WARA'AMI 71:3 - Biblía Axweesantá Hhohho' ar Mungú 2004

³ Kuúng dir'eene masók a tlaa/ár ni gogoow nee baqmór'eé', nee adór koo/ír gawit ar aníng i ba/amis, asma an tlaa/ar'eé' nee baqmór'eé'.

Ya/abtór hho' 1977

³ Kuúng dir'eene masók a tlaa/ár ni gogoow nee baqmor'eé', nee adór koo/ír gawit ar aníng i ba/amis, asma an tlaa/ar'ee' nee baqmor'eé'.

WARA'AMI 71:3 Iomraidhean Croise

WARA'AMI 144:2

AAKOÓ MUNGÚ an tlaa/ar'eé', baqmor'eé' nee gweerusmooeé', dír nahhaatar'eé' nee dír guway'eé', dír naa harahhiíf as kawa saxmaár. Xoordu ngina iialooatís amor'eé' i ale.

WARA'AMI 18:2

AAKOÓ MUNGÚ an baqmor'eé', nee ba/amusmooeé', an Munguúeé' oo ni i gogoow. Inós aníng in baaq adór gaambór wa ale, in aleekalaa/ iri ba/amis, aníng ti saxmaár dirose.

WARA'AMI 18:3

AAKOÓ MUNGÚ u ateét, kudá' hariím xirfayeemisuwo. Adoorihe án i tuu/ dír wakuuser'eene.

WARA'AMI 42:8

AAKOÓ MUNGÚ tlaatla/aango sla'aarirós ar warqawaaká ngi laqán, nee xweeraawo aníng Munguú nir slaaf un firiím, nee un xirfayeés ar daa'aangw.

WARA'AMI 44:4

Kuúng an waawutmooeé' nee Munguúeé', kuúng xwaylár Yakobo baalírií haniiseek.

WARA'AMI 68:28

Mungú, aleesleemuwók kudá' úr laqaameek, Mungú, /uuruuwók kudá' tar gadiyus as atén laqaameek.

WARA'AMI 89:27

Aníng inós un bariismooeé' tleéhh, un waawuti'iimár i haniís ta waawituú daanduú yaamuwo.

WARA'AMI 90:1

AAKOÓ MUNGÚ, kuúng an dír hotaarén awa qari sleémeero.

WARA'AMI 91:9

Asma an kat, «AÁKO, kuúng a dír guway'eé'». Munguúdá' gáwtí dirií' ugwa hotaangók tléhh.

AXWEESANOÓ SAGALOOA 18:10

Umuú AAKOÓ MUNGÚ a koo/ír gawit, Heé hota ganaá' gun i goow, kuri saxamaár,

ISAYA 33:16

Heé adoorí hotaawós i gawaá gawa, dirós tidá' amohhoo' kaa harweér ar koo/ír gawit ar tla/u, muruú /aymaarós kun hanmiis umuú daqto, nee ma'aá wahaangw gi baloó dakuusiiká.

ESEKIELI 9:6

Bariise didár kilá' tiwa tsu/e', daaqaay nee dasuuwo, na/ii nee /ameenaaro. Ala heé taa gitsee/a layár i qaás mu kwatitara'. Dír hota'aá kilá' na giirisaak.» Naagáy bariisedár dír geeraá Doó Mungú kari giiriís.

DABE 33:27

Munguú iimu/ungw wásl an dír guwaywók. Dabaawós kudá' alhhe'eesay wasl un loohisiyá'. Inós wakuuse gan geerawók wa guus, i kaahi, ‹Hhaamiseek.›