WARA'AMI 89:36 - Biblía Axweesantá Hhohho' ar Mungú 2004

³⁶ Yaeemirós i kumaamít ay kureeraá kureér, nee waawuti'iimarós i kumaamít adór tsee/amá dír geeraaeene.

Ya/abtór hho' 1977

³⁶ Yaeemirós i kumamiit ay kureeraá kureér, nee waawuti'iimarós i kumaamít adór tsee/amá dír geeraeene.

WARA'AMI 89:36 Iomraidhean Croise

2 SAMUELI 3:9

Mungú aníng miwa gáwtí geexáy bar tidá' sleémeero aa dír Daudi bara boo/eesiiká,

2 SAMUELI 7:16

Do'ók nee waawuti'iimaroge i kumaamitiyá' dír geeraaeé' waá ale daqiisleém. Kitaangók oo waawuti'iima ku gawdees kureerisleém.› »

WARA'AMI 72:17

Yaeemír waawutmo i kumaamit, waawutmo ku diidi'iimaamisi qooma sleémeero ar tsee/amá iwa gwa/aati, xoordu sleémeero tsuuqa ngi slaye' ar inós, nee inós ku bay, «Kudá' taa tsuúq.»

WARA'AMI 72:5

Waawutmo i hotaatin ay nángw naangw, adór tsee/amá nee slahhaangw ir gwa/aatiya'.

WARA'AMI 89:29

Baraá tlahhaywose waawuti'iima i qutlká, waawuti'iimarós i hartsatángw koondaaká adór doorií wa ale.»

WARA'AMI 89:4

‹Waawuti'iima i qutlká dír xwaylaroge, waawuti'iimarók a gawdeés baraá qari sleémeero.› »

ISAYA 53:10

Tam adoorihe AAKOÓ MUNGÚ guna slaá' nguwa slahh'eemisi, guri gurhaamír ar áy. As hhiintluuwós nguwa duúx tawa ilahhooár tlakweés hingeesa, xwaylarós ga ar adór kar hota tleér. Inós an kudá' sla'aarír AAKOÓ MUNGÚ ga boo/eés.

ISAYA 59:21

AAKOÓ MUNGÚ i kaahi, «Aníng alqado a tlehhiít nee kuungá'. Qeeruueé' kuduú gawaahúng nee axweesante'eé' tidá' naa qaás gawaá aferhúng, miwa qútl baraá aferhunge, laqaá baraá afér na/iihunge, laqaá baraá afér na/aá na/iihunge, iimír hamí tam ay alhhe'eesay wasle.»

ISAYA 9:7

Axweesanoó aleesleemuú koóm nee wayduuwós i alhhe'eesoó kon'aaká, baraá kitángw Daudi oo Aleesleemu nee waawuti'iimarós, Gin gawdees nee gin kumitiis ar sakwasleemár ganaa' nee hotaá ganaa'á', iimír hamí ay alhhe'eesay wasle. AAKOÓ MUNGÚ Aleesleemusmo adoorí gan tleehh.

YEREMIA 33:20

AAKOÓ MUNGÚ i kaahi, «Barnaxes alqador'eé' tidá' naa tleéhh dír tlaatla/aangw nee xweera hhitiimaro bara aleesleér, tam tlaatla/aangw nee xweera qom'ii'ín kudá' taa qaás ngay dakuusiyé',

YEREMIA 33:21

daqaní alqadoodá' aníng naa tleéhh dír sagadiyusmooeé' Daudi sleeme hhitiimaro a aleesleér, tam na/oó kitaangós gu sawaawuti'iím iri qwaar, nee sleeme alqadoodá' naa tleéhh nee sagadiyuuser'eé' tidár kaahamuusér tlahhoó Laáwi.

AMOS 4:2

Aakoó MUNGÚ kudá' hhoohhoó' lo'o gaa /aáy, «Qaytsité', qooma i xeér ar kuungá' tunduwa uruuxun ar him'e, tari adór siyoó gawaá baraatsufáy wa tarereamiít.

Luka 1:33

Hhay Yakobo gan sawaawuti'ín kureerisleém, nee alhhe'eesoó waawuti'iimarós i kaahh.»

Yohana 12:34

Boo/aay iri oó', «Atén gár naa axasaán baraá hara'ayaaro Kristo in slafaafín ay alhhe'eesay wasle. Nee ala kuúng mas kat, Garmoó Hee gár kuwa hariím a gáwtí tleesa? Garmaawí oo Hee a heemá?»