WARA'AMI 68:27 - Biblía Axweesantá Hhohho' ar Mungú 2004

²⁷ Benyamini a tlahhoó niiná in giirín, aluuwós geeraharuusér hhay Yuda nee muk'ín, aluudá' tari geeraharuusér Sebuluni nee ar Naftali.

Ya/abtór hho' 1977

²⁷ Benyamini a tlahhoó niiná in giirín, aluuwós geeraharuusér hhay Yuda nee muk'ín, aluudá' tari geeraharuusér Sebuloni nee ar Naftali.

WARA'AMI 68:27 Iomraidhean Croise

IIMU/UUNGW 42:32

Atén una bawaán, ‹Atén a hhaee, dír baabuúrene atén daaqaywo a mibaá nee tsár. Ala oo wák i kaahh, nee hhiyaarén kudá' niiná i amór baabií dirii' laarí baraá yaamaá Kana'ani.›

2 SAMUELI 3:19

Abneri ina axweés sleeme nee múk Benyamini, iri tláy ay Hebroni as kangwdá' nguwa ooár ay dír Daudi, kudá' taa al'axweés nee múk Israeli sleémeero nee múk tlahhoó Benyaminiwo as kuwa tleehhi.

1 QOM'I 12:16

Múk tlahhoó Benyamini bahh'ale nee oo Yudawo tana amór Daudi káy baraá koo/idá' gawit.

1 QOM'I 12:29

Múk Benyamini hha'aá Saulo a kume tám, ala múk yaariír oo Benyamini ku inkihhím dír múk doó Saulowo.

1 QOM'I 15:3

Daudi múk Israeli sleémeero guna burumbuúr Yerusalemu, as sandakmoó AAKOÓ MUNGÚ kuwa huwi didá' inós aa amohhe'eés sandakmoó wa ale.

1 QOM'I 27:12

Geeraharusmoó baalaqaasír gwaleél oo slahhángw gwaleél a Abieseri oo Anatotír daáhh, heé tlahhoó Benyamini, mukós a kume mibeeri tsár nee tsiyáhh.

WARA'AMI 26:12

Aníng aga sihhiít dír amohhoo', AAKOÓ MUNGÚ u diidi'iimiís baraá dinku'uumár yaariire.

WARA'AMI 47:9

Geeraharuusér múk xoordu ta burumburiit dinkwa nee múk Munguú Abrahamu, asma /uuruú daanduú yaamu sleémeero an oo Mungú, inós aa ló'wa iia tleerúy!

WARA'AMI 60:7

Gileadi a te'eé', Manase a kwe'eé', Efraimu a baqmór sagw'eé', Yuda a hharte'eé' ar waawuti'iima.

ISAYA 11:13

Da/itá Efraimu i fák, nee kudá' Yuda ngu dae tlaaqá' ki amór saáwí hingees, múk Efraimu i tloomaatlonká as múk Yuda, múk Yuda oo Efraimu gu daetlaaqiiká.

ISAYA 48:1

Iia qaasaak doó Yakobo, kudá' taa umuú Israelí tsaát, kuduú xwaylár Yuda. Kuungaádá' lo'ór /ayá' ar umuú AAKOÓ MUNGÚ nee kuungaádá' Munguú Israeli ngu tawo afeérár kaahá', ala ar looeemaawooká laqaá ar adór gana'aaká.

FAARO 34:21

Baraá tlahhoó Benyaminiwo a Elidadi garmoó Kisloni.

HAR'OHUUSE 20:35

AAKOÓ MUNGÚ múk Benyamini gway muúx geeraá xoorór Israeli wa ale, xoorór Israeli hhawaataá kume mibeeri tsár nee kooán nee tsiiruú wák awa Benyamini kina hhaamiís baalaadae, kuká' sleémeero slaqwara ngi baaliyá'.

HAR'OHUUSE 5:18

Ala tlahhoó Sebuluni a múk hhiintleemoín gaa lak tsiqiit as slaqwara. Nee tlahhoó Naftali tsaxwa kina wa /akumiít baraá slaqwarár wa ale.

1 SAMUELI 9:21

Saulo iri oó', «Xáy, aníng oo hhay Benyaminiwóke, tlahhayrén ku iia tleereeká baraá xoorór Israeliro. Slám múk guruú doorén ku niinawekáhe baraá tlahhoó Benyaminiwo? Asma milá ala gár isa adoosíng beér?»