WARA'AMI 71:21 - Biblía Axweesantá Hhohho' ar Mungú 2004

²¹ Kuúng ilaiwa/amer'eé' ngin dók, nin amor'eénií kí/ iri gurkwa/ás.

Ya/abtór hho' 1977

²¹ Kuúng ilaiwa/amer'eé' ngin dók, nin amor'eé' i kí/ iri gurkwa/ás.

WARA'AMI 71:21 Iomraidhean Croise

2 SAMUELI 3:1

Har afiqoomaadaá yaariire múk aa barta doó Saulo ay tana kumamiít slaqwaraaro nee múk aa barta doó Daudi ay, ala múk Daudi /uuru gun ak slasláy, Saulo nee múk bartós tan ak slaaqamiit.

WARA'AMI 18:35

AAKOÓ MUNGÚ, án kuúng ina báq nee iri ba/amís, amohhe'eemisuuwók aníng ina ureés, nee ina gawdés ar /uuruuwók.

WARA'AMI 23:4

Aníng tam waaraahha ar baraá giwtír tsaxwaá gwa'ara, muruú tlákw u daimiitaaká, asma kuúng a dinkwa nee aníng. Qadisaywók nee hhartók in gurkwa/amisiyá'.

WARA'AMI 32:10

Heé tlakusmo muxtár yaariir ga sláy. Ala heé AAKOÓ MUNGÚ gu harahhiíf kwaa harweér ar sla'aarír warqawaaká ar AAKO.

WARA'AMI 72:11

Kár ee, waawitá sleémeero ngu ilaiwaa/iye', nee xoordu sleémeero ngu sagadiyuusiye'.

WARA'AMI 86:17

Aníng layár hhooeemaawógií laqaamáng, kudá' aníng i ahhiitá' layaarí ngi ariye' nee ki mureekeesi. Asma AAKOÓ MUNGÚ, aníng kuúng iga alee/ís nee iga gurkwa/ás.

ISAYA 12:1

Baalaadae kuúng an o', «AAKOÓ MUNGÚ án kuúng u sluufmiís, asma tam geeraawo aníng iga i buuhhi, buhhtaawók iga meér, nee aníng iga gurkwa/ás.

ISAYA 49:13

Kuungaá doóri daaé' ar qwala/, kuungaá yaámu xirfayeemisé' kuungaá tlóm'i baraa/é', asma AAKOÓ MUNGÚ mukós gwaa gurkwa/ás nee mukós kudá' aa slahhahhaa' gwaa gurtláy.

ISAYA 49:6

i kaahi, «A gár ló'wa niina kuúng tawa sagadiyusmooeé', oo tlahh'aá Yakobo gi gáwtí tleés, nee mukdá' aa meet oo Israeli nguwa ki/is. Ala aníng kuúng sleeme un gwa/aateemaá xoordu tleéhh, as ba/amar'eé' iwa hardat ay ku/uyaá yaamu.»

ISAYA 9:7

Axweesanoó aleesleemuú koóm nee wayduuwós i alhhe'eesoó kon'aaká, baraá kitángw Daudi oo Aleesleemu nee waawuti'iimarós, Gin gawdees nee gin kumitiis ar sakwasleemár ganaa' nee hotaá ganaa'á', iimír hamí ay alhhe'eesay wasle. AAKOÓ MUNGÚ Aleesleemusmo adoorí gan tleehh.

2 korinto 2:14

Ala Mungú i xirfuuti, asma inós atén tin geeraharahaar arba/ati kawa slaslawaan deelo sleémeero baraá Kristowo. Nee inós atén tin ar gadiyuus as kangós kuwa tsiyaayaaxi umuúqo diiro, adór mooyángw tsuú' wa ale.

2 korinto 7:13

Gaarí an gár atén tisa gurkwa/amís. Ala a tí kiloseeká. Atén ana ló'wa qwalaa/aán, asma adoodá' Tito iwa qwalaá/. Asma kuungá' sleémeero Tito ngwa ló'wa gurkwa/asé' baraá muunaáwose.

2 korinto 7:6

Ala Mungú, kudá' múk aa haleeleeiit gu gurkwa/amís, inós atén tina gurkwa/ás as adoodá' Tito niwa hardáh.

1 Tesalonike 3:9

ilahhooár bu'uút oo ta Mungú i haniisaan as kuungá', dír kway leehhaan a xuanaaká, nee as qwal/uudá' yaariír oo ta koomaan dír geeraá Munguhe as kuungá'.

Geehhoeemaá 11:15

Malaykamoó faanqw tarumbeéta gari ufaáhh. Afór yaariir iri gawaá doorí wa ilawáts, iri ó', «Waawuti'iimár baraá yaamu daxta ar Aakoorén nee Kristowós. Nee inós a waawutmo ay alhhe'eesay wasle.»