WARA'AMI 85:9 - Biblía Axweesantá Hhohho' ar Mungú 2004

⁹ Ar ló', ba/amarós ka tseew dír mukdá' inós gu ilaiwawaá/, xirif i gawaá yaamuurén wa hooti.

Ya/abtór hho' 1977

⁹ Ar ló', ba/amarós ka tseew dír mukdá' inós gu ilaiwawaá/, xirif i gawaá yaamuurén wa hooti.

WARA'AMI 85:9 Iomraidhean Croise

WARA'AMI 119:155

Kuúng múk daba tlákw u ba/amiská, asma kaahirók ngi yaahamisiaaká.

WARA'AMI 50:23

Kudá' aníng i ilahhooár sluufáy duxuúm, an kudá' aníng i xirfayeemiís. Heé digir waketiingós gwaa qoomees aníng u ba/amís!»

ISAYA 4:5

Aluuwo umuúqo diiro gawaá tloomár Siyoniro, nee wa/aamér dinku'uumár muko, qoomár tlaatla/ango AAKOÓ MUNGÚ gan huunkár tuuntuuk, nee xweeraawo gan tuuntuuk ar quui nee tsángw asla oo gwa/aát. Tam adoorihe xirfuú AAKOÓ MUNGÚ gixsa sleémeero gan tuuntuuk ar heémaarós, nee gari de'én.

ISAYA 46:13

Deelór nuwa ba/amis ngi tseeweés. Ka saweeká. Deelór nuwa ba/amis i tligká. Gixsár Siyoni an ba/amís as múk Israeli kuduú xirfuueé'.»

YEREMIA 23:35

Kuungá' gár yaahasaro tunduwa hariím dír hee nee inslaawmoowose, nee dír hee nee hhiyaawose, a tí, ‹AAKOÓ MUNGÚ gár aa mu/aywaáts a milá? AAKOÓ MUNGÚ mii kaáhi?›

YEREMIA 23:37

Daqaní aarusmo ku yaahasá', ‹AAKOÓ MUNGÚ uwa mu/aywaáts mii kaáhi?› Laqaá, ‹AAKOÓ MUNGÚ mii kaáhi?›

YEREMIA 29:11

Asma anuú AAKOÓ MUNGÚ a xuú' gár ni kuungá' i qoomeemeés i deer. Gár nuy qoomeemeés a wayda, ala a amotlakweerooká, kuungá' masók harahhifo a sleerá' aluuwo.

ESEKIELI 26:20

Aníng kiíng in /aytiís baraá bohoongw as iwa haragaas amór mukdá' baraadá' i dirií', kuduú aáng. Tari baraadá' wa hót ay alhhe'eesáy wasle, múk baraawók i hotaá áw i kaahh, nee pa/aangw u sleeraaká baraá yaamaá múk slafa.

ESEKIELI 3:10

Iri male báy, «Heewí, axweesantí ni kuúng babaw sleémeero baraá muunaáwók ti qas, nee iiaárií qaasa hhe'eeseek.

HABAKUKI 2:1

Aníng niri sihhiít didár xuumar'eé', nari tsa/ám gawaá /aampa nari gawaadá' wa xumaamiís, xáda xáy, AAKO aníng mi báy daanduú wa/aa/ir'eene.

SEKARIA 2:5

Aníng an adór koo/ír asla tleehhiít badu sleémeero, niri baraá gixsaadá' wa hoót ar xirfuueé'.› Anuú AAKOÓ MUNGÚ tí ngina oó'.»

SEKARIA 2:8

AAKOÓ MUNGÚ Aleesleemusmo, kudá' iga ya/aaw as xirfuuwós daanduú xoorduudá' kuungá' na loohatisi'i i kaahi, «Heé kuungá' naa kwatiit, a maamár iltaeé' gana kwatiít.

Luka 2:32

tawa gwa/aateemaá gwa/aatá' dír xoorduuwo, nee tawa xirif dír mukók oo Israeli.»

Yohana 1:14

/Aymuuwí ina hee tleehhiít, iri amoorén wa hoót. Atén xirfuuwós ngway araán, i ló'wa haats gurtleemuuwo nee looeemawo. Xirfuuwí guna amór Baabá wa sláy, asma inós a Garmoó kilós oo Mungú.

Yohana 7:17

Hee barnaxes sla'aarír kudá' aníng iga ya/aaw gaa ya/án tleehhamooro, kángw intsaahhastadá' daqaní gu tsaahh, áx amór i dahh a amór Mungúhe, laqaá án kilooeé' an axweés.

Tlehhema'aá ya/Abuuse 13:16

Paulo iri sihhiít, giri kuútl ar dawa, iri oó', «Kuungá' múk Israeli, kuungaásingá' awa Munguú ilaiwawa/á', iia qaasaak.

1 SAMUELI 3:9

Gawaá adoorihe Eli Samueli guri báy, «Tláw malé qaát, bar ugwa male ateét, ta o', ‹Ilawaatsáng, AAKOÓ MUNGÚ, asma sagadiyusmoowók i axmiis.› » Naagáy Samueli iri tláy, iri qatií kií/.