WARA'AMI 68:18 - Biblía Axweesantá Hhohho' ar Mungú 2004

¹⁸ Kuúng aga gáwtí tsa/aán, múk yaariír ugwa haasaáng wa húp. Qeemu ugwa sleér dír múk wa ale, eeít, tam mukdá' aa dee/aanuut ugwa qáy sleeme, AAKOÓ MUNGÚ i tla/angw'ín wá hoot.

Ya/abtór hho' 1977

¹⁸ Kuúng aga gáwtí tsa/aán, múk yaariír ugwa maraandór wa húp. Qeemu ugwa sleér dír múk wa ale, eeít, tam mukdá' aa dee/aanuut ugwa qáy sleeme, AAKOÓ MUNGÚ i tla/angw'ín wá hoot.

WARA'AMI 68:18 Iomraidhean Croise

2 QOM'I 6:18

Ala Mungú, kuúng aqo tsuwa hóta baraaká daanduú yaamuwo dinkwa nee muu? Bar doori nee dooriidá' gáwtí saawá' in bu'umitiaaká, xáy, do'owí aníng naa tleéhh adór ir bu'uuti?

WARA'AMI 110:1

AAKOÓ MUNGÚ iri oó' dír Aakooeé', «Iwiít bihhaá dakw'eé' oo doó /iyáy, ay dír wakuuseerók ngay qaas baraá tsa/aá ya'aawók.»

WARA'AMI 24:3

«A heemá oo tsa/ám gawaá tloomár AAKOÓ MUNGÚ? A heemá oo sihhiít dirós tidá' hhoohhoo'?»

WARA'AMI 47:5

Mungú aa tsa/án gawa ar bara/, AAKOÓ MUNGÚ aa tsa/án ar afór tarumbeéta.

WARA'AMI 7:7

Xoordu i burumburitiye' kuúng u harweeriye', kuúng ki sa waawuti'iín gáwtá wa ale.

WARA'AMI 78:60

Hotaarirós ar baraá Shilo gari máy, tooaáng xaftós iwa baraá tla/ángw muu.

ISAYA 55:7

Múk Tlákw lohduuín kudá' tlakw ki may, nee kudá' hota gana'a'aaká inslawoó tlákw ku may. I amór AAKOÓ MUNGÚ i ki/iye', inós gi gurtláy. I amór Munguúrén kaye', asma inós gurtleemuuwós ku yaariír.

ISAYA 57:15

Asma adoorí an adoodá' kuduú gáwtí dirií', kudá' xiríf, kudá' hotaatiím ay alhhe'eesay wasle, kudá' umuuwós ta bay Oo hhoohhoó' i kaahi, «Aníng dír ni hoot a didá' gáwtí dirii', didá' hhoohhoo', slam a dinkwa nee kudá' aa hhu'uu'un, nee oo tsatsaa'aár baraawose. Asma kahhó' qeereemaá múk tsaén ngiwa slafis nee munér mukdá' aa hhu'uu'un ngiwa slafis.

ESEKIELI 48:35

Tlenángw koo/irí sleémeero bihhe tsiyahhaawo a miíta kume gweleél. Umuú gixsa iimír hamí ku báy, ‹AAKOÓ MUNGÚ i diirí dirii'.› »

Yoeli 2:11

AAKOÓ MUNGÚ in tsee' ar afór ur dír geeraá slawtá slaqwaruuseerós wa alé. Asma slaqwaruuseerós ka ló'wa yaariir. Heé axweesantós ga boo/eemiís a pihhusmo. Deelór AAKOÓ MUNGÚ ka ur, slám i dae tláq. Heé deeloorí ga qiítl a heemá?

Matayo 9:13

Ala tlawsé', gídaabár /aymi'iiká' aldakuutaak, ‹Ilahhooár muruú ta tsu/i a sla'aaká, ala gár ni slaa' a gurtleemu.› Aníng naa hardihiiká asma múk hota ganaá' nguwa ateetiim, ala a múk tlakuuse.»

Marko 16:9

Bál Jumapíli matlaatleero Yesu iwa waasleé/, heé aa geerií harati'iít a Maria Magdalene, tidár aáng neetlaamér faanqw ngiwa duxún.

Luka 24:47

Nee sleeme kaa gooín tawa kaahi, ‹Kaangwí ku alki/iit ar umuueé' dír xoordu sleémeero tawa kaahi, hhu'u'uumé' as gurtleemuú tlakweema kuwa sleera'.› Kaangwí dír kuwa iimu/un an Yerusalemu.

Luka 24:49

Nee ga/aawaagáy, Kudá' Baabuúeé' naa al'axweés aníng ngu amorhúngí ya/aáw. Ala kuungá' iwiwiité' baraaká' gixsarí wa ale, ay dír /uuruú gáwtá daáhh kway sleera'.»

Luka 24:51

Qoomár inós ngiwa tsuuqun, tiri paraátl dir'ine, kurira tláy gawaá doori.

Yohana 14:23

Yesu iri oó', «Hee bar aníng i slaa', axweesante'eé' ga oh, nee inós kway slaa' nee Baabuúeé'. Aníng nee Baabuúeé' nay hardahaán amoorós, hootaarén kiri baraawósí tleehhaán.

