WARA'AMI 68:2 - Biblía Axweesantá Hhohho' ar Mungú 2004

² Adoodár quui kar fukuku'uumisi an adoodá' inooín kir guusi, adór boohhayaangw ir weeqaweeqi dír bihhaá aslto, an adoodá' tlakuuse ir qwat geeraá Munguhe.

Ya/abtór hho' 1977

² Adoodár quui kar fukuku'uumisi an adoodá' inooín kir guusi, adór boohhayaangw ir weeqaweeqi dír bihhaá aslto, an adoodá' tlakuuse ir qwat geeraá Munguhe.

WARA'AMI 68:2 Iomraidhean Croise

2 SAMUELI 10:13

Naagáy, Yoabu nee mukós tana geerií hi'iít as tawa slaqwi nee múk Aramu, múk Aramu iri geeraaín wa goów.

2 SAMUELI 10:18

Ala múk Aramu kuri baál, iri goów geeraá múk Israeli wa ale. Daudi múk Aramu oo tsiire faanqw guri tsuú/, kudaadá' gaardaá slaqwarár madiitá'. Nee kudá' faras ngwa tsa/ane' a kume mibeeri tsiyáhh oo aa tsuú/. Sleeme geeraharusmooín kudá' úr oo slawtá slaqwara, kudá' ta bay Shobaki, guri muút iri slahhaá', iri didár kilií gwaá'.

WARA'AMI 22:14

/Uuruueé' ina faák adór ma'aá naa ku'uutiye', fadueé' nay kwirhhimitiyé'. Muunaáeé' iri weéq baraaeene adór boohhayaangw.

WARA'AMI 37:20

Ala kudá' tlakw i qwaariyá', kudá' AAKOÓ MUNGÚ ngwa aahhiye' nin kahiyá' adór /ayór wa ale, nay ilaá wa qwaariyá' adór quuír wa ale.

WARA'AMI 76:7

Ala kuúng an dae tláq, kuúng kilók, kuúng bar aga búhh, heé sihhiít dír geeraawoge a heemá?

WARA'AMI 80:16

Muu gaa tsaát gari daá/ ar asla, kuúng inooín hhaamiseek.

WARA'AMI 97:5

Tlom'i niri weeqiyá' adór boohhayaangw dír geeraá AAKOOWO, dír geeraá Aakoó Munguú yaamu sleémeero.

ISAYA 33:3

Muu in ta'aaín as xuuraaír afoorók, xoordu nin diyaa/atiyá' as sihhtanoorók.

ISAYA 64:2

Adoodá' asla xwaansláy ngur /aa/ak, nee adór asla ma'aay ngir dahhamaamis, as umuuwók kuwa tsaahhi nee wakuuseerók nee xoodu ni daaraxatiye' kuúng bura ariyé'.

ISAYA 9:18

Tlakweema na oohiyé' adór asltá fuquroó /aay nee laqayaawo, adór asltá baraá gara, quuír ilo' in gáwtí tsa/a/aán.

YEREMIA 46:15

Ahaá a milá, Munguúwók kudá' ta bay Apis misa /akuút? Inósuduú adór awu mis sihhmitiiká? Asma kuna yaamií daáhh nee AAKOÓ MUNGÚ.

HOSEA 13:3

Gawaá adoorihe inooín tan ilaá wa qwaar adór tlaanguú matlaatle, nee adór har'ú gaanslár paáhh, nee adór muundoó fur'a ir tlatleer dír kitángw haritleemisuwo, nee adór quuír pa/ángw ar ti'imiit.

MIKA 1:4

Tlom'i gay ya'ár weeqatis adór boohhayángw bihhaá ásltí dirií'. Xatso nay feehhamiitiyá' adór ma'aá hhaahháy.

FAARO 10:35

Umuú daqto qoomár sandakmo bur ku ar tlatláy Mose in ooi, «Aá AAKOÓ MUNGÚ, tlawáng wakuuseerók diya/eek, nee kudá' u ahhiitá' i geeraawók wa guwiye'.»