee u dakuská oo iwiít gawaá kitángw waawuti'iima oo Israeli ay alhhe'eesay wasle.›

1 QOM'I 22:10

«Inós dooeé' gu tleehh. Inós tari garmaaeé', aníng tari baabuúwós. Kitaangós oo waawuti'iima un gawdeés baraá Israeliro ay alhhe'eesay wasle.

1 QOM'I 28:4

Tam adoorihe AAKOÓ MUNGÚ, Munguú Israeli, aníng ina tsawaár dír doó baabuúeene tawa waawutmoó múk Israeli kureerisleém. Tlahhoó Yuda guna tsawaár as iwa waawuti'in, nee baraá doó Yudawo guruú doó baabuúeé' gway tsawaár, baraá daaqoó baabuúeene aníng ina gurií baá/, iri waawutmoó múk Israeli wa qaás.

WARA'AMI 132:11

AAKOÓ MUNGÚ Daudi guna al'axweesantá ló' i oó', slám i alií ki/iiká al'axweesantadá' ngiwa warqeesi, iwa kaahi, «Baraá daaqaywoge garmoó wák u iwiitiís gawaá kitaangók oo waawuti'iima.

WARA'AMI 132:12

Daaqaywók barnaxés alqador'eé' nee axweesante'eé', tidá' naa intsaahhatís ngaa iialooeesiyé', daqaní daaqay'ín sleeme i iwiit gawaá kitaangók oo waawuti'iima ay alhhe'eesay wasle.»

WARA'AMI 72:17

Yaeemír waawutmo i kumaamit, waawutmo ku diidi'iimaamisi qooma sleémeero ar tsee/amá iwa gwa/aati, xoordu sleémeero tsuuqa ngi slaye' ar inós, nee inós ku bay, «Kudá' taa tsuúq.»

WARA'AMI 89:1

AAKOÓ MUNGÚ, sla'aarirók ar warqawaaká a daá' ay alhhe'eesay wasle, aníng inkihhimuuwók u alki/iít dír qari sleémeero.

WARA'AMI 89:29

Baraá tlahhaywose waawuti'iima i qutlká, waawuti'iimarós i hartsatángw koondaaká adór doorií wa ale.»

WARA'AMI 89:36

Yaeemirós i kumaamít ay kureeraá kureér, nee waawuti'iimarós i kumaamít adór tsee/amá dír geeraaeene.

WARA'AMI 89:50

Aáko, /oosliislíngw sagadiyusmoowók inslaweek, nee adoodá' nira qiqtliím tiwa /oosliislín nee múk yaariír.

ISAYA 42:1

Ga/aawaak, sagadiyusmooeé' kudá' naa /uurií qaás, kudá' naa tsawaár, kudá' muunaáeé' gwaa qwal/aas. Qeeruueé' ugwa baraawós i qaás. Inós xoordu gin sakwasleemár ganaá' i huuw.

SEKARIA 12:8

Baalaadae anuú AAKOÓ MUNGÚ yaamuloouusér Yerusalemu an xuúm nee muk daqetlákw baraá tla/angw'ine tay adór Daudi, nee xwaylár Daudi tay geeraharuusér múk Yuda adór malaykamoó AAKOÓ MUNGÚ nee adór Mungú inósuú kilá'.

Rumi 15:12

Nee slám aarusmo Isaya i kaahi, «Harma/i ni baraá tlahhoó Yesé dáhh. As xoordu sleémeero ngiwa sawaawuti'ii'in. Inós an kudá' xoordu i haraxuiya'.»

Geehhoeemaá 22:16

«Anuú Yesu malaykamooeé' nguna ya/aáw as muruuwí nguwa dirhúngií lamabu'un, kuungá' múk kríshaanáy oo baraá gixsadaá dimbadimbé. Aníng a heedá' baraá tlahhoó Daudí daáhh. Aníng oo xwaylár Daudi. Aníng an tsatsee/idá' gwa/aat ar matlaatle ar ta bay Haymú.»