WARA'AMI 80:8 - Biblía Axweesantá Hhohho' ar Mungú 2004

⁸ Sabiíbuú Misrír daáhh nguna húp, xoordu kiri gús kway dahás.

Ya/abtór hho' 1977

⁸ Msabiíbuú Misrír daáhh nguna húp, xoordu kiri gús kway dahás.

WARA'AMI 80:8 Iomraidhean Croise

WARA'AMI 31:17

AAKOÓ MUNGÚ, án mitiwa mureekeés, asma án kuúng ugwa ateét, tlakuuse mureekeeseek, i xasliitiye' baraá gi'ií alé.

WARA'AMI 44:2

Kuúngú kilá' múk xoordaá hatlá' una tlatlahhás ar /uuruuwók, ala yaamuuín kiri mukók i dahás, xoordaá hatlá' kiri slahh'eemís, ala baabi'iirén kiri diihhooatís.

WARA'AMI 60:3

Ala mukók ugwa al'iiloouúr, as buhhtaawók atén tari adór múk taa difaáír waahaás, atén tari oonimiitaán.

WARA'AMI 78:55

Xoordu giri guús geeraaín wa ale, yaamuuín giri qasmiís, digeemi giri qoomeemeés, nee tlahh'aá Israeli gina iwiitiís baraá xafay'ín.

YEREMIA 12:10

De'eemuusér yaariir qaymor'eé' ar sabiíbu gaa hhitiín. Daqaari'iimar'eé' nga yaamií kalaa/iyé', qaymor'eé' tidá' hhoohhoo' nga xaanxay tleehhiyé'.

YEREMIA 2:21

Aníng kuúng una dahaás adór dahaasíngw sabiíbu oo taa tsawaár, dahaasíngw hhohhó' oo sabiíbu. Ahaá daxta baré aga hhiturút, aga warqeér aga sabiíbuú sla/a tleehhít?

ESEKIELI 15:6

«Anuú Aakoó MUNGÚ a kah, ‹Adoodá' xa'anoó sabiíbu ngura duúx baraá tla/ángw xaa'aá sla/ato, nguri hhaamiís ar asla, adoorí an adoodáa' yaamuloouusér Yerusalemu ngir duux.

ESEKIELI 17:6

Xa'anoodá' iri uráy, tay xa'anoó sabiíbudá' baraá xaaií tsa/a/ám, haleemaawós nguri i ki/iyé'. Dee/áruuwós yaamuudá' giri dalaá/, xa'anoó sabiíbu haleemi gay tawo slaslaáx nee loo/ór yaariire.›

ESEKIELI 19:10

«Aayoorók a adór xa'anoó sabiíbu oo baraá qaymo, kudá' taa haátl bihhaá duxuú ma'aay, kudá' /ar'i ga slaslaax, asma ma'aay kiwa úr.

Tlehhema'aá ya/Abuuse 7:45

Aluuwo bariiseerén heémarí gari ilaaót dír baabi'ii'ín wa ale. Kari gagaarín qoomár kiwa geeraharahari nee Yoshua. Qoomaadae Mungú múk xoordu guri guús geeraá baabi'iirén wa ale. Baabi'iirén niri dahiyé' baraá yaamuudá', yaamuudá' ngiri hayohiyé'. Heémadá' iri hotaatiín baraá yaamuudá' wa ale ay qoomár Daudi.

YOSHUA 13:6

Yaamuudá' sleémeero awa tlom'idaá baraá tla/ángw Lebanoni ay Misrefot-maimu awa xoorór Sidoni. Mukwí sleémeero aníng u guús tawa ti'iiti ar adoodá' xoorór Israeli ir doogigiinda. Kuúng yaamu ki qasmís dír xoorór Israeli ar loohír tsawdo as ngiwa aaliya' ar adoodá' án kuúng ugwa báw.