WARA'AMI 72:15 - Biblía Axweesantá Hhohho' ar Mungú 2004

¹⁵ Waawutmo i hooti, nee sahaábuú Sheba ku haniisi dirós, ku aleefiriirin nee muu umuúqo qoomaaro, nee ku tsuuqaá Mungú i slai deelo sleémeero.

Ya/abtór hho' 1977

¹⁵ Waawutmo i hooti, nee sahaábuú Sheba ka haniisi dirós, ku aleefiririn nee muu umuúqo qoomaaro, nee ku tsuuqaá Mungú i slai deelo sleémeero.

WARA'AMI 72:15 Iomraidhean Croise

1 WAAWITÁ 10:10

Naagáy waawutmo guri talaántár tsiiru nee mibeeraá tsár i hanís, ar sahaábu, nee mooyángw yaariír ló'wa alé, nee tlaa/eedá' tlaxo urene. Iimír baalaadá' mooyángw adór kuduú waawuto'ór Sheba aa hanís, waawutmo Solomon gwaa baloó slayká malé ale.

1 WAAWITÁ 10:14

Talaántár sahaábu ar aa hardat dír Solomon kurkú wake a tsiire lahhoó' mibeeri lahhoó' nee lahhoó'.

2 QOM'I 9:1

Waawuto'ór Sheba xirfuú waawutmo Solomon nguwa axás, aai gina tsék ay yaamaá Yerusalemu as waawutmo Solomon nguwa iiat ar yaahamisuú gawdén. Inós nee sagadiyuseerós ti koná' dinkwa nee aangamíár mooyángw tsuú' loohis, nee sahaábu nee tlaa/aá tlaxo uren. Iwa hardát dír Solomon, guna yaahamís umuúqo gaaro tidá' i koon baraá muunaáwose.

WARA'AMI 21:4

Inós slafiingw guna dirógí firín kuri hanís, slafíngw deelór yaariir oo alhhe'eesoó koomaaká.

WARA'AMI 45:4

Baaliím, geera i kumiiteek ar /uuruuwók, looeema aleekalaa/eek nee tsaeema nee gan'amu, ar /uuruwoge muruú waa/oo/amo oo dae tlaáq u tléhh.

WARA'AMI 72:19

Umuuwós kudá' xiríf ku diidi'iimiis ay alhhe'eesáy wasle. Yaamu sleémeero xirfuuwose i hatsiye' ay alhhe'eesay wasle! Amin! Amin!

ISAYA 60:6

Yaamuuwók ki tuuntuuk nee daqtá angamía. Eeít damaá angamía awa múk Midiani nee Efa, nee sleémeero awa Sheba nin hardihiyá'. Inooín sahaábu nee mooyángw tsuú' ngun huwiyá', nee inooín xirfuú AAKOÓ MUNGÚ ngun alki/iitiyá'.

Matayo 2:11

Tari dáh baraá do', na/aydá' kuri ár nee aayoorós Mariawo. Kuri i tumbarara'aát kuri sluufmiís. Nee inooín muruuín kudá' i kona' nguri gweeriyé', nguri haniisiyé' dír na/aay. Muruú taa hanimiís a kwí: Sahaábu nee mooyángw tsuú', nee mooyangwko ta babay manemane.

Matayo 21:9

Nee boo/aydá' geeraá wa hi'iít, nee oo aluuwo ta tseeamín ta kaahi, «Hosana, Garmoó Daudi, i xirfuuti kudá' hardáh ar umuú Aako, i xirfuuti Munguú gawaá doori.»

Matayo 6:10

waawuti'iimarók ni xeer, adór kuúng ta sla' i tleehharut baraá yaamuwo, adoodá' gawaá dooriiwo ira tleehharút.

Yohana 11:25

Yesu gari báy, «Aníng an waasle/ nee slafiingw. Heé aníng iga haratlintii', tim i gwaai, inós i slaaf.

Yohana 14:19

Deelór aa met ka ureeká, aníng múk aa haratlintii'iiká i malé ariiká, ala án kuungá' i aandá', asma án a slaáf, nee kuungá' a slafá'.

Yohana 5:23

as muu sleémeero Garma nguwa ilaiwawa/i, adoodá' Baabá kur ilaiwawa/i. Heé Garma gu ilaiwawa/aaká, tam Baabuúdá' Garma ngwaa ya/aaw gu ilaiwawa/iiká sleeme.

2 korinto 13:14

Tsuuqaá Aakoorén Yesu Kristo, nee sla'aarír Mungú, nee dinku'uumár Qeeruú hhoohhoó' oo Mungú masók i dinkwa nee kuungá' sleémeero.

Filipi 2:11

Nee umuúqo heewo i ooi, «Yesu Kristo a Aako,» as Mungú Baabá kuwa xirfayeesi.

1 Tesalonike 3:11

Mungú Baabá inósuú kilá' nee Aakoorén Yesu atén ti amorhúngií geerahaari.

2 Timoteo 4:22

Aako muunaáwók ngu de'en. Tsuuqa masók i dinkwa nee kuungá'.

2 Petro 3:18

Kuungá' kumiité' tawa urareera' Aakoorén nee Ba/amusmoorén Yesu Kristo kuwa xua', nee tawa gawduura' ar loohír tsuuqaawós kudá' ni tawó hanmamiisi dirhúng i alé. Inós i xirfuuti iimír hamí ay alhhe'eesaay wasle. Amin.

1 Yohana 1:2

Slafiingwí nina geehhooúy, atén kway araán, slám ngun dirhúng i lamabu'uumaán nee ngun alki/iitaán slafingwdá' alhhe'eesay wásl, kudá' geeraawo amór Mungú Baabá i dirií', kunguri diréní geehhooatís.

Yuda 1:25

Mungú kilós, inós a Ba/amusmoorén ar baraá Yesu Kristo Aakoorén. Xirif a kós, nee uraay, nee aleesleemu, nee /uuru, iimír iimu/úngw wa tleemu, ay hamí, tam ay alhhe'eesay wasle. Amin.

Geehhoeemaá 1:18

kudá' slaáf. Aníng geeraawo ana gwaá', nee qaytsiít, hamí a slaáf ay alhhe'eesay wasle. Nee slám aníng gweermo a koóm ar gwa'ara nee ar baraá gi'i.