WARA'AMI 85:1 - Biblía Axweesantá Hhohho' ar Mungú 2004

¹ AAKOÓ MUNGÚ, yaamuuwók iga wangexwát, slám Yakobo ugwa hariímarós tida' hhoo' i ki/ís.

Ya/abtór hho' 1977

¹ AAKOÓ MUNGÚ, yaamuuwók iga wangexwát, slám Yakobo ugwa hariimarós tida' hhoo' i ki/ís.

WARA'AMI 85:1 Iomraidhean Croise

ESRA 1:11

Xoslu sleémeero awa sahaábu, nee awa peésa dinkwaaro a kume kooán nee tsiire tsiyáhh. Kuká' sleémeero Sheshbasa gina ar tláy qoomár mukdá' ta lohaatís iwa ti'imiiti Babulonír wa ale ay yaamaá Yerusalemu.

WARA'AMI 14:7

Masók ba/amár múk Israeli ni Siyonír dáhh! AAKOÓ MUNGÚ hariímár mukós birnga ki/ís, múk Israeli iri qwalalaa/, xwaylár Yakobo iri bará/.

WARA'AMI 42:1

Adoodá' saaragi ma'aá yaae ngir ilatleerus, an adór án sleeme kuúng ur ilatleeruus, Munguúeé'.

WARA'AMI 77:7

Xáy, Aako ti kwáhhi ay alhhe'eesay wasle? Ti male gurhhooárií tleehhiikáhe?

YEREMIA 30:18

Anuú AAKOÓ MUNGÚ a kah, «Aníng diihhooár hotaá doó Yakobo a ki/ís. Nee hotaaín i gurtláw, nee gixsa ka tleehh gawaá taangoorós, doó waawutmo ku tleehh didá' aáng i dirii'i.

YEREMIA 31:23

AAKOÓ MUNGÚ Aleesleemusmo, Munguú Israeli i kaahi, «Qoomár múk Yuda bura diihhooárí ki/ís, inooín baraá yaamaá Yudawo nee gixsadaá Yudawo tari malé ooi, ‹AAKOÓ MUNGÚ nu tsuuqi, aá yaamuloouusér hota ganaa', i tsuuqi kiíng tloomár hhoohhoo'.›

ESEKIELI 39:25

«Gawaá adoorihe anuú Aakoó MUNGÚ ana oó', Hám daxta múk Israeli, xwaylár Yakobo in gurtláw ngiri dihhooar'ín i ki/ís. Aníng umuú daqisleeme gár ni slaa' a umuueé' kudá' hhoohhoó' kuwa ilaiwawa/i.

Yoeli 2:18

Qoomaarí an qoomár AAKOÓ MUNGÚ da/i nguwa ot as yaamuuwós, mukós guri gurtláy.

Yoeli 3:1

AAKOÓ MUNGÚ i kaahi, «de'emadá' nee qoomaadá' hotaarír múk Yuda nee oo Yerusalemu bar warqeés,

TLAHHOÓ LAÁWI 26:42

aníng daqaní alqador'eé' an insláw, tidá' naa tleéhh nee Abrahamu, nee Isaka, nee Yakobo, nee yaamuudá' ngi al'axweés ngiri insláw.

SEKARIA 1:16

Gawaá adoorihe, anuú AAKOÓ MUNGÚ an kah, ‹Guruueé' aa tláy as Yerusalemu, dooeé' ku baraadií tleehh, nee tlehhmuú /abén oo gixsa i iimu/ún. Anuú AAKOÓ MUNGÚ Aleesleemusmo tí ngina oó'.› »