Yohana 16:7

Ala ar aníng ni dirhúng i oo' ar ló', ‹Dirhunge a tsiní án barnaxes aga tláw. Asma aníng bara tlawiiká, Alee/isusmo i amorhúngí hardihiiká. Ala bar án aga tláw, án ngu amorhúngií ya/aáw.›

Tlehhema'aá ya/Abuuse 2:23

Heewí kunguna haniís dirhúng, adór Mungú baraá xu'utirose ngira qoomeés iimír iimu/úngw wa ale. Kuungá' kuri kikié' ar dabaá múk tlákw, kuri gasé'.

Tlehhema'aá ya/Abuuse 2:4

Sleémeero kiri hatsiís Qeeruú hhoohhoó' oo Munguhe. Tari axweés ar tsifrír dimbadimbé, adoodá' Qeeru ngira aleesleemuú i haniís ilawatsto.

Tlehhema'aá ya/Abuuse 9:17

Anania iri tláy, iri baraá do'dí dáh. Saulo guri dabií qaás, iri oó', «Hhiyaaeé' Saúlo, Aako Yesu, kudá' taa dirógí geehhooees baraá loohidá' nira hardati aníng iga ya/aáw, as ilaawók niwa male qaytsitiya', nee tuwa hatsisi Qeeruú hhoohhoó' oo Munguhe.»

Rumi 5:8

Ala Mungú inósuú kilá' sla'aarirós ngina laqán dirén i aleeró asma Kristo ina gwaá' as daandeemoorén qoomár atén tawa tlakuuse.

2 korinto 6:16

Slám Doó Munguú nee munguaá hatlá', adór tir slaslaya' a adoomá? Asma atén an Doó Munguú kudá' slaáf. Asma Munguú ina oó', «Aníng a baraaín wa hoót, nee nay baraá tla/angw'ín wa hi'iimiít. Aníng tari Munguúín, nee inooín tari muk'eé'.»

DABE 33:2

Ina oó', «AAKOÓ MUNGÚ amór tloomár Sinai ngina daáhh, tina amór tloomár Seirír wa harati'iít, tina amór tloomár Paranír wa i gwa/aát, nina baraá tla/ángw malaykér yaariír wa ti'iít, nee asla ina ót gawaá dakós oo doó /iyáy wa ale.

Kolosai 2:3

Sagalooár Mungú sleémeero nee xu'utirós sleémeero i baraá Kristo i dirí'.

Kolosai 2:9

Asma Mungú nee munguiimarós sleémeero i baraá Kristó wa hoot, gídaabá baraá slaqwtós.

Ebrania 1:3

Inós an miiraa/ór xirfuú Mungú, nee an slaqsoó Munguú kilá'. Inós mura' sleémeero gun amohhe'eemaamiis ar axweesantós tidá' aleesleemuú koom. Tlakweema hamaatlaro ngiwa hhe'eés, iri iwiít dákw doó /iyáy oo Munguú Aleesleemusmo gawaá dooriiwo.

Ebrania 4:14

Gawaá adoorihe atén haratlintaaoorén tidá' ta koomaan masók an ló'wa oohaán. Asma atén kaahamusmoó úr oo Mungú u koomaán. Inós aa waaraáhh ar tla/ángw doori ay dír geeraá Mungú. Inós an Yesu, Garmoó Mungú.

Ebrania 6:20

Yesu ina dáh baraadí alé tawa heé giiriím dír atene, nee tawa saayusmoorén. Asma inós an kaahamusmoorén ar adoodár Melkisedeki ay alhhe'eesay wasle.

Ebrania 8:1

Gár ak ur baraá muruuwí taa axweesani a tí, atén kaahamusmoó úr oo adoorí hamí u koomaán. Inós aa iwiít dákw doó /iyáy oo kitángw aleesleemu oo Munguúduú aleesleemuú koóm dooriwo.

1 Petro 3:22

Inós ina tsa/án gawaá doori, iri iwiít dákw doó /iyáy oo Mungú. Malayke nee kudá' aleesleemuú koomá' nee kudá' /uuruú koomá' kaa gawaá dabaawósií qaás.

Geehhoeemaá 1:20

Lu/aaroó tsatse/uudá' faanqw, kudá' kuúng taa aán baraá dakw'eé' oo doó /iyáy, nee oo kiteeridá' faanqw awa sahaábu awa tsaa'asór koomá', gídaabárós a tí: Tsatse/uudá' faanqw a malaykér múk kríshaanáyduú baraá gixsadaá faanqw. Nee kiteeridá' faanqw awa tsaa'asór koomá' a múk kríshaanáyduú baraá gixsadaá faanqw.»

Geehhoeemaá 21:3

Aníng afór ur ngiri axaás ar baraá kitangwduú aleesleemuú daahh. Afoorí i kat, «Ga/aawaak, hotángw Mungú dír i dirii'i a dír tla/ángw muu. Inós iri hoot tla/angw'ín wa ale, nee inooín tari mukós. Nee Mungú inósuú kilá' tari dinkwa nee inooín.

HAR'OHUUSE 5:12

«Tlawáng, tlawáng, kiíng Debóra. Tlawáng, tlawáng daa'aangw daaeek. Tlawáng, kuúng Baráka garmoó Abinoamu, haasaánguuwók ar tlaweek.