WARA'AMI 85:3 - Biblía Axweesantá Hhohho' ar Mungú 2004

³ Buhhtaawók sleémeero iga ilá/, mune sleémeero aga gú/.

Ya/abtór hho' 1977

³ Buhhtaawók sleémeero iga ilá/, mune sleémeero aga gú/.

WARA'AMI 85:3 Iomraidhean Croise

2 QOM'I 6:39

na'amaamís, daqaní kuúng firor'ín iiárií qaaseek iimír gawaá doorí wa alé, nee gan'amu ti harafat, nee tlakweemaá mukók gurtlaweek.

WARA'AMI 106:23

Mungú iri oó', «Mukwí u hhaamiís.» Ala Mose kilós sagadiyusmoowós kudá' aa tsawaár, ina tla/angwdií sihhiít as Mungú nguwa har'oohi kahhó' mingiwa hhaamiís.

WARA'AMI 78:38

Tam adoorihe inós tawa kuduú gurtleemuú koóm, tlakweemaaín gina gurtláy nee inooín gaa hhaamisiiká. Ki/imaá yaariire mune gana gu/ún buhhtaawós gina ila/án.

TI'INAANGW 32:22

Aroni iri oó', «Aakooeé' aníng miwa ló'wa i buúhh, kuúng mukwí u xú' adór tar múk amohhoó' tlakweema tlehhtuuwo.

ISAYA 12:1

Baalaadae kuúng an o', «AAKOÓ MUNGÚ án kuúng u sluufmiís, asma tam geeraawo aníng iga i buuhhi, buhhtaawók iga meér, nee aníng iga gurkwa/ás.

ISAYA 40:1

Munguúhúng i kaahi, «Muk'eé' gurkwa/asak, inooín gurkwa/asak.

ISAYA 40:2

Axweesé' ar afór tsa' nee yaamuloouusér Yerusalemu, ádbawaak ar afór ur, inooín kibeeto' slaqwararhúng aa fák. Tlakweemaaín kaa gurtláy, AAKOÓ MUNGÚ inooín gaa slaáhh sagáwa tsár wa alé, asma tlakweemaaín kudá' sleémeero naa tleehhiyé'.»

ISAYA 6:7

Afkueé' guri kwatiít ar gil'idaádá', iri báy, «Ga/aaweek tí afkók gwaa kwatít, dakuúsarók kaa hingeés nee tlakweemaawók kaa gurtláy.»

YEREMIA 50:20

AAKOÓ MUNGÚ i kaahi, «Qoomaadae nee daqtadae tlakweema ki leelehhiit yaamaá múk Israeliwo, ala ki ariiká. Dakuús ka leeleehh yaamaá Yudawo, ala ka harasliqitiiká asma aníng panaydá' aa meet u gurtláw.»

ESEKIELI 16:63

Aníng kiíng i gurtláw gawaá tidá' sleémeero taa tlehhi. Kiíng tidá' sleémeero taa tléhh bar aga insleér, tari waa/ó/, afkók kuri mutsuutsú' as mure, tay qitlká axweesántí ki/imawo. Anuú Aakoó MUNGÚ tí aga oó'.»

YONA 3:9

Heé ga xuú' a heemá, doóqa Mungú i ya/án iwa warqay buhhtawós kudá' ngiwa may, as atén mitiwa qwaareés.»

MIKA 7:19

Kuúng atén tin malé gurtleér, dakuúsarén kari yaamií kalá/, kuúng tlakweemaarén sleémeero in kwáhh baraá iltá tlawi.

Yohana 1:29

Bál tsár Yesu iwa amór Yoháné kay, kuri ár nee Yohane. Yohane iri oó', «Ga/aawaak Deelmoó bee/i oo Mungú, kudá' tlakweemaá muu gi hingeemiís.

DABE 13:17

Umuú gaaro ar taa daá/ ma taatahhara' dabaahunge as kahhó' AAKOÓ MUNGÚ buhhtaawós kudá' xaraasla' ngiwa may, nee kuungá' nuwa gurtlay. Nee ar gurtleemuwose kuungá' nuwa tlahhasi, ar adoodá' ngira lo'ór wa /aáy dír baabi'iihúng,

DABE 32:43

Kuungá' xoorúdu, mukós xirfayeemisaak, kuungá' mungúi, inós sluufmisaak, asma inós li/oó tseerdaá sagadiyuuseerós gu buu', li/aay gun buu' dír wakuuseerós nee mukdá' inós gu ahhiít gu sakwasleemuut, inós mukós nee yaamuwose gi gi hheehhee'ees.