WARA'AMI 84:9 - Biblía Axweesantá Hhohho' ar Mungú 2004

⁹ Aakoó Mungú, kuúng baqmoorén i qaytsiteek, waawutmoodá' kuúng taa tsawát i qaytsiteek.

Ya/abtór hho' 1977

⁹ Aakoó Mungú, kuúng baqmoorén i qaytsiteek, waawutmoodá' kuúng taa tsawát i qaytsiteek.

WARA'AMI 84:9 Iomraidhean Croise

IIMU/UUNGW 15:1

Alaá kaangwihe Abramu axweesantá AAKOÓ MUNGÚ gari axaás ar baraá iigu'utu, i kat, «Abrámu, ma da'ayumiitaar, aníng a baqmoórók. Slaasláwarók ka ló'wa ur.»

2 SAMUELI 23:1

Gaarí an axweesantá Daudi ar alhhe'eesaay. A ya/abtór Daudi, garmoó Yese, ya/abtór heé taa uráy wa qaás nee Mungú. Munguú Yakobo, Daudi guna tsawaár guri waawutmoó wa qaás. Nee inós a daausmoó wara'amtá tsuu' baraá Israeliro.

2 QOM'I 6:42

Aá AAKOÓ MUNGÚ waawutmoowók kudá' taa iimbalaáx mu alaá xu'usar. Sla'aarirók tidá' warqawaaká inslaweek as sagadiyusmoowók Daudi.»

WARA'AMI 132:17

Baraadae oo wák baraá xwaylár Daudiwo un waawutmoó úr tleéhh, tsaa'asi a amohhe'eés as kwe'eé' kwí naa iimbalaáx.

WARA'AMI 17:1

AAKOÓ MUNGÚ, firor'eé' iiárií qaaseek as sakwasleemár ganaa' ngiwa slaw. /Aa/ee'eé' iiárií qaaseek, firor'eé' ar tsáp ilaooheek.

WARA'AMI 2:2

Waawituú daanduú yaamu ti amohhe'emiis as tawa haratlay, nee geeraharuuse taa kaahi sleér daanduú AAKOÓ MUNGUHE, nee daanduú kudaádá' inós aa tsawaár as tawa waawutmo, tawa kaahi,

WARA'AMI 2:6

«Án waawutmooeé' ngwa qaás gawaá Siyoni, tloomar'eé' tidá' hhoohhoo'.»

WARA'AMI 3:3

AAKOÓ MUNGÚ, kuúng aníng in báq dír tsaxwawo adór gaamboót. Kuúng an xirfuueé' nee kudá' aníng i pihháy hanmiís.

WARA'AMI 59:11

Wakuuser'eé' ma tsu/aar, aluuwo muk'eé' miwa gunqaruút. Diyaa/eek ar aleesleemuuwók nee kiwa slahhe'es, aá Mungú, kuúng an baqmoórén.

WARA'AMI 84:11

Asma AAKOÓ Munguúrén an gwa/aateema nee an adór gaamboót, AAKOÓ MUNGÚ gurhhooa nee xirif gi kón. Inós ku hhoó' dír mukdaáduú gan'amuú kooma.

WARA'AMI 89:20

Daudi ugwa tsawaár, sagadiyusmooeé', nee ugwa iimbalaáx di/taeé' tidá' hhohhoe.

WARA'AMI 98:1

AAKOÓ MUNGÚ i daa'aak ar daa'ángw /abén, asma muruú waa/oo/amo guna tleéhh, ar dakós oo doó /iyayhe nee kudá' hhohhooe, inós iri baalín.

Tlehhema'aá ya/Abuuse 4:27

Asma tí a ló', Herode nee Pontio Pilato, nee múk xoordu nee múk Israeli, tana baraá gixsárí burumburiít, as sagadiyusmoowók Kudá' hhoohhoó', Yesu, kudá' kuúng taa iimbalaáx ar di/i.

DABE 33:29

Kuungaá Israeli a múk amohhoó', múk adór kuungá' a gaalá? Múk taa ba/amís nee AAKOÓ MUNGÚ. Inós an gaambórhúng ar alee/isaay, nee paángarhúng ar baali. Wakuuserhúng ni dirhúng i hardát ar ilaiwa/ame, kuungá' kiri yaamuií naka/aruurá'.»

1 SAMUELI 16:6

Qoomár tawa hardáh, Samueli Eliabu nguwa ár, ina baraá muunaáwós i oó', «Án ngi slaá', heedaáduú AAKOÓ MUNGÚ ta iimbalaaxi ar di/i an kwí dír geeraawós i dirií'.»

1 SAMUELI 2:10

Awa AAKOÓ MUNGÚ tlampa'aamisa' ki suwaatsaat, inós gin slaahh adór dooraá kwarara/a hee ngur slahhiyá'. AAKOÓ MUNGÚ yaamu sleémeero gi sakwasleemuut. Inós waawutmoowós gu /uurií haniis, nee waawutmoowós kudá' taa iimbalaáx ar di/i gu iia tleerees.»