WARA'AMI 72:10 - Biblía Axweesantá Hhohho' ar Mungú 2004

¹⁰ Waawituú Tarshishi nee múk yaamaá kaahaar oo baraá tla/ángw tláwtií dirií', koódi ngi huwiye', waawituú baraá Sheba nee Seba qeemuú i kona' ngu haniisiye'.

Ya/abtór hho' 1977

¹⁰ Waawituú Tarshishi nee múk yaamaá kaahaar oo baraá tla/ángw tlawtií dirií', koódi ngi huuwiye', waawituú baraá Sheba nee Seba qeemuú i kona' ngu haniisiye'.

WARA'AMI 72:10 Iomraidhean Croise

IIMU/UUNGW 10:7

Daaqoó Kushi a Seba, nee Hawila, nee Sabta, nee Ra'ama nee Sabteka. Nee daaqoó Ra'ama a Sheba nee Dedani.

1 WAAWITÁ 10:1

Waawuto'ór yaamaá Sheba xirfuú Solomon as umuú AAKOÓ MUNGÚ nguwa axás, nina hardát amór Solomon as nguwa yaahamis ar /ayma'aá gawden.

1 WAAWITÁ 10:10

Naagáy waawutmo guri talaántár tsiiru nee mibeeraá tsár i hanís, ar sahaábu, nee mooyángw yaariír ló'wa alé, nee tlaa/eedá' tlaxo urene. Iimír baalaadá' mooyángw adór kuduú waawuto'ór Sheba aa hanís, waawutmo Solomon gwaa baloó slayká malé ale.

1 WAAWITÁ 10:2

Ina dát Yerusalemúr i aleeró nee eeharuuseerós ar yaariir, nee angamiadaá mooyángw loohisá', nee sahaábuú yaariír, nee tlaa/aá tlaxo gawden. Iwa hardát dír Solomon tana axweés daanduú tidá' sleémeero ar baraá muunaáwós.

1 WAAWITÁ 10:25

Umuú heewo qeemu nguri huúw oo xooslár taa tleéhh ar peésa nee sahaábu nee tlaba' nee manemáne nee mooyaangw nee faras nee wayshama', umuú kurko Solomon qeemuuwí guna ilaaohín.

2 QOM'I 9:21

Solomon miringér sagadiyuusér waawutmo Hiramu ir aa'aá kakeer ay yaamaá Tarshishi gan kón. Alaá kureeraá tame miringeedá' ni kikí/ ar sahaábu nee peesaaro nee xareemaá daweero, nee poohame nee tsir/ór ta bay tausiro.

ESTA 10:1

Waawutmo Ahasuero ohme gari ohín baraá ayeemoowo nee baraá ayeemaá afaá tlawto.

WARA'AMI 45:12

Múk yaamaá Tiro ilahhooar'ín ngi huuw, daqaare ila' giri dirók i hhe'eemís.

WARA'AMI 68:29

Waawitá u qeemií huuw, as Do'ók kudá' hhoohhoó' oo baraá Yerusalemu.

WARA'AMI 68:30

Geeraharuusér xoordaá hatlá' tidár adór makaá baraá sla/a iigahhaateek, xoordaá uren awa /uuruú koomá', adór boohhár yaqaambe nee daqtá /uuruú koom ar tsa/eeto, muxaaximeek ay dír iiaaín nay faxaatiya', nee ay dír peésa ngi haniisiya', kudá' slaqwarár sla'á' tsiyayaxeek.

ISAYA 42:10

Daa'ángw /abén daa'aak dír AAKOÓ MUNGÚ, hhapeemo sleémeero xirfuuwós ngu daaiye'. Gimsé' tlawi i /orotl nee umuúqo gár baraadá' i diriia, ayeemaá sawen nee yaamuloouuser'ine.

ISAYA 42:4

Inós i diqay tsatitiiká laqaá i munesi'iiká. Ay dír sakwasleemár ganaa' ngay gawdeesi baraá yaamuwo. Yaamaá sawen hara'ayaarós ngin daamaraná'.

ISAYA 43:3

Asma aníng a AAKOÓ MUNGÚ, Munguúhúng, Kudá' Hhoohhoó' oo Israeli, ba/amusmoohúng. Yaamaá Misri afkuhúng nguna /ayiyé', yaamaá Kushi nee Seba ina kuungár waa'aláh.

ISAYA 43:6

Aníng bihhaá /iya in baw, ‹Muk'eé' geemawaak.› Bihhaá basa ngiri baw, ‹Muk'eé' mu ila/amara'.› Daaqay'eé' amór saáw wa ki/isare' nee dasuueé' amór alhhe'eesoó yaamuú wa ki/isare'.

ISAYA 49:7

AAKOÓ MUNGÚ kuduú ba/amusmoó Israeli, kudá' hhoohhoó' oo Israeli, i kaahi, heedá' xoordu naa aahhiyé' nee i waaqaqaiya' kuduú lawaalmoó geeraharuuse, «Waawitá kuúng u ar iri sihhiit, geeraharuuse gun kiloón i tumbararaa'át, as anuú AAKOÓ MUNGÚ kudá' inkihhimuú koóm, kudá' hhoohhoó' oo Israeli, kudá' kuúng ugwa tsawaar.»

ISAYA 60:3

Xoordu ni hardihiyá' dír gwa/aateemaawók, nee waawitá nin hardah dír gwa/aateemaadá' iga i gwa/aatiye'.

ISAYA 60:6

Yaamuuwók ki tuuntuuk nee daqtá angamía. Eeít damaá angamía awa múk Midiani nee Efa, nee sleémeero awa Sheba nin hardihiyá'. Inooín sahaábu nee mooyángw tsuú' ngun huwiyá', nee inooín xirfuú AAKOÓ MUNGÚ ngun alki/iitiyá'.

ISAYA 60:9

A miringér baraá ma'aay tidá' yaamaá afaá tlawtá daahh, kinga geerahaár nee miringér Tarshishi. Tidá' na/iiwók ngaa amór saáwa ki/is, peésar'ín nee sahaábu ngi koná' as daanduú umuú AAKOÓ MUNGÚ, Munguúhúng, nee daanduú Kudá' wák oo Hhoohhoó' oo Israeli, asma inós kuungá' nuna xirfayeés.

Matayo 2:11

Tari dáh baraá do', na/aydá' kuri ár nee aayoorós Mariawo. Kuri i tumbarara'aát kuri sluufmiís. Nee inooín muruuín kudá' i kona' nguri gweeriyé', nguri haniisiyé' dír na/aay. Muruú taa hanimiís a kwí: Sahaábu nee mooyángw tsuú', nee mooyangwko ta babay manemane.