WARA'AMI 89:29 - Biblía Axweesantá Hhohho' ar Mungú 2004

²⁹ Baraá tlahhaywose waawuti'iima i qutlká, waawuti'iimarós i hartsatángw koondaaká adór doorií wa ale.»

Ya/abtór hho' 1977

²⁹ Baraá tlahhaywose waawuti'iima i qutliká, waawuti'iimarós i hartsatángw koondaaká adór doorií wa ale.”

WARA'AMI 89:29 Iomraidhean Croise

2 SAMUELI 23:5

Adoorí an adór dooeé' i dirii'i dír geeraá Munguhe Asma alqadór alhhe'eesay wasl ngaa dir'eéní oó' ar qoom, ar baloó warqawaaká. Inós muruú aníng ni slaa' sleémeero ngun slasláy.

1 QOM'I 22:10

«Inós dooeé' gu tleehh. Inós tari garmaaeé', aníng tari baabuúwós. Kitaangós oo waawuti'iima un gawdeés baraá Israeliro ay alhhe'eesay wasle.

WARA'AMI 132:11

AAKOÓ MUNGÚ Daudi guna al'axweesantá ló' i oó', slám i alií ki/iiká al'axweesantadá' ngiwa warqeesi, iwa kaahi, «Baraá daaqaywoge garmoó wák u iwiitiís gawaá kitaangók oo waawuti'iima.

WARA'AMI 21:4

Inós slafiingw guna dirógí firín kuri hanís, slafíngw deelór yaariir oo alhhe'eesoó koomaaká.

WARA'AMI 45:6

Mungú, kitaangók oo waawuti'iima i hotatin kureerisleém, Waawuti'iimarók a waawuti'iimár gan'amu.

WARA'AMI 89:36

Yaeemirós i kumaamít ay kureeraá kureér, nee waawuti'iimarós i kumaamít adór tsee/amá dír geeraaeene.

WARA'AMI 89:4

‹Waawuti'iima i qutlká dír xwaylaroge, waawuti'iimarók a gawdeés baraá qari sleémeero.› »

ISAYA 55:3

Iaahúng qaasaak, nee amor'eé' hardahare'. Aníng iiárií qaasaré', daqaní a hotá'. Aníng alqadór alhhe'eesay wasl a tleéhh nee kuungá', sla'aarir'eé' ar warqawaaká tidá' ló' dír Daudiwo.

ISAYA 59:21

AAKOÓ MUNGÚ i kaahi, «Aníng alqado a tlehhiít nee kuungá'. Qeeruueé' kuduú gawaahúng nee axweesante'eé' tidá' naa qaás gawaá aferhúng, miwa qútl baraá aferhunge, laqaá baraá afér na/iihunge, laqaá baraá afér na/aá na/iihunge, iimír hamí tam ay alhhe'eesay wasle.»

ISAYA 9:7

Axweesanoó aleesleemuú koóm nee wayduuwós i alhhe'eesoó kon'aaká, baraá kitángw Daudi oo Aleesleemu nee waawuti'iimarós, Gin gawdees nee gin kumitiis ar sakwasleemár ganaa' nee hotaá ganaa'á', iimír hamí ay alhhe'eesay wasle. AAKOÓ MUNGÚ Aleesleemusmo adoorí gan tleehh.

DANIELI 2:44

De'emaá waawuti'iimasinge, Munguú doori waawuti'iima ga sihhtis ar ta hhitinká kureeriwo nee arta baloó baliiká nee múk hatlá', ala waawuti'iimarí waawuti'iimár hatlá' sleémeero gan parhhamís gari hhitiín, nee waawuti'iimarí in kumaamít ay alhhe'eesay wasle.

DABE 11:21

as kuungá' nee na/iihunge hotaá tleerá' kiwa sleera' baraá yaamaá AAKOÓ MUNGÚ, Munguúhúng aa lo'ór wa /aáy ngiwa haniisi dír baabi'iihúng, deelo sleémeero ar doori iwa hootiia.