WARA'AMI 72:1 - Biblía Axweesantá Hhohho' ar Mungú 2004

¹ Mungú, waawutmo intsaahhatiseek sakwasleemár ganaa'a, nee waawutmo gan'amuuwók tii hanis.

Ya/abtór hho' 1977

¹ Mungú, waawutmo intsaahhatiseek sakwasleemár ganaa'a, nee waawutmo gan'amuuwók tii hanis.

WARA'AMI 72:1 Iomraidhean Croise

2 SAMUELI 23:3

Munguú múk Israeli iri oó', tlaa/ár múk Israeli ina beér, ‹Hee bar muu ngwa sawaawuti'ín ar gan'amu, baraá waawuti'iimarose bar Mungú ngwa ilaiwaá/,

1 WAAWITÁ 1:39

Amoodae kaahamusmo Sadoki xarmoó di/tá koóm guri baraá heémár wa taataáhh, Solomon guri iimbalaáx ar di/i as tawa waawutmo. Aluuwo tarumbeéta kari ufaáhh, muu iri oó', «Waawutmo Solomon i hotaatin.»

1 WAAWITÁ 3:9

Gawaá adoorihe, anuú sagadiyusmoowók sagalooár i haniisáng as qaa/oó mukók nguwa tlaaq, muruú hhó' nee oo tlákw nguwa paraatl. Asma a heemá heé muruú mukók kwí yaariír gu aleesláw tlaquuwo?»

1 QOM'I 18:14

Daudi múk Israeli sleémeero guri sa waawuti'ín, nee mukós sleeme gwaa barqantusiiká.

1 QOM'I 22:9

Ga/aaweek, na/oó garma ku xwaylúy do'oge, inós tari heé wayda. Inós un waydií haniís dír wakuuseerose umuúqo barto, asma umuuwós ku bay, Solomon. Aníng wayda nee amohhooaro ngiri haniís dír múk Israeli qoomár waawuti'iimarose.

1 QOM'I 29:19

Garmaaeé' Solomon tsuuqeek, as kahhó' hara'ayarók ngiwa oohi ar muunaáwós sleémeero, nee dabeeroge nee kaahiroge, sleémeero ngi boo/eesi, as do'owí aníng naa xoslu amohhe'eés nguwa aleeslay tleehhamooro.»

2 QOM'I 1:10

Gimay daxta sagalooa nee xu'uti haniisang, as kahhó' mukók kwí nguwa sawaawuti'iima ar adór ganaa', asma bar adooriheeká mukók kwí adoorír yaariír adór ngur aleeslaw sawaawuti'iimaro a adoomá?»

WARA'AMI 127:1

AAKOÓ MUNGÚ barnaxes do' ngwa tleehhiiká, mukdá' doó tleéhh, a gadiyér tawo gan tleehh. AAKOÓ MUNGÚ bar gixsa ga xunká, heedaádá' ga xuúm, in tawo xún.

ISAYA 11:2

Qeeruú AAKOÓ MUNGÚ i gawaawós i iwiit, qeeruú sagalooa nee oo tsaahha, qeeruú hara'aya nee oo aleesleemu, qeeruú xu'uti nee oo AAKOÓ MUNGÚ nguwa ilaiwawa/i.

Yohana 3:34

Asma heé Mungú naa ya/aáw, kángw i axweesi oo Mungú. Asma Mungú Qeeruú hhoohhoó' gu haniisiiká ar qoomeemes.