WARA'AMI 7:15 - Biblía Axweesantá Hhohho' ar Mungú 2004

¹⁵ Bohoongw gun baráy i foola hhe'ees, ala inósuú kilá' in baraadí /eet.

Ya/abtór hho' 1977

¹⁵ Bohoongw gun baráy i foola hhe'ees, ala inósuú kilá' in baraadí /eet.

WARA'AMI 7:15 Iomraidhean Croise

ESTA 7:10

Naagáy Hamani kway gawaá xa'anoodií tarereé', kudá' geeraawo aa amohhe'eés as Mordekai. Buhhtaá waawutmo nay tsauyé'.

YOBU 15:35

Kuká' al/ayma ngi tsihiyá' nee tlakweema ngin laqwaliyá', baraá muner'ine gár hatlá' i káhh aqo har lameemo ngin qoomeemeesiyá'.»

YOBU 4:8

Adór aníng ngir xua, heé baraá slafiingose tlakweema nee muruú slasla/arén tleehhaahhiít, gár i slay baraá slafiingose aqo muruusuú kilá'.

YOBU 6:27

Kuungá' bar ana qitlé' panaay kuwa tsuwa tlaxuunda', mulqerhúng ala bar sleeme an weeramisá'.

WARA'AMI 10:2

Heé tlaákw baraá daara/angose, heé liitlaákw gun gusisín, xaa inós /aytarós ngu saki/.

WARA'AMI 119:85

Múk daara/aám baa'ár ir oohiya' nga fooliyé', inooín a múk dabeerók ga gaárí xuaaká.

WARA'AMI 141:10

Tlakuuse i pahh baraá tsaaxweelay'ín kuduú kilá', qoomár án bar aga waaraáhh ar saxareema.

WARA'AMI 57:6

Tsaaxweeli kana qaás as tiwa ya'a' oohi. án nay ló'wa gurhaamuút, bohoongw ngwa dír geeraaeé' fooliyé', ala inooíná kilá' nay baraadí /eetiyé'.

WARA'AMI 94:13

Kuúng un hungu/uumií hanís deelór slahh'amaayeero ay dír bohóngw heé tlaákw gu óh, foolaaro kway hhe'eesi.

AXWEESANOÓ SAGALOOA 26:27

Heé bohóngw foliít as heé hatlá', inósuú kilá' gun oh, Nee heé tlaa/ár gwangwara'aám inós gu harakí/.

AXWEESANOÓ SAGALOOA 5:22

Heé tlaákw kun oh nee tlakweemaawós awa kilá', kun oh nee him'ér dakuúsarós tidár kilá' i tlehhaahhiti.

ISAYA 33:11

Muruuhúng sleémeero oo taa qoomaamesé' a adór muundáy, nee gár ta sleera baraá muruuhúng kwisinge a slaapú, hiinsluuhúng an asltá kuungá' nu /aay.

ISAYA 59:4

Heé muruú ganaá' gu iinuús i kaahh, heé kwasleemár tlehhiít ar inkihhimu i kaahh, axweesanoó tawo ngun harahhifiyá', kuungá' lameemo in axweemaamisá'. Kuungá' tlakweema in qoomaamesá', nee tlakweemaahúng i laqwaliná'.

YEREMIA 18:20

Xáy, hhooeema kin búi ar tlakweema? Ala iga bohóngwí fooliyé'. Inslaweek adoodá' aníng kuúng uwa firiím, as kiwa gár hhoó' i tlehh, mikiwa sláy nee buhhtaawók.

DANIELI 6:25

Aluuwo waawutmo Dario barwiito'o gari gooín amór tlahh'aá muu sleémeero nee xoordu nee tsifri sleémeero, «Aníng kuungá' nu wayduú úr i slaá'.