WARA'AMI 69:9 - Biblía Axweesantá Hhohho' ar Mungú 2004

⁹ Sla'aarír do'ók i hamís baraaeene, tí slafingw'eé' gu ar ti'ít, nee niqaydá' kuúng tur niqimisi aníng iga sláy.

Ya/abtór hho' 1977

⁹ Sla'aarír do'ók i hamís baraaeene, tí slafingw'eé' gu ar ti'ít, nee niqaydá' kuúng tur niqimisi aníng iga sláy.

WARA'AMI 69:9 Iomraidhean Croise

1 WAAWITÁ 19:10

Eliya iri oó', «AAKOÓ MUNGÚ, Munguú Aleesleemusmo, aníng da/i ina ló'wa ót as kuúng, nee as múk Israeli kudá' alqadoorók gaa sii', kiteeriwók kudaá ilahhooa ngaa fee/iyé' nee aaruuserók sleémeero ngaa tsu/iyé'. Aníng kilooeé' ana meét, slám hamí i gaasár wa slaiyá'.»

1 QOM'I 29:3

Dinkwa nee tí sleémeero naa haniisi as do'owí hhoohhoó', aníng sahaábu u koóm nee muqslár peesaaro. As doó Munguúeé' nguwa slaa', muruuwí an kwe'eé' nu kilá', aníng un haniisi as doó Munguúeé'.

YOBU 19:13

Mungú hhaee'eé' gaa amór saáwí qaás, mulqer'eé' ar slahhaa' iga geexeér.

WARA'AMI 119:139

Sla'aarír axweesantók án i tliw/iín nee an qa/imiít, asma wakuuser'eé' axweesantók ga gaárí xu'uká.

WARA'AMI 38:12

Mukdá' aníng i gaasár wa slaá', tsaaxwel kun qamín, kudá' aníng i gár tlaákw ar sla'á' ta qwaareesar'eé' axwees, nee tlaatla/angw sleémeero ta lohaá aldakuut awa adór tir dahhi.

WARA'AMI 89:41

Muruuwós kun fisiisín nee múk didár waaraáhh, kun niqimis nee inslaawaywós.

Rumi 15:3

Asma Kristo sleeme taa kilós sla'atisiiká. Ala inós gooirí gana boo/eés, tí kah, «Niqimisuudá' kuúng tura niqimís nee muu, aníng una sláw.»