WARA'AMI 80:15 - Biblía Axweesantá Hhohho' ar Mungú 2004

¹⁵ Nee hatlituudá' taa hátl ar dakók oo doó /iyáy, nee yaeemidá' kuúng taa tsawát kawa amohhe'eemis as iwa gawduur.

Ya/abtór hho' 1977

¹⁵ Nee hatliituudá' taa hátl ar dakók oo doó /iyáy, nee yaeemidá' kuúng taa tsawát kawa amohhe'eemis as iwa gawduur.

WARA'AMI 80:15 Iomraidhean Croise

WARA'AMI 80:8

Sabiíbuú Misrír daáhh nguna húp, xoordu kiri gús kway dahás.

WARA'AMI 89:21

Dakw'eé' oo /uuruú koóm a dinkwa nee inós daqisleém, inós /uuru gu sláy dir'eé' wa ale.

WARA'AMI 90:13

AAKOÓ MUNGÚ, buhhtaawók i kumaamitir ay xaylá? Ki/áng sagadiyuuseerók gurtlaweek.

ISAYA 11:1

Harma/i ni ti'ít baraá doó Yese wa ale, nee halmi i ti'ít baraá dee/armoowós wa ale.

ISAYA 49:5

Nee hám daxta AAKOÓ MUNGÚ, kudá' aníng iga tleehh iimír niwa baraá guruú aayor'eéní dirii' as tawa sagadiyusmoowós. As múk Yakobo nguwa amoorós i ki/is, nee múk Israeli nguwa amoorós i burumbuur. AAKOÓ MUNGÚ iga ilaiwa/amérí sláy dír geeraawose, nee Munguúeé' an /uuruueé', i axwees,

ISAYA 63:15

«Gawaá doorí wa qaytsitáng nee ka aán, iimír dirók tidá' hhoohhoo' nee didár hotaawók ar xirfuú kooma. Ahaá da/itók tidár sla'aari nee aleesleemuwoge i amoomá? Sla'aarirók nee gurtleemuwo kaa ilaá/ dir'eene.

YEREMIA 2:21

Aníng kuúng una dahaás adór dahaasíngw sabiíbu oo taa tsawaár, dahaasíngw hhohhó' oo sabiíbu. Ahaá daxta baré aga hhiturút, aga warqeér aga sabiíbuú sla/a tleehhít?

WA/AA/I 3:50

ay dír AAKOÓ MUNGÚ gawaá doori nay baráy qayti ngi ari.

SEKARIA 3:8

Yoshúa, kaahamusmoó úr oo Mungú, iia qaaseek, kuúng nee kaahamuuseedár hatlá' algadiyuusá', asma mukwí a layár ganaa', asma ga/aaweek, aníng sagadiyusmooeé' kudá' ta bay, Halmi ngu huúw.

SEKARIA 6:12

Daqaní ku beer, AAKOÓ MUNGÚ Aleesleemusmo i kaahi, ‹Ga/aaweek heewí umuuwós an kudá' ta bay, Halmi, inós dirós tidá' i dirii'i iri slu/ubiibín nee Doó AAKOÓ MUNGÚ gu tleehh.

Marko 12:1

Yesu iri dir'ínií axweés ar slaqsi'i, giri báy, «Heeko xaaikaari ta bay sabiíbu gina dahaás, giri yaáw. Bohoongw guri foól oo ma'aá mamaá xaaidá' ngiwa tsoo/iti. /Aampár xuuma gari tleéhh. Qaymoorós gari dír múk i saayín. Inós iri aa'aá káy.

Yohana 15:1

«Aníng a xa'anoó sabiíbu kuduú ló', nee Baabuúeé' an dooslitmo.

DABE 26:15

Gimáy daxta baray qaytsitang, iimír didár hotaawók tidá' hhoohhoo' gawaá dooriwo, mukók oo Israeli tsuuqeek, nee yaamuuká' naa atén hanís adoodá' kara ó' dír baabi'iirén, yaamaá diihhooár ilwa nee dane.›