WARA'AMI 71:7 - Biblía Axweesantá Hhohho' ar Mungú 2004

⁷ Aníng adór ni dirii' a adór gár mureewasl dír múk yaariire, ala kuúng an dír gawit ar guway'eé'.

Ya/abtór hho' 1977

⁷ Aníng adór ni dirii' a adór gár murewasl dír múk yaariire, ala kuúng an dír gawit ar guway'eé'.

WARA'AMI 71:7 Iomraidhean Croise

WARA'AMI 61:3

Asma kuúng an dír guway'eé', baqmór /uuruú koom, ar wakusmooeé' iwa slayká.

WARA'AMI 62:7

Ba/ama nee xirfueé' amór i dahhiya' a amór Munguúeé'. Mungú an adór tlaa/ár aníng i baaq, nee un ii goów.

WARA'AMI 62:8

Kuungaá muu, Mungú haratlintiaak daqisleém, slahh'amuuhúng alki/iitaak dirós i alé, Mungú a dír guwayrén.

WARA'AMI 62:9

Muu a adór hiinsluú tawo, tam múk ta ilaiwawa/i a tawo sleeme. Iilooeemaaín bira alqoomés i hakwaaiyá', sleémeero dinkwaaro ki islahh ta hiinsluwo.

ISAYA 8:18

Ga/aaweek, aníng nee na/iiká' AAKOÓ MUNGÚ naa haniís a laya nee waa/oo/amo baraá Israeliwo ar amór AAKOÓ MUNGÚ Aleesleemusmoó daáhh, kudá' gawaá tloomár Siyonír hoót.

YEREMIA 16:19

Aá AAKOÓ MUNGÚ, kuúng an /uuruueé', nee koo/ir'eé' ar gawit, kuúng an dír guway'eé' qoomár slahh'amuwo! Xoordaá badu sleémeero awa yaamu nin amoorók i hardihiyá' tawa kaahi, «Baabi'iirén gár taa aál i káhh, aqo har munguaá lama, muruú tawo oo slaasláwár koomaaká.

SEKARIA 3:6

Aluuwo malaykamoó AAKOÓ MUNGÚ Yoshua guri gurbuú' guri báy,

SEKARIA 3:8

Yoshúa, kaahamusmoó úr oo Mungú, iia qaaseek, kuúng nee kaahamuuseedár hatlá' algadiyuusá', asma mukwí a layár ganaa', asma ga/aaweek, aníng sagadiyusmooeé' kudá' ta bay, Halmi ngu huúw.

Luka 2:34

Simeon giri tsuúq, Maria aayír na/aay gari báy, «Ga/aaweegáy, kwí kwa qaás asma awa yaariir niwa huuiya', nee kuqá' niwa sihhiitiya', baraá múk Israeliwo, nee iwa laya tleehhiti ar tar kaangaanuusi,

Tlehhema'aá ya/Abuuse 4:13

Mukdaádá' urén oo doó kwasleema pihh'uumár Petro nee Yohane kawa ár, nee kawa tsaáhh tawa múk aa soomuusiiká, tari waa/oó/. Kari tsaáhh adór mukwí nee Yesu tar dinkwa.

1 Korinto 4:9

Asma án ngi slaá', ateéká' ya/abuuse, Mungú tina alhhe'eesáy qaás adór múk taa sakwasleemuút kuwa tsu/i. Asma atén a adór muruú ta laqaqan dír muu sleémeero, nee tam dír malayke sleeme.