WARA'AMI 86:14 - Biblía Axweesantá Hhohho' ar Mungú 2004

¹⁴ Mungú, múk sage gawdén aníng iga harmagaáhh, mukwí tlákw oo aa barti'ín ay, i slafingw'eé' leelehhiit. Slám Aáko, kuúng u iiárií qamina'aaká.

Ya/abtór hho' 1977

¹⁴ Mungú, múk sage gawdén aníng iga harmagaáhh, mukwí tlákw oo aa barti'ín ay, i slafingw'eé' leelehhiit. Slám Aáko, kuúng u iiárií qamina'aaká.

WARA'AMI 86:14 Iomraidhean Croise

2 SAMUELI 16:20

Kár Absalomu Ahitofeli guna báy, «Ma oiín, adór ta laqaan.»

2 SAMUELI 17:14

Absalomu dinkwa nee múk Israeli sleémeero tari oó', «Kángw Hushai, heé Arki, i ganaa' ta oo Ahitofeliwo.» Axweesantá Ahitofeli kana sií', asma AAKOÓ MUNGÚ axweesantadá' hho' ar Ahitofeli gana sií', as kahhó' AAKOÓ MUNGÚ Absalomu nguwa tlaákwí tleehhi.

WARA'AMI 10:11

Tlakusmo i baraá muunaáwós i kaahi, «Mungú aa sagaqwaár, ilaawós gaa tuuntuúk, i baloó xuumisiiká.»

WARA'AMI 10:13

Asma milá heé tlaákw mis kuúng waaqaqaa'? Asma milá mis baraá muunaáwós i kaahi, «Kuúng aníng i gaa laqká.»

WARA'AMI 10:4

Tlakusmo baraá daara/aangose Mungú gu leelehhiitiiká. Baraá inslawaywós sleémeerowo Mungú i kaahh.

WARA'AMI 119:51

Múk daara/aám i kángw kilá' wa /ooslislín, ala aníng baraá hara'ayaroge ti baloó tu/iiká.

WARA'AMI 119:69

Daara/uuse i lámtí tláq, ala aníng hara'ayarók aga óh.

WARA'AMI 119:85

Múk daara/aám baa'ár ir oohiya' nga fooliyé', inooín a múk dabeerók ga gaárí xuaaká.

WARA'AMI 14:4

Xáy, múk tlakweemaá tlehhiít ku tsuwá xu'uti wásle? Ahaá, masta hoot ar muruú muk'eé' kuwa hayohin ar /uuru. Slám inooín AAKOÓ MUNGÚ ngu firirina'aaká.

WARA'AMI 140:5

Múk tlákw ina tsaaxweelírí qaasiyé' ngiri lu/iyé', nee him'e ngaa qaasiyé' adór baratsufaay wa aleeró, tsaaxweeli ngaa qaasiyé' ngiri lu/iyé' afaá loohi, as tiwa oohár wa slai.

WARA'AMI 36:1

Tlakweema i baraá muunuú tlakusmoó wa tlupiitiyá', Ilaiwa/amér Mungú i káhh dirose.

WARA'AMI 36:11

Múk daara/aám ma ya/aamaar iwa yaamaá hara'adaahi, laqaá tlakuuse ma ya/aamaar iwa guusiya'.

WARA'AMI 54:3

Asma hooma iga i haratleér, múk xaraásl i slafingw'eé' leelehhiit, inooín Mungú ngwa geerakawsi'iiká.

WARA'AMI 54:5

Mungú muruuín kudá' tlákw i tlehhiitiya' amor'ín i ki/isek, Aakoó Mungú, inooín hhaamiiseek ar inkihhimuwók.

ESEKIELI 8:12

Aluuwo Mungú iri báy, «Heewí, aga aándi kángw bariisér múk Israeli taa tlehhiít baraá giwtír wa alé, umuú heewo i baraá kutuwirós tidá' slaqsa'aá munguaá hatlá' koom. Inooín i kaahiya', ‹AAKOÓ MUNGÚ atén ti ga/ayká. AAKOÓ MUNGÚ yaamu gwaa máy.› »

ESEKIELI 9:9

Inós iri báy, «Tlakweemaá múk Israeli, nee awa múk Yuda, ki ur ló'wa aleeró. Daanduú yaamu aa haáts tseerdaá muko, nee baraá gixsaro heé gan'amuú tlehhiít i kaahh. Asma ta kaahi, ‹AAKOÓ MUNGÚ yaamu gaa máy, AAKOÓ MUNGÚ i xumisiiká.›