WARA'AMI 83:2 - Biblía Axweesantá Hhohho' ar Mungú 2004

² Asma qaytsiít, wakuuseerók aa leexwaandút, nee kudaádá' kuúng u ahhiitá', i xoongír tleemisiyá'.

Ya/abtór hho' 1977

² Asma qaytsiít, wakuuseerók aa leexwandút, nee kudaádá' kuúng u ahhiitá', i xoongír tleemisiyá'.

WARA'AMI 83:2 Iomraidhean Croise

2 WAAWITÁ 19:28

As adoosíng aníng iwa i qa/ít, nee daara/aangók nguwa axaás, aníng kuúng un duunga' mogolmór uuruúx nee taqesmoowók un tseék ar him'e. Aníng kuúng un ki/ís ar loohidá' nira daqeér.»

WARA'AMI 109:1

Aníng a kuúng xirfayeemiís, Mungú, ma xasliitaar!

WARA'AMI 74:23

Afór wakuuseerók ma gunqareesaar, lo'lo'oó umuú deelo oo múk kuúng u tlaampa'aamiís.

WARA'AMI 74:4

Inooín i tsimaahhuusiyá' baraá Do'ók wa ale, arba/ati nga slayé', i durbiibiná' baraadá' wa ale.

WARA'AMI 81:15

Geeraawo kudá' AAKOÓ MUNGÚ ahhiitá' ni tumbararaa'amiitiyá' dír geeraawós i alé, nee slahh'amuuín qooma sleémeero in kumamiti ay alhhe'eesay wasle.

WARA'AMI 93:3

AAKOÓ MUNGÚ, alwo i xuurú', alwo i xuurú' ar afór ur, alwo naa /ur/urít ar /uuru.

ISAYA 17:12

Kwaaraa/ír múk yaariír iiárií qaasaak, kwaaraa/ir'ín a adór gwaanduú tlawi. Kwaaraa/ír xoordu iiárií qaasaak, inooín in kwaaraa/iyá' adór hhaahhoó ma'aá yaariir.

ISAYA 37:23

Ala kuúng heé taa niqiín kuri /ooslisliín a heemá? Heedaá heemá taa daanda axwés, heedá' taa niqiín kuri biibisiín a heemá? An aníng kudá' hhoohhoó' oo Israeli.

ISAYA 37:29

As kuúng tawa aníngí búhh nee as axweesanaywók kuduú taqnaa/i niwa gawaá iaeéní hardáh, aníng duungaawók i óh ar baratsufaay, nee himuueé' un afkók ar tseék, aníng kuúng uri watlís ar loohi tidá' aáng nira daqeér.› »

YEREMIA 1:19

Inooín tan slaaqw nee kuúng, ala u baaliaaká, asma aníng nee kuúng a dinkwa as uwa ba/amis. Anuú AAKOÓ MUNGÚ tí ngina oó'.»

Matayo 27:24

Qoomár Pilato ngiwa ár gár i bui i káhh, ala a tsimaahhi in tlahhaatláhh, ma'aay giri taataáhh, dabaawós giri hamaátl dír geeraá múk wa ale, iri oó', «Aníng tlakweemaá ni koom i kahhiyá' gawaá daanduú heewí gan'amuú kooma. Ala kangwsíng a koohúng.»

Tlehhema'aá ya/Abuuse 16:22

Boo/aay sleémeero iri bartá wák áy, Paulo nee Sila kiri inqwar duxún nee bariisér kwasleema. Nee bariiseedár kwasleema hara'aya gari ó', kiwa muxi ar hhara.

Tlehhema'aá ya/Abuuse 17:5

Múk Yahudi da/i guri ót. Múk kuri tawo wa/angwsíng wa sleemiís, kuri burumbuúr as boo/aay kuwa slay. Tlaahhi kari qaás baraá gixsár wa ale. Tari haratláy dír doó Yasoni, as Paulo nee Sila kiwa leelehhiiti nee kiwa huwi dír geeraá boo/oó muu.

Tlehhema'aá ya/Abuuse 21:30

Gixsa sleémeero iri amoqwát, múk baraá gixsa sleémeero iri amoodií ta'aaín, Paulo kuri óh, kuri duuruxún, kuri duúx baraá Doó Munguhe, hamtidár kilae afér do' kari tseék.

Tlehhema'aá ya/Abuuse 22:22

Paulo kuna iiárií qaás ay dír /aymuuwí. Alaá /aymuuwí ooaro nguwa hhe'eés, muu iri tseeamín ar afór ló' wa ur, ta kaahi, «Heewí hingeesaak baraá yaamuwo! I harinká iwa hooti!»

Tlehhema'aá ya/Abuuse 23:10

Gila niwa tlahhiyé', geeraharusmoó úr oo askaári ina da'ayuút Paulo kuwa feehhamiisi. Gawaá adoorihe askaári gari ya/aáw, kuri hingeés ar /uuru dabaaín wa ale, kuri huúw baraá boóma.

HAR'OHUUSE 8:28

Naagáy múk Midiani kuri ló'wa arbaá/, tam múk Israeli ngwaa baloó dae tsati'iiká. Yaamaá Israeli wayda ngway slayé' ar afiqoomár kureeri mibeeri tsiyáhh de'emaá Gideoniwo.