WARA'AMI 89:1 - Biblía Axweesantá Hhohho' ar Mungú 2004

¹ AAKOÓ MUNGÚ, sla'aarirók ar warqawaaká a daá' ay alhhe'eesay wasle, aníng inkihhimuuwók u alki/iít dír qari sleémeero.

Ya/abtór hho' 1977

¹ AAKOÓ MUNGÚ, sla'aarirók ar warqawaaká a daá' ay alhhe'eesay wasle, aníng inkihhimuuwók u alki/iít dír qari sleémeero.

WARA'AMI 89:1 Iomraidhean Croise

1 WAAWITÁ 4:31

Asma sagalooa ngiwa kon a muu sleémeero ba/a, ta Etaniwo heé tlahhoó Esrahi, nee Hemani nee Kalkoli, nee Darda, inooín a daaqoó Maholi, inós iri iiatleerúy baraá xoordaá inslaawaywose.

1 WAAWITÁ 5:11

Solomon Hiramu guri darama'aá kume mibeeri tsár awa aangaánií haniís nee darama'aá mibeeri tsár wa di/tá hhohho' ar seituúni. Muruuwí Solomon guna Hiramu i hanmiís umuú kurko.

1 QOM'I 2:6

Daaqoó Sera a kwí kooán: Simri nee Eteni, nee Hemani, nee Kalkoli nee Darda.

WARA'AMI 101:1

Aá AAKOÓ MUNGÚ, án kuúng un i daá', daanduú inkihhimuwók nee sakwasleemarók ar ganaa'a.

WARA'AMI 106:1

AAKOÓ MUNGÚ xirfayeemisaak! AAKOÓ MUNGÚ sluufmisaak asma ku hhoó', asma sla'aarirós ar warqawaaká i baloó fakká!

WARA'AMI 119:90

Inkihhimuuwók i kumamiit dír qari sleémeero. Kuúng yaamu ina dir'íní qás nee in kumamitiyá'.

WARA'AMI 36:5

AAKOÓ MUNGÚ, sla'aarirók ar warqawaaká ka qoomay wasl, inkihhimuuwók i deer umuúqo diiro.

WARA'AMI 59:16

Ala aníng /uuruuwók u daa'ángw wa óh matlaatleero. Sla'aarirók ar warqawaaká an daa'ángw wa óh ar qwala/. Asma kuúng an baqmor'eé', nee dír ni goow baalaadár slahh'amko.

WARA'AMI 71:8

Afkwe'eé' i haats xirfuuwoge, nee xirfuuwók un waahhamiím tlaatla/aangw sleémeero.

WARA'AMI 88:11

Ahaá sla'aarirók ar warqawaaká kaqo alki/iíti dír /aantaaro? Laqaá inkihhimuuwók kuqo kaáhi dír ta hhitini?

WARA'AMI 89:24

Inkihhimuueé' nee sla'aarir'eé' ar warqawaaká ginar hoot, inós umuú daqto arba/tír ur ga sláy ar umuueé'.

WARA'AMI 89:33

Ala aníng Daudi aqo un slaá' ar sla'aarír warqawaaká, slám al'axweesante'eé' a lama tleehhaaká dirose.

WARA'AMI 89:49

Aáko, sla'aarirók ar warqawaaká ar iimír qaro i amá? Aáko, al'axweesantadá' taa al'axwés ar inkihhimuuwók dír Daudi, i amá?

WARA'AMI 89:8

AAKOÓ MUNGÚ Aleesleemusámo, a heemá oo /uuruú koóm adór kuúng wa ale? Kuúng a inkihhimuú koón dír umuú gaaro.

WARA'AMI 92:2

Matlaatleero sla'aarirók ar warqawaaká an alki/iitaán, nee inkihhimuuwók un alki/iitaán xweeraawo,

ISAYA 25:1

Aá AAKOÓ MUNGÚ, kuúng an Munguúeé', aníng kuúng un xirfayeés nee un diidi'iimiís, asma kuúng muruú waa/oo/amór koóm una tléhh, muruuwók kudá' taa qoomés iimír aange, aqo un boo/és ar inkihhimu nee looeema.

WA/AA/I 3:23

Muruuwí umuú looár tlawa ku /abén, inkihhimuuwós ku úr.

MIKA 7:20

Kuúng inkihhimuuwók kuri dír xwaylár Yakobówí laqaán, sla'aarirók ar warqawaaká kari dír xwaylár Abrahámúwí laqaán, adoodá' iimír aange kara dír xwayliiteéréní al'axwés.

Tito 1:2

nee sleeme as harahhifór slafíngw alhhe'eesay wásl kawa slay, kudá' Mungú aa qaroó geerií al'axweés iimír iimu/uungo, Mungú lama ga ooiiká.