WARA'AMI 8:1 - Biblía Axweesantá Hhohho' ar Mungú 2004

¹ AAKOÓ MUNGÚ, Aakoorén, ga/aaweek, adór xirfuuwók kur úr baraá yaamu sleémeero, kuúng xirfuuwók i haats dooriwo.

Ya/abtór hho' 1977

¹ AAKOÓ MUNGÚ, Aakoorén, ga/aaweek, adór xirfuuwók kur úr baraá yaamu sleémeero, kuúng xirfuuwók i haats dooriwo.

WARA'AMI 8:1 Iomraidhean Croise

1 WAAWITÁ 8:27

«Ala looeemaawo, Mungú, kuúng aqo hóta baraakaá yaamuú wa ale? Bar doori, laqaá tam dooraá gáwtí saaw, sleeme u buiaaká, do'owí aníng naa tleéhh adór ir bu'uuti a adoomá!

WARA'AMI 145:1

Aá Munguúeé', kuúng an waawutmooeé', án kuúng u iiatleés. Umuuwók un diidi'iimaamiís ay alhhe'eesay wasle.

WARA'AMI 148:13

Kuká' sleémeero umuú AAKOÓ MUNGÚ ngu xirfayeesiye', asma umuuwós kun ak úr ta umér hatlae, xirfuuwós yaamu gaa waaraáhh nee dooriwo.

WARA'AMI 36:5

AAKOÓ MUNGÚ, sla'aarirók ar warqawaaká ka qoomay wasl, inkihhimuuwók i deer umuúqo diiro.

WARA'AMI 57:5

Mungú, kuúng xirfuút gawaá dooriwo, nee daanduú yaamu sleémeero xirfuuwók i geehhoouy.

WARA'AMI 63:1

AAKOÓ MUNGÚ, kuúng an Munguúeé', án kuúng u leelehhiít, án kuúng ugwa wa slahhaá' adór heé aa waxiit. Aníng kuúng ugwa wa slahhaá', adór yaamaá xaanxaay awa naa hhaahheeruutiyé'.

WARA'AMI 68:4

Mungú i daa'aak, umuuwós xirfayeemisaak, loohír waarahhama geeraawós ti tlehhe', inós a kudá' baraá darmúr waaraáhh. Umuuwós a AAKOÓ MUNGÚ, baraa/é' dír geeraawós wa ale!

WARA'AMI 8:9

AAKOÓ MUNGÚ, Aakoorén, ga/aaweek, adór xirfuuwók kur úr baraá yaamu sleémeero.

WARA'AMI 81:1

Mungú baqmoorén i daa'aak ar afór ur, Munguú Yakobo sabaraa/aak.

WARA'AMI 84:1

Dír hootawók i ló'wa sla'atimis, AAKOÓ MUNGÚ Aleesleemusmo!

TI'INAANGW 15:11

Aá AAKOÓ MUNGÚ, Mungú adór kuúng baraá munguiiwo a gaalá? Baraá hhohhoarto oo xirfuú koóm adór kuúng a gaalá? Kudá' xirfuuwós ta ilaiwawa/i tlehhma'aá waa/oo/amo gi tlehhiít.

DAA'AANGW 5:16

Afkós aa haáts axweesantá tsuua. Ar ló', ku hhoohhoó', Naagáy adoorí an adór sla'aarusmooeé' i dirii'i, aá /ameenár Yerusalemu.

ISAYA 26:13

Aá AAKOÓ MUNGÚ, Munguúrén, bariisér hatlá' atén tina balít, ala atén kuúng kilók un lamabu'umaán tawa Munguúrén.

HABAKUKI 3:3

Mungú naa hardáh i Temanír daahh. Inósudá' Hhoohhoó' i gawaá tloomár Paranír daahh. Xirfuuwós doori gina tuuntuúk. Tam yaamu niri hatsiyé' xirfuwose.

Matayo 22:45

«Bar Daudi gun Aakoowós ar ateetín, ala daxta adór tar garmaawós?»

Yohana 20:28

Tomas guri báy, «Aakooeé' nee Munguúeé'.»

Efeso 4:10

Kudá' aa aweer an kudá' aa tsa/an sleeme. Ina tsa/án gáwtá kilá', doori sleémeero gay waaraáhh, as mura' sleémeero nguwa hatsiisi, as inós iwa deér.

DABE 28:58

«Barnaxes kuúng aga magahhká dabeerí taa baraá kitaábuuwí gooín kawa boo/es, nee barnaxes aga iialooeská, nee umuudá' ló'wa dae tlaáq, xiríf oo AAKOÓ MUNGÚ, Munguúwók bur da'ayumitká,

Filipi 3:8

Ala a muruuwí kiloseká. Mura' sleémeero un harafadiít tawa /aareemaá kilá' asma Kristo Yesu Aakooeé' nguwa xuú', gaarí a gár afhhamít ta muruú hatlá' sleémeero ba/a. Mura' sleémeero una geexáw as inós, mura' sleémeero una harafaár tawa xwaansloó tawo, as kahhó' Kristo nguwa slaw,

Ebrania 7:26

Gawaá adoorihe Yesu an kaahamusmoó úr oo Mungú oo atén ti gaa wa buú'. Asma inós ku hhoohhoó'. Nee slám inós i tlakweemaá konká, nee i xaslxaanslír konká. Nee slám kwaa paraátl dír tlakuuseero, nee kwaa tsa/aás kway harwaarahhaás doori sleémeerowo.

Geehhoeemaá 19:6

Afo ngiri axaás ar adór afór boo/oó yaariír, nee adór afór ma'aá yaariír awa wa/amiimá' baraá wa/ángw i alé, nee slám adór afór xuuraaír /uuruú koom. Afoorí iri ó', «Mungú i xirfuuti! Asma Aakoó Munguúrén, Aleesleemusmoó mura' sleémeero, inós waawuti'iima gaa sláy.