WARA'AMI 72:12 - Biblía Axweesantá Hhohho' ar Mungú 2004

¹² Asma inós heé gaa wásl oo gu i /aa/amiím gu tuu/, nee heé narkutmo oo alee/isoó koomaaká gu tuu/ sleeme.

Ya/abtór hho' 1977

¹² Asma inós heé gaa wásl oo gu i /aa/amiím gu tuu/, nee heé narkutmo oo alee/isoó koomaaká gu tuu/ sleeme.

WARA'AMI 72:12 Iomraidhean Croise

2 SAMUELI 14:16

Asma waawutmo i iiárií qaas nee iri ba/amis dír dabaá heedaádá' gaa slaá' aníng iwa hingeesi dinkwa nee garmaaeé' baraá aalír Munguhe.

YOBU 29:12

Asma narkutmoó iga i /aa/aá ay una waangexwaár, nee tam heé baabá wásl oo taa /iisiiká una /iís sleeme.

YOBU 36:15

Heé ta baramaanuusi gun tuu/ ar baramaanidá' i slaslay, nee giri faxtis ar slahh'eemisudá' i slaslaya'.

WARA'AMI 10:17

AAKOÓ MUNGÚ, /aa/aá heé tsá' iga axás, kuri iiárií qás, kuri gurkwa/ás.

WARA'AMI 102:17

Múk aa haleeleeiit gu iiárií qaas, nee firor'ín ga si'iiká.

WARA'AMI 102:20

Wa/aa/ír mukdá' taa tsegiít gan iiárií qaas, mukdá' geera taa sakwasleemuút kiwa tsu/i gin gweer.

WARA'AMI 55:17

Tsiindo, matlaatle nee qoomár tlaatla/aango, an wa/a/uús ar gurhaami, inós afor'eé' ga axaas.

WARA'AMI 72:4

Waawutmo kudá' liitlakwen ngi aleekalaa/i, múk gaa wásl ngu tu/i, nee heé múk baraamaanuús ngu nakaa/aruy yaamií alé.

AXWEESANOÓ SAGALOOA 29:7

Heé hota ganaá' harimadaá narkuute gin haniis Ala heé tlaakw tsaahha ga konká ar muruuwí ngur xui.

DAHARUSMO 4:1

Aluuwo aníng ana qaytsiít, malguuse ngari ár baraá yaamuwo, naxés mukdá' ta malguús i /aa/amín, ala heé gi gurkwa/ás i kaahh. Asma malguuse i /uuruú koón bartaine, gaarí an gár mukdá' gurkwa/asa ngisa slayi'iiká.

ISAYA 41:17

Múk narkuute nee oo gaa wásl bir ma'aá leelehhiitiyá', ma'aay i kahhiyá' waxeero hhehhuuín birna kahiyé'. Aníng AAKOÓ MUNGÚ i mu/aywaáts, Anuú Munguú Israeli i geexawaaká.

Luka 4:18

«Aako aníng iga Qeeruuwós i haniís, asma inós aníng iga tsawaár, Ya/abtór hho' ngiwa alki/iit dír narkuute. Iga ya/aáw amór múk baraá tseegamo as kángw gweermor'ín nguwa ooár aw, nee taampu iwa malé qaytsitiya', nee kudá' ta slahh'eemisi ngiwa amohhooár i haniis,

Luka 7:22

Yesu mukdá' tinda ya/aáw guri báy, «Tlawsé', tí taa aandé' nee taa axasé' Yohane ti beere', gídaabá taampu i xumiisiyá', taqooraay i hi'iimiit, múk tiqtír tsatmit ku hheehhe'eemiis, múk iiawasle i axamiis, tu'u ki waaslee/atimis, nee liitlakuuse ka Ya/abtór hhó' i alki/iit.

2 korinto 8:9

Asma kuungá' gurtleemuú Aakoorén Yesu Kristo u xuá' adór inós geeraawo ta daqaarmo, ala iri narkutmo tleehhiít as kuungá', as kuungá' tawa daqaari'ita' ar narkuuwós.

Ebrania 7:25

Gawaá adoorihe kudá' Mungú ngu i daqaqawá' ar loohír inós, inós gi ló'wa aleesláy ba/amisaro, asma inós i slafaafín daqisleém as ngiwa aleefiriirin.

1 SAMUELI 22:2

Umuúqo heé baraá slahh'amií dirií', nee umuúqo heé iinár kooma, nee mukdá' sleémeero baraá muner'ine slahhahhaá' tana burumburiít dirós i ale, inós tari geeraharusmooín. Mukdá' aa burumburiit dirós tsiire tsiyáhh ga áy.