WARA'AMI 84:10 - Biblía Axweesantá Hhohho' ar Mungú 2004

¹⁰ Looár wák dír do'oge ka afhhamít, ta hotaá deelór kumér yaariire awa dír hatlá'. A tsiní bar aga sihhimiít dír afkú Doó Mungú wa ale, ta niwa hoota baraá maraá múk tlákw wa ale.

Ya/abtór hho' 1977

¹⁰ Looár wák dír do'oge ka afhhamít, ta hotaá deelór kumér yaariire awa dír hatlá'. A tsiní bar aga sihhimiít dír afkuú Doó Mungú wa ale, ta niwa hoota baraá maraá múk tlákw wa ale.

WARA'AMI 84:10 Iomraidhean Croise

2 QOM'I 6:42

Aá AAKOÓ MUNGÚ waawutmoowók kudá' taa iimbalaáx mu alaá xu'usar. Sla'aarirók tidá' warqawaaká inslaweek as sagadiyusmoowók Daudi.»

WARA'AMI 132:10

As daanduú sagadiyusmoowók Daudiwo, waawutmoodá' kuúng taa iimbaláx ar di/i mu siaar.

WARA'AMI 27:4

AAKOÓ MUNGÚ ugwa firiím gár wake, hamí a tí ni leelehhiit. Masók a hoót Doó AAKOÓ MUNGÚ wa ale deelo sleémeero baraá hotaarir'eene, hhohhoartá AAKOÓ MUNGÚ ngiwa ga/aw, nee sla'aarirós ngiwa yaahamiis baraá Do'ós wá aleeró.

WARA'AMI 63:2

Án kuúng u ár dír do'ók kudá' hhoohhoó' wa ale, as /uuruuwók nguwa ar nee xirfuuwoge.

Luka 2:46

Alaá deelo tame kuri baraá Doó Mungú wa sláy, aa tla/ángw intsaahhatuusér i iwiít, gi iiárií qamín nee gin yaahamiis.

Filipi 3:20

Ala atén a yaamuloouusér gawaá doori. Slám atén Aakoorén Yesu Kristo u daamaaramaán niwa hardihi gawaá doorí wa aleeró, tiwa ba/amisi.

Yakobo 2:3

Barnaxes Kuungá' heedaáduú inqwaruú hhohhó' ngwa dahaas, ugwa ilaiwa/é', kuri beera', «Na'ás qwaláng, diirí hhoohhoo' i iwiiteek.» Ala kuduú liitlakusmo kuri beera', «Kuúng diisíng i sihhiiteek,» laqaá, «Qwaláng, diirír ya'aaeé' i iwiiteek.»