WARA'AMI 77:2 - Biblía Axweesantá Hhohho' ar Mungú 2004

² Deelór slahh'amaayer'eene Aako una leeleéhh, dabaaeé' ina gáwtí tleés xweeraawo as nguwa fiririim. Muunaáeé' gurkwa/asa gari sií'.

Ya/abtór hho' 1977

² Deelór slahh'amayer'eene Aako una leeleéhh, dabaaeé' ina gáwtí tleés xweerawo as nguwa fiririim. Muunaáeé' gurkwa/asa gari sií'.

WARA'AMI 77:2 Iomraidhean Croise

IIMU/UUNGW 32:28

Heedaádá' iri oó', «Kuúng tu malé bayká Yakobo, ala tun bay Israeli, asma nee Mungú tina /ootsité', nee muu sleeme, kiri arbá/.»

IIMU/UUNGW 37:35

Na/iiwós awa daaqaay nee awa dasu baabuúín nguri i daqayé' kuwa gurkwa/amisi. Ala Yakobo gurkwa/asa gari sií' iri oó', «Án garmaaeé' u baloó gunqareesaaká tam ay baraá gi'i.» Gawaá adoorihe Yakobo garmaawós guri al/aa/amaamín.

2 QOM'I 6:28

«Giyeé birna tleér baraá yaamuwo, laqaá tiqtír pu/i, laqaá slahheemasi, laqaá danú xaai birnga kahaás, laqaá ingigi birna hardát, laqaá karkari, laqaá barnaxes mukók wakuuser'ín gaa baraá gixsarkárí harwét, laqaá slahh'amu, laqaá tiqti gaalahe,

YOBU 11:13

Yóbu, muunaáwók barnaxes u qwáts, dabaawók aqo in gáwtí tlés, Mungú kuwa firiin.

WARA'AMI 18:6

Baraá slahh'amueene AAKOÓ MUNGÚ una ateét, una ateét Munguúeé' as iwa alee/iisi. Afor'eé' gari axaás amór do'ós wa ale. /Aa/ee'eé' nay baraá iaawós i hardihiyé'.

WARA'AMI 50:15

Án ateetáng deelór slahh'amaayeero. Án kuúng u ba/amís, aníng iri xirfayés.»

WARA'AMI 55:17

Tsiindo, matlaatle nee qoomár tlaatla/aango, an wa/a/uús ar gurhaami, inós afor'eé' ga axaas.

WARA'AMI 63:6

Bura insláw baraá qatanir'eé' wa ale, kuúng un aldakuút xweera sleémeero.

WARA'AMI 86:7

Bál slahh'amuueene án kuúng u ateét, asma kuúng aníng i mu/aywáts.

AXWEESANOÓ SAGALOOA 18:14

Qeeruú hee tiqtír slaqwtós ga saqiitl, Ala qeeruú aa slahhaa' heé gu saqiítl.

ISAYA 26:16

Aá AAKOÓ MUNGÚ, qoomár niwa slahhahhaiya' nina amorógí /akumitiyé', qoomár kuúng kiwa slahh'eemís, kuúng uri firariné'.

ISAYA 26:9

Baraá muunaáeene kuúng una islaasláw looa ngari fiíq, nee baraá qeerueene kuúng una tseewa leelehhtuú áw ar tsáp. Asma bál bar yaamu iga sakwasleemút, yaamuloouusér baraá yaamu hotaá ganaa'á' gi intsaatsáhh.

YEREMIA 31:15

AAKOÓ MUNGÚ i kaahi, «Afo kaa axaás baraá gixsár Rama, /aa/aá tsuunqusmoó gurhaami, Raheli i /aa/amiín as na/iiwós, asma iwa kahhiya', Raheli qawisa gari sí'.»

HOSEA 5:13

Qoomár múk Israeli tiqtir'ín ngiwa tsaáhh, nee múk Yuda inkahhi'ii'ín ngiwa tsaáhh, Múk Israeli iri tláy amór Ashuru, muu guri ya/aáw amór waawutmoó úr, ala inós kuungá' hungu/uusaro nu aleeslayká, tam inkahhi'iihúng gi hungu/uusiiká.

HOSEA 6:1

Qwalaasé', a amór AAKOÓ MUNGÚ i ki/aán, inós atén tina karslamiís nee inós atén tin hungu/uus, inós tina tlaqamiís, nee inós inkahhi'iirén ngin tseek.

Yohana 11:31

Múk Yahudi, kudá' nee Maria al'iwiwitá' dír dó' wa ale as gurkwa/amis, kawa ár adór Maria ira tleér ar gaanslaay, tari ti'iít, kari aluú wa eehár. Inooín geera ka xui in /aa/aá eér amór /aanta.

Ebrania 5:7

Qoomár Yesu iwa baraakaá yaamuú wa hoót, Mungú guna i /aa/amín ar afór ur, nee ar hhirhheeri, guri firiirín nee nguwa ateetin. Asma Mungú inós gu aleesláy nguwa ba/amisi baraá gwa'araaro. Inós kuri iiárií qaás nee Mungú asma adoodá' tiwa niinaweés, nee adoodá' Mungú nguwa ilaiwawaá/.