WARA'AMI 82:2 - Biblía Axweesantá Hhohho' ar Mungú 2004

² «Ay xaylá sakwasleemár hara/uuntsa ka tlehhaahhita', nee axweesanoó múk tlakuuse kuwa ya/a/aanda'?

Ya/abtór hho' 1977

² “Ay xaylá sakwasleemár hara/uuntsa ka tlehhaahhita', nee axweesanoó múk tlakuuse kuwa ya/a/aanda'?

WARA'AMI 82:2 Iomraidhean Croise

1 WAAWITÁ 18:21

Aluuwo Eliya iri tseewúy dír muu sleémeero, guri báy, «Kár kuungaáká' ta aftsaderarinda' baraá inslawayhunge ay xaylá? Gám, bar AAKOÓ MUNGÚ an Munguú ló', eeharaak, ala Ba'ali bar an Mungú, gimsé', eeharaak sleeme.» Ala muu axweesantadá' gaa tlaxwiiká, ina xasliít.

2 QOM'I 19:7

AAKOÓ MUNGÚ na ilaiwawa/aak, ti ló' wa harmagahhe', asma AAKOÓ MUNGÚ, Munguúrén, qitla gu aleeslayká dír kudá' gan'amuú tlehhita'aakahe, laqaá kudá' barqaantír tlehhiitá', laqaá dír kudá' slukmár /ayá'.»

YOBU 32:21

Hee u barqantusaaká, laqaá sleeme u harhheehhe'eesaaká.

YOBU 34:19

Inós geeraharuuse ga ilaamurutiiká as adoodá' kawa urén, sleeme daqaare ga hhasliitiiká ta narkuuteero. Asma mukwí sleémeero a gadiyér dabaawós.

WARA'AMI 62:3

Ay xaylá hee ku /amaatsegaagita', kuungá' sleémeero kuwa dinkwaárií muxa', inós barqo adór baquú huuhu'uúm, laqaá koo/ír dingiim.

TI'INAANGW 10:3

Naagáy Mose nee Aroni tari amór Farao káy, kuri báy, «AAKOÓ MUNGÚ, Munguú múk Ebrania, i kaahi, ‹Ay xaylá tawa siaiin tiwa niinawes dír geeraaeé'? Muk'eé' geemaweek iwa tlay, as aníng iwa sluufmisuú aya'.

AXWEESANOÓ SAGALOOA 18:5

Heé tlakweemaá tlehhiít kuwa ilamurut i qoondaaká, tam hariímár heé ganaá' kawa /itiin i qoondaaká.

ESEKIELI 45:9

«Anuú Aakoó MUNGÚ a kah, Kuungaá geeraharuusér Israeli, kuungá' tlakweemaá yaariir iga ló'wa tlehhé'! Muruú tlákw mawaak nee /ayta ma tlehhitara'! Muruú ganaá' nee oo hariím tlehhitaak. Muk'eé' mu gusisimaara' baraá yaamuuine. Anuú Aakoó MUNGÚ tí aga oó'.

TLAHHOÓ LAÁWI 19:15

«Bar kwasleemár tlaqá', tlaaqaak ar gan'amu, narkutmo mu barqantuusara', tam heé ilaiwa/amér koóm mu da'ayumiitara'. Ala a gár hariim inslaawmo kuwa sakwasleemár ganaá' i tlehh.

Matayo 17:17

Yesu iri oó', «Kuungaásingá' qartá haratlintaao wasl, nee ar aa qwat. Án nee kuungá' ta alhotaatimaan ay xaylá? Án kuungá' nu alqiqtlaatliim ay xaylá? Na/aay amor'eé' huwaare'.»

Galatia 2:6

Ala mukdá' tawa kaahi a geeraharuuse, inooín gár hatlá' taa doók i káhh gawaá tidá' aníng naa intsaahhatimisi. Ala inooín tam i uroó kon'a a gaarooká dir'eene, asma Mungú i uroó heé fadiitiiká.

DABE 1:17

Sakwasleema ma barqaantír ar tlehhiitara', muu iiárií qamimaak ar barqaanti wasle, hee tam gaalá. Nee hee munduwa dae tsaát, asma kuungá' kwasleema an tlehhitá' kitángw Mungú wa ale. Ala barnaxes kwasleemár gawit aga sleeré', dir'eénií huwaare' as ngiwa iiárií qaas.›