WARA'AMI 78:17 - Biblía Axweesantá Hhohho' ar Mungú 2004

¹⁷ Tam adoorihe inooín tlakweema tlehhtuwo nari kumiitiyé', kudá' gáwtí dirií' nguna si'iyé', didár baraá yaamaá xaanxáy wa ale.

Ya/abtór hho' 1977

¹⁷ Tam adoorihe inooín tlakweema tlehhtuwo nari kumiitiyé', kudá' gawtí dirií' nguna si'iyé', didár baraá yaamaá xaanxáy wa ale.

WARA'AMI 78:17 Iomraidhean Croise

WARA'AMI 78:32

Tam adoorihe inooín tari ak buúhh tlakweema tlehhtuwo, tam tlehhmi'iiwós kudá' waa/oo/amo kaa haratlinti'iiká.

ISAYA 63:10

Ala inooín tana dee/aanuút, qeeruuwós kudá' hhoohhoó' nguna gurhaamír ar ayé'. Gawaá adoorihe inós iri warqáy tari wakusmooín, inósuú kilá' iri amor'ín i muxuút.

ESEKIELI 20:8

Ala ina aahhiyé', slám iga iiaárií qaasi'iiká. Tam heé wák i kaahh oo muruudá' aníng ni ahhiit, kudá' inooín i slaiya', gwaa may tlehhtuuwo, sleeme inooín slaqsi'iidaá munguaá yaamaá Misri ngaa may'iiká. Naagáy niri oó', ‹In i buúhh dír ir baraá yaamaá Misrír i kahhiya'.›

DABE 31:27

Aníng a xuú' adór kuungá' tar múk sage gawdén nee oo aa dee/anuut. Hamí qoomár aníng niwa slaaf kuungá' AAKOÓ MUNGÚ ugwa ahhé', xáy, daqaní ma meerá' qoomár aníng bara gwaá'!

DABE 9:8

Tam amoodár tloomár Horebuwo, kuungá' AAKOÓ MUNGÚ una buhhtisé', inós iri ló'wa buúhh tsaxwaá nuwa hhaamisi.