WARA'AMI 71:6 - Biblía Axweesantá Hhohho' ar Mungú 2004

⁶ Án kuúng ugwa haratlintií' iimír tiwa laqwaál, kuúng an kudá' aníng iga dux baraá guruú aayír'eé' wa ale, án kuúng u xirfayeemiís deelo sleémeero.

Ya/abtór hho' 1977

⁶ Án kuúng ugwa haratlintií' iimír tiwa laqwaál, kuúng an kudá' aníng iga dux baraá guruú aayír'eé' wa ale, án kuúng u xirfayeemiís deelo sleémeero.

WARA'AMI 71:6 Iomraidhean Croise

WARA'AMI 22:11

Kuúng dir'eene ma sawesaar, asma slahh'amu ku tseéw, nee heé i alee/iís i kaahh.

WARA'AMI 34:1

Aníng AAKOÓ MUNGÚ u diidi'iimiís qooma sleémeero, inós afkwe'eene u xirfayeemiís daqisleém.

WARA'AMI 40:4

Heé amohhoó' a kudá' AAKOÓ MUNGÚ gu harahhiíf, kudá' nee daara/uuse al'eemaeema'aaká, laqaá kudá' warqawaaká amór munguaá hatlá' ngiwa sluufmiisi.

WARA'AMI 71:14

Ala aníng kuúng un harahhiíf umuú qoomaaro, aníng an kumiít xirfuuwók sleémeero nguwa doogiit.

AXWEESANOÓ SAGALOOA 8:17

Mukdá' sleémeero aníng i slaá', u slaá' sleeme, nee múk i leelehhiít ar ilakaahara i ariyá'.

ISAYA 49:1

Aníng iiárií qaasaré' kuungá' hhapaá sawen, iia qaasaak kuungaá múk sawén, AAKOÓ MUNGÚ ina ateét qoomár aníng niwa baraá guruú aayoórí kaahh, ina umií tsaát qoomár niwa baraá guruú aayor'eéní kaahh.

ISAYA 49:5

Nee hám daxta AAKOÓ MUNGÚ, kudá' aníng iga tleehh iimír niwa baraá guruú aayor'eéní dirii' as tawa sagadiyusmoowós. As múk Yakobo nguwa amoorós i ki/is, nee múk Israeli nguwa amoorós i burumbuur. AAKOÓ MUNGÚ iga ilaiwa/amérí sláy dír geeraawose, nee Munguúeé' an /uuruueé', i axwees,

YEREMIA 1:5

«Iimír qoomár kuúng tuwa tsihiiká baraá guruú aayooro aníng kuúng una xuú', nee qoomár tuwa laqwaaliiká aníng kuúng una hhoohhoeés, una tsawaár as tawa aarusmoó xoordu.»

YEREMIA 3:4

Aqo hamír kilá' iga atetkáhe tawa kat, «Kuúng a baabuúeé', ina slá' iimír tawa na/oó niiná.

Galatia 1:15

Ala Mungú aníng ina tsawaár iimír aníng tiwa laqwaaliiká, iri ateét as gurtleemuuwós, as aníng inós nguwa sagadiyuus.

Efeso 5:20

Nee Mungú Baabá ku sluufmisá' daqisleém as mura' sleémeero ar baraá umuú Aakoorén Yesu Kristo.