WARA'AMI 87:7 - Biblía Axweesantá Hhohho' ar Mungú 2004

⁷ Daauuse nee ni/imuuse sleémeero ta ooi, «Muruurén oo hhó' sleémeero amór i dahhi a Siyoni.»

Ya/abtór hho' 1977

⁷ Daauuse nee ni/imuuse sleémeero ta ooi, “Muruurén oo hhó' sleémeero amór i dahhi a Sayuni.”

WARA'AMI 87:7 Iomraidhean Croise

2 SAMUELI 6:14

Daudi iri faakamiís ni/imaro dír geeraá AAKOÓ MUNGÚ wa ale, tlawuduú kaahamusmoó Mungú oo taa tleéhh ar neewór kitaáni gwa afeetlií siinoót.

1 QOM'I 23:5

nee múk kume tsiyáhh a xuumuusér afér gixsa, múk hatlá' oo kume tsiyáhh guna qaás AAKOÓ MUNGÚ nguwa xirfayeemisiya' ar xooslaá daa'aangw kudá' waawutmo aa haniís as gadiyeérí.

WARA'AMI 149:3

Umuuwós ngu xirfayeesiye' ar ni/ima, nee kuwa i daai ar mitingiri nee gidaandoori.

WARA'AMI 36:9

Asma diroge kutloó ma'aá slafiingw i deer, baraá gwa/aateemaawoge atén gwa/aateema i araán.

WARA'AMI 46:4

Yaae i deer, ar ma'aywós mukduú baraá gixsár Mungú ngu qwal/atimisá', didá' hhoohhoo' ar Munguúduú Gawa aa hotaangós i qaás.

WARA'AMI 68:26

«Mungú diidi'iimisaak baraá boo/oó ure, AAKOÓ MUNGÚ xirfayeemisaak, kuungá' sleémeero awa xwaylár Israeli!»

ISAYA 12:3

Kuungá' ma'aay i qwal/úr hhekitá' baraá hhaleeraá ba/ama.

ESEKIELI 47:1

Aluuwo heedaádá' iri male ki/ís ay dír afkú dahmaá Doó Mungú. Didár duxutmoowo ma'aay i bihhaá baráy wa/aminá' bihhaá da/aáw (asma afkú Doó Mungú in da/aáw ga/áy). Ma'aay i wa/aminá' bihhaá baskú wa ale, dír afkú Doó Munguhe, bihhaá basa awa kitangwduú ilahhooa.

Yohana 1:16

Asma baraá hatsmuuwose atén tsuuqa ina slaslawaán daanduú kuqá' wa ale.

Yohana 4:10

Yesu gari báy, «Kiíng geera bar gurtleemuú Mungú ugwa xú', slám geera heewí kiíng i babáw, ‹Ma'aá wahaango qawáng,› bura xú', geera alók inós ugwa firiín, inós geera ma'aá slafíngw koomá' ngi haniis.»

Yohana 4:14

Ala umuúqo heewo oo ma'ayká' aníng ni haniis gi wáh, i baloó waxiitiiká. Asma ma'aydá' án ni haniis ni kutltá ma'aá slafiingw tleehhitiyá', niri baraawós wa ti'imiitiyá', slafíngw alhhe'eesay wásl nguri huwiyá'.»

Yakobo 1:17

Umuúqo gár hhoo' nee umuúqo gár ganaa' amór kingiwa hanmiisi a gawaá doori. Amór Mungú ngin dáhh, kudá' gwa/aateemaá gawaá doori gaa tleehh. Asma inós i warqaaqayká, slám atén ti baraá giwtírií geexayká.

Geehhoeemaá 21:6

Nee inós aníng iri báy, «Aa tleehharút. Aníng an Alfa nee Omega, iimu/uungw nee alhhe'eesaay. Heé aa waxiit u ma'áy haniis awa bu'utu wasl, awa baraá kutlá ma'aá slafíngw dahhá'.

Geehhoeemaá 22:1

Aluuwo malaykamoodá' yaaér ma'aá slafíngw koom ngiri laqán. Yaaeedá' ma'aywós i gwa/aatiyá' adór looa. Yaaeerí dír niwa wa/amiin a baraá kitangwduú aleesleemu oo Mungú nee oo Deelmoó bee/i,

Geehhoeemaá 22:17

Qeeru nee dasiidá' ta duxuuti ta kaahi, «Qwaláng.» Nee heé adoodá' gaa axaas i ooi, «Qwaláng.» Nee heé aa waxiit ni hardihi, nee umuúqo heé ma'aá slafiingw gi slaá' ngi taataahhi awa bu'utu wasl.