WARA'AMI 87:1 - Biblía Axweesantá Hhohho' ar Mungú 2004

¹ AAKOÓ MUNGÚ iihhafirír gixsarós gaa tleéhh, gawaá tloomarós ar hhoohhoo'.

Ya/abtór hho' 1977

¹ AAKOÓ MUNGÚ iihhafirír gixsarós gaa tleéhh, gawaá tloomarós ar hhoohhoo'.

WARA'AMI 87:1 Iomraidhean Croise

2 QOM'I 3:1

Waawutmo Solomon Doó AAKOÓ MUNGÚ guri iimu/ún tlehhtuwo baraá Yerusalemu, gawaá tloomár Moria didá' AAKOÓ MUNGÚ tiwa dír Daudi geehhooeés. Diirí an afeenidár balaangw muxta ar Ornani heé Yebusi, tidá' Daudi aa tsawaár.

WARA'AMI 121:1

Ana qaytsiít gawaá sagér tlom'ií ale, Alee/isay'eé' amór i dahhi a amá?

WARA'AMI 122:2

Aá Yerusalému, atén aga sihhitaán baraá guruú Do'ók.

WARA'AMI 42:1

Adoodá' saaragi ma'aá yaae ngir ilatleerus, an adór án sleeme kuúng ur ilatleeruus, Munguúeé'.

WARA'AMI 68:16

Aá tloomár tleer ar tsitseeno yaariir, kiíng mas tloomár AAKOÓ MUNGÚ ga/eér ar da/i, tidá' inós aa tsawaár hotaangós wa ale ay alhhe'eesay wasle?

WARA'AMI 78:69

Do'ós oo hhoohhoó' guri tleéhh, oo tleerantleér ay gawaá doori, guri gawdeés adoodá' yaamu ngira gawdeés ay alhhe'eesay wasle.

ISAYA 14:32

Gár hee ya/abusmoó xoordu ngur mu/aywatsi a milá? Gun bay, «AAKOÓ MUNGÚ gixsár Siyoni gaa tleéhh, nee mukós kudá' taa slahh'eemiís, dir'ín ar guwaay kaa sláy baraá gixsarihe.»

ISAYA 28:16

Gawaá adoorihe Aako, AAKOÓ MUNGÚ i kaahi, «Ga/awaak, aníng tlaa/ár iihhafiiri a qaás baraá gixsár Siyoni, a tlaa/ár taa iiár, a tlaa/ár tlaxo gawit ar do' ir gawduy, tlaa/ár iihhafiiri ar do' ir gawduy, ‹Umuú heé gaa haratlintii' i kwareeiiká.›

ISAYA 56:7

Mukwí aníng un huúw gawaá tloomar'eé' tidá' hhoohhoo', aníng inooín ngiri baraá dooeé' kuduú firór wa qwal/atamís. Ilahhooar'ín ar da/a nee ar muruú ta tsu/i kin ya/án dír kitangw'eé' oo ilahhooaro. Asma dooeé' kun babay a doó firo as muu sleémeero.»

SEKARIA 8:3

Aníng a wayaá' Siyoni, án niri hotaá áw tla/ángw gixsár Yerusalemu, nee gixsár Yerusalemu kay bay, ‹Gixsár inkihhím.› nee tloomár AAKOÓ MUNGÚ Aleesleemusmo kari bay, ‹Tloomár hhoohhoo'.›

Matayo 16:18

Ala aníng kuúng u baw, kuúng a Petro, gidaabárós a tlaa/a. Gawaá tlaa/arihe aníng mukdá' iga haratlintii' u gawdeemiís. Tam gwa'ara sleeme muk'eé' kwí gu aleesleeraaká arba/ato.

2 Petro 1:18

Aténaá kilá' afór gawaá dooraá daahh ana axaasaán, qoomaadae atén tawa dinkwa nee inós gawaá tloomadá' hhoohhooe.