WARA'AMI 76:6 - Biblía Axweesantá Hhohho' ar Mungú 2004

⁶ Kuúng, Munguú Yakobo, bara gahhát, múk faras ngwa i tsa/an nee farsuine nari slar/amiitiyé' /araraango.

Ya/abtór hho' 1977

⁶ Kuúng, Mungú Yakobo, bara gahhát, múk faras ngwa i tsa/an nee farsuine nari slar/amiitiyé' /araraango.

WARA'AMI 76:6 Iomraidhean Croise

2 SAMUELI 10:18

Ala múk Aramu kuri baál, iri goów geeraá múk Israeli wa ale. Daudi múk Aramu oo tsiire faanqw guri tsuú/, kudaadá' gaardaá slaqwarár madiitá'. Nee kudá' faras ngwa tsa/ane' a kume mibeeri tsiyáhh oo aa tsuú/. Sleeme geeraharusmooín kudá' úr oo slawtá slaqwara, kudá' ta bay Shobaki, guri muút iri slahhaá', iri didár kilií gwaá'.

2 WAAWITÁ 19:35

Naagáy xweeradaá kilae malaykamoó AAKOÓ MUNGÚ iri dáh baraá xafoó slaqwaruusér múk Ashuru i diri', múk kume tsiiruú wák nee mibeeri dakaát nee kooán guri tsuú/. Qoomár looa niwa tleér, qatuuwo niwa tláy naxés tu'u naa qaró hhaafmitiyé'.

2 QOM'I 32:21

AAKOÓ MUNGÚ malaykamoowós guri ya/aáw, slaqwaruuseedár miguuse ar waawutmo Senakeribu, nee geeraharuuseero giri tsuú/, kudá' baraá xafáy diriiá'. Waawutmo iri waátl ayaawós i alé ar mure. Qoomár iwa dáh baraá doó munguúwós, kuri gaás nee daaqaywós oo kilá' ar paánga.

WARA'AMI 104:7

Tawa gahhát, ma'aay nay gowiyé'. Afoorók ar kwarara/a ngiwa axaasiyé' nay kulala'atiyé' ti'ingo.

WARA'AMI 18:15

AAKOÓ MUNGÚ, wakuuseerók kawa iigahhát, kawa dae tsát ar buhhtaawók, iloodaá tlawi niri geehhouyé', iihhafiirír yaamu iri geehhoouúr.

WARA'AMI 80:16

Muu gaa tsaát gari daá/ ar asla, kuúng inooín hhaamiseek.

TI'INAANGW 15:1

Naagáy Mose nee xoorór Israeli AAKOÓ MUNGÚ kuri daa'angwí daá', «AAKOÓ MUNGÚ un sa daá', asma aa ló'wa xirfuút, faras nee mukdá' gi madiita gaa kwaáhh baraá tlawi.

TI'INAANGW 15:10

Ala kuúng fur'aarók ana kwáhh, tlawi giri harakí/. Inooín niri /eetiyé' baraá ma'aá ur adór harsaási.

TI'INAANGW 15:21

Miriamu daa'aangw guri ót, «AAKOÓ MUNGÚ sa daa'aak, asma ina baalín ar xirif. Faras nee mukdá' gwaa i tsa/ani gaa kwaáhh baraá tlawi.»

ISAYA 37:36

Naagáy malaykamoó AAKOÓ MUNGÚ xweeraawo ina tláy slaqwaruusér Ashuru ar kume tsiiruú wák nee mibeeri dakaát nee kooán gari slururu'uús. Matlaatleero looa niwa tleér naxés mukwí sleémeero an tu'u.

YEREMIA 51:39

Inooín hheehhár /ayma gi eér, aníng ngiri muruú /aymár úr i amohhe'eés, inooín ngiri xufitiís nay ta/amitiyá', inooín tan guu' ta daarkitiiká, nee sleeme ta baloó tlayká. Anuú AAKOÓ MUNGÚ tí ngina oó'.

YEREMIA 51:57

Aníng geeraharuuseerós nee múk sageloene u xufiitiís, nee ga/aawuuseerós nee geeraharuusér slaqwara nee miguuseerose. Inooín tan guu' ar gu'utér tawa daarkiitiiká, nee ar tleemu wasl. Aniíduú waawutmo, umuueé' a AAKOÓ MUNGÚ Aleesleemusmo, tí ngana oó'.

ESEKIELI 39:20

Gawaá meésar'eene, slaqwaruuseedá' farsuú i tsa/aa/am, nee pihhuuse, nee slaqwaruuse sleémeerowo kan aaxiis. Anuú Aakoó MUNGÚ tí aga oó'.»

NAHUMU 1:6

Heé buhhtaawós gi ilií óh a heemá? Heé xarasleemaawós gi aleedaám a heemá? Xarasleemaawós gin tsaafmiis adór asla, tam tlaa/e gin feehhamiis sleeme.

NAHUMU 2:13

Ga/aaweek, AAKOÓ MUNGÚ Aleesleemusmo i kaahi, «Án a slaáqw nee kuúng, gaarduwók kudaá slaqwara i hhamiís ar asla, slaqwaruuseerók tidár adór direeri ngari tsuú/ ar paánga. Sluqoorók tidá' sleémeero an amór saáwí kwaáhh baraá yaamuwo, nee afór ya/abuuseerók kay malé axasiiká baloó alé.»

NAHUMU 3:18

Aá waawutmo Ashúru, de'eemuuseerók aa gú', mukók kudá' ta ilaiwawa/i aa gufiís, mukók aa tsiyayaxaát gawaá tlom'i, tam heé gi burumbuuriím i kaahh.

SEKARIA 12:4

AAKOÓ MUNGÚ i kaahi, «Baalaadae aníng umuúqo faraásiro an dae tsaát, nee heedá' gaa i tsa/an un slarhhamúw, farsuú múk xoordaá hatlá' un taampúw, ala múk Yuda un harmagaáhh xuumaro.

1 SAMUELI 26:12

Daudi lawaaladá' nee qumtá ma'aywo gina taataáhh, tooaáng dír ságw Saulo i tseew, inooín tari tláy. Ala tam heé kaangwí gwaa ar i kaahh, adór ira tleehharuút, tam heé aa daarkiit i kaahh, asma AAKOÓ MUNGÚ gina slar/atamís gu'uteero.