WARA'AMI 69:29 - Biblía Axweesantá Hhohho' ar Mungú 2004

²⁹ Anuú slahhahhaá' nee oo aga mune sii', Mungú, án /uurií qaasáng nee ba/amisáng!

Ya/abtór hho' 1977

²⁹ Anuú slahhahhaá' nee oo aga mune sii', Mungú, án /uurií qaasáng nee ba/amisáng!

WARA'AMI 69:29 Iomraidhean Croise

WARA'AMI 109:22

Aníng a narkutmo nee oo gaa wásl, taa slahh'eés ay baraá muunaáeé'.

WARA'AMI 109:31

Asma inós heé gaa wásl gun aleekal/án, as nguwa tu/i dír mukdá' gwaa sakwasleemár gwa'arár i tsati.

WARA'AMI 18:48

Ina ba/amís dír wakuuser'eene, AAKOÓ MUNGÚ, kuúng arba/ati ngina hanís dír kudá' aníng i tlaampa'amisa'a, iri báq dír kudá' xaraasla.

WARA'AMI 20:1

AAKOÓ MUNGÚ u mu/aywatsi deelór slahh'amko. Munguú Yakobo kuúng u de'en,

WARA'AMI 40:17

Aníng a liitlakusmo nee a heé gaa wásl, ala AAKOÓ MUNGÚ in sa daawimiit. Kuúng a alee/isusmooeé' nee gweerusmooeé'. Munguúeé', kuúng mindi tligaar!

WARA'AMI 59:1

Munguúeé', aníng tu/áng dír wakuuser'eene, baqáng dír kudá' naa amor'eéní haratlay'i.

WARA'AMI 70:5

Ala aníng a liitlakusmo nee a heé gaa wásl. Mungú, amor'eé' gaansluutang, kuúng an alee/isusmooeé' nee gweerusmooeé', AAKOÓ MUNGÚ, kuúng mindi tligaar!

TI'INAANGW 32:33

Ala AAKOÓ MUNGÚ Mose guri báy, «Umuúqo heé aníng iga tlakweemaá i tleehh, an kudá' aníng ni fiits baraá kitaábuueene.

YEREMIA 17:13

AAKOÓ MUNGÚ kuúng a harahhifór múk Israeli, kudá' kuúng ugwa si'iye' sleémeero ki mureekees. Kudá' kuúng ugwa geexaye' a adór umér taa gooín baraá hhape. Asma kuúnguú AAKOÓ MUNGÚ una si'iyé', kuduú kutltá ma'aá slafiingw.

Matayo 8:20

Yesu iri oó', «Intsaawe i mar'ór koón, nee tsir/o i maray'ín koón, ala Garmoó Hee tam dír sagós nguy qaasi i káhh.»

2 korinto 8:9

Asma kuungá' gurtleemuú Aakoorén Yesu Kristo u xuá' adór inós geeraawo ta daqaarmo, ala iri narkutmo tleehhiít as kuungá', as kuungá' tawa daqaari'ita' ar narkuuwós.