WARA'AMI 76:10 - Biblía Axweesantá Hhohho' ar Mungú 2004

¹⁰ Looeemaawo buhhtaá hee i warqayá' tawa xirif diroge, tam kudá' naa meetiye' buhhtaawoge u diidi'iimisiyá'.

Ya/abtór hho' 1977

¹⁰ Looeemaawo buhhtaá hee i warqayá' tawa xirif diroge, tam kudá' naa meetiye' buhhtaawoge u diidi'iimisiyá'.

WARA'AMI 76:10 Iomraidhean Croise

IIMU/UUNGW 50:20

Kuungá' looeemaawo, ana slaé' aníng iwa gár tlaákw i tlehha', ala Mungú gana slaá' tawa gár hhoo', as xoorór ur ngiwa ba/amisi, adór hám i diri' laarí.

WARA'AMI 104:9

Aluuwo ma'aydá' kiri digimí tléhh as mindiwa malé ki/iyé' yaamu mingiwa tuuntukiyé'.

WARA'AMI 12:6

Al'axweesantá AAKOÓ MUNGÚ a ló', nee i ganá'. Ka hhohho' adór muqslír /awaak ar taa kwahhuút ar baraá asla, adór muqslír /awaak ar taa kwahho hhe'eés sagaá wa faanqw.

WARA'AMI 46:6

Xoordu naa leexutiyé', waawuti'iima iri amoqwát. Mungú afoorós gay tlees, yaamu nari weeqiyá'.

WARA'AMI 65:7

Xuuraaír tlawi nee gwaanduú ma'aay in xasltimís, nee sleeme tsimaahhír xoordu an xasltimís.

WARA'AMI 82:8

Mungú, sihhiít, yaamu sakwasleemuteek, asma xoordu sleémeero a kók.

TI'INAANGW 18:11

Daxta aga tsaáhh adór AAKOÓ MUNGÚ kur úr dír munguaá hatlá' sleémeerowo, asma kuungá' nuna wangeexwaár baraá dabaá múk Misrír wa ale, kudá' naa baramaanumamiis.»

ISAYA 11:4

Ala ar gan'amuuwo narkuute gan sakwasleemuut, inós kudá' tsaén awa yaamu gi kasi tsaat ar adór qoom, nee inós muu gu slaahh ar /aymuú afkós, tlakuuse gan tsuu/ ar hinsluú afkós.

Matayo 24:22

Ala bar deeloodá' kaa /aareesiiká, geeraawo heé ba/ám i kaahh. Ala asma kudá' taa tsawaár deeloodá' ka /aarees.

Yohana 19:22

Pilato iri oó', «Gár án naa gooiím, aga gooiím.»

Rumi 9:17

Asma baraá Gooiro Mungú Farao guna báy, «Án kuúng gár usa waawutmoó wa qaás a tí, /uuruueé' nguwa gawaawók i laqaam, nee as umuueé' kuwa alki/iiti baraá yaamu sleémeerowo.»

Geehhoeemaá 11:18

Múk xoordu ina buúhh. Ala xarasleemaawók naa hardihiyé'. Nee slám qooma naa hardát ar múk aa qaatl kuwa sakwasleemuuti. Nee slám qooma naa hardát ar sagadiyuuseerók tidár aaruuse kawa bu'utuuínií haniisi, nee mukók kudá' hhohhó', tam mukdá' sleémeero kuúng u ilaiwawaá/, múk urén nee na/iiwo. Nee slám qooma naa hardát ar mukdá' yaamu gi hhititiím kuwa hhitin.»