WARA'AMI 86:8 - Biblía Axweesantá Hhohho' ar Mungú 2004

⁸ Baraá yaamuwo Munguú adór kuúng i kaahh, Aáko, tam tlehhma'aá adór tlehhmi'iiwók i kahhiyá'.

Ya/abtór hho' 1977

⁸ Baraá yaamuuwo Mungú adór kuúng i kaahh, Aáko, tam tlehhma'aá adór tlehhmi'iiwók i kahhiyá'.

WARA'AMI 86:8 Iomraidhean Croise

2 QOM'I 2:4

Ga/aaweek hám daxta aníng a doó AAKOÓ MUNGÚ, Munguúeé', tleehhamór wa slaá', ngway paraátl as inós tawa dír ilahhooár mooyángw tsuú' kawa da/aa/an dír geeraawós wa ale, nee tawa dír mikaáte kay qamin dír geeraawós, nee dír ilahhooár da/a/aangw kawa hanmiisi matlaatle nee tsiindoowo nee deelór Sabaátoro, nee deelór slahhángw /aben niwa ti'iít, nee deelór uren ar AAKOÓ MUNGÚ, Munguúrén, adoodá' ngira oó' dír múk Israeli ay kureeraá kureér.

WARA'AMI 135:5

Aníng a xuú' adór AAKOÓ MUNGÚ kur úr. AAKOORÉN munguaá hatlá' gi baa/ sleémeero.

WARA'AMI 136:4

Inós kilós muurú urén oo waa/oo/amór koóm gu tlehhiit, Asma sla'aarirós i warqeeraaká ay alhhe'eesay wasle!

WARA'AMI 89:6

Xáy, a heemá heé nee AAKOÓ MUNGÚ qoomá' gawaá dooriwo? I kaahh tam oo wák baraá dooriwo oo nee kuúng qoomá'.

WARA'AMI 89:7

Mungú ku da'ayuumiit didaádár tlahhoó hhoohhooe. Ku úr nee ku ló'wa ilaiwawaa/ ta kudá' ngwa harweerii'i.

WARA'AMI 89:8

AAKOÓ MUNGÚ Aleesleemusámo, a heemá oo /uuruú koóm adór kuúng wa ale? Kuúng a inkihhimuú koón dír umuú gaaro.

WARA'AMI 95:3

Asma AAKOÓ MUNGÚ inós a Munguú ak úr, nee waawutmoó úr dír mungui sleémeero.

TI'INAANGW 15:11

Aá AAKOÓ MUNGÚ, Mungú adór kuúng baraá munguiiwo a gaalá? Baraá hhohhoarto oo xirfuú koóm adór kuúng a gaalá? Kudá' xirfuuwós ta ilaiwawa/i tlehhma'aá waa/oo/amo gi tlehhiít.

TI'INAANGW 8:6

Naagáy Aroni hhartós gari looloqoós gawaá ma'aay sleémeero awa yaamaá Misri, aamaxupa niri ti'ít, yaamaá Misri giri tuuntúk.

ISAYA 40:18

Xáy, Mungú nee heemá ki slaqamisi? Xáy heé kur qoomes a heemá?

ISAYA 40:25

Kudá' Hhoohhoó' i kaahi, Xáy, heé ta aníngár qoomesa' a heemá? Xáy, heé adór aníng i deéro?

YEREMIA 10:16

Ala Munguú Yakobo a adór slaqsi'iikaeeká, asma inós umuú gaaro gana tleéhh, nee múk Israeli guna tsawaár tawa xooroorós. Umuuwós an AAKOÓ MUNGÚ Aleesleemusmo.

DANIELI 3:29

«Gawaá adoorihe aníng hamí an kah, umuú tlahhaywo nee umuú xoorooro nee umuú tsifriro ar múk /aymuú harimaaká gu oo' daanduú Munguú Shadraki nee Meshaki nee Abednegowo, xoorór adoorí mukós kun supín tay kaeemaá dimbadimbé, maray'ín tay taangu. Asma Munguú hatlá' oo hee gu aleesláw ba/amisaro ar loohír adór tí i kaahh.»

DABE 3:24

‹Aá, AAKOÓ MUNGÚ, anuú sagadiyusmoowók a xuú' adór kuúng ira sangw aleesleemuuwók oo úr i laqaán. Asma a mungú gaalá gawaá dooriwo, laqaá baraá yaamuwo oo muruú urén nee oo waa/oo/amo oo adór kwí tleehharo gu aleesláw, kwí kuúng taa tlehhít?

DABE 4:34

Xáy, kuungá' mungú taa axasé' i deéro oo mukós gwaa leehh baraá xoorór hatlá' i ale, adoodá' AAKOÓ MUNGÚ, Munguúhúng aa tleéhh ar loohír iiara'at, nee layu nee slaqsa'aá waa/oo/amo, ar slaqwara, laqaá ar /uuruuwós kudá' úr, muruú yaariír guri tleéhh, kudá' taa aandé' ilahunge baraá yaamaá Misriro.