WARA'AMI 73:3 - Biblía Axweesantá Hhohho' ar Mungú 2004

³ Asma mukdá' tlákw tin kilooín xirfayeemiis, aníng ngiwa ár kiwa diihhó' aníng gura' iri óh.

Ya/abtór hho' 1977

³ Asma mukdá' tlákw ti kilooín xirfayeemisá', aníng ngiwa ár kiwa diihhoo' aníng gura' iri óh.

WARA'AMI 73:3 Iomraidhean Croise

YOBU 12:6

Hotaá malguuse i wayduú koná', múk Mungú buhhtimís i hoot ar saxareema, Munguúín an /uuruuín.

YOBU 17:8

Múk gan'amuú koóm slahh'amueé' burkwa ár tan xamaa', nee múk tlakweemaá koomaaká aníng in bibisiná', adór heé Mungú gu xuaaká wa ale.

YOBU 21:7

Asma milá múk tlákw mis hotaatín, bareé /uuremooín in doogiginá' tam ay diimaay.

YOBU 24:23

Inós gina amohhooárí haniís nari ak diihhe'eesiyá'. Ala inós lohduuín gi ga/áy.

WARA'AMI 10:5

Tlakusmo qooma sleémeero muruuwós i ya/aa/án. Inós ga baloó tsaahhiiká adór kuúng muu kur sakwasleemút. Wakuuseerós sleémeero gan waaqaaqaa'.

WARA'AMI 37:1

Kuúng ma daawimitaar as kudá' tlakweemaá tlehhiitá', tam mi waatlakwemisaar kudá' muruú tlákw tlehhiitá'.

WARA'AMI 37:7

Dír AAKOÓ MUNGÚ i xasliiteek, inós ku daán ar qitla. Kurkeér heé adoorós tidá' ar al/ayma ga ya/a/aám, nee mukdá' lohuín kudá' tlakw ngaa muruú wa slaye'.

AXWEESANOÓ SAGALOOA 23:17

Adoodá' múk tlákw ir hooti muunaáwoge ma waatlakwesaar. Ala kumiít AAKOÓ MUNGÚ kuwa ilaiwawa/ deelo sleémeero.

AXWEESANOÓ SAGALOOA 24:1

Adoodá' múk tlákw ir hooti ma waatlakwesaar, tam dinku'umár nee inooín ma sla'aar.

AXWEESANOÓ SAGALOOA 3:31

Malgusmo mu waatlakweesaar, tam loohír wák baraá lohuuwose ma afkwaá naatsaar.

DAHARUSMO 7:15

Muruú yaariír ugwa ár baraá hotaeé' kuká' liitlakwe, heé hota ganaá i deer oo aa gwaa' tam inós i ganaai, heé tlaákw i deer oo hotaatiím tam inós ku tlaakwe.

YEREMIA 12:1

Aá AAKOÓ MUNGÚ, kuúng an ganá' aníng tam ui qununu/a. Aníng yaahasarka a koóm diroge. Ahaá múk tlákw baré gadiyeduuín i ya/aa/á'? Ahaá baré múk al/aymuuse aa diihhe'eés?

MALAKI 3:15

Adór atén kar tsatsahhaamana múk sagegawdén an ak múk amohhoó', nee múk slasla/aruú tlehhiít, an múk gár slasláw. Nee kudá' Mungú ngu iiara'ará', an múk aa /uy.› »

Yakobo 4:5

Laqaá kuungá' ka xua' Gooi in tawó axwésa, tidá' kah, «Mungú gura' gun ló'wa ohín as qeeruudá' aa baraarén i qaás.»