WARA'AMI 68:13 - Biblía Axweesantá Hhohho' ar Mungú 2004

¹³ Ala tam muu bahh'alé ta áykwí meeti deeloodár slaqwaraaro, ala murslaaqatuduú hhooki oo hhampe'eeriwós taa tleéhh ar sahaábu, i gwa/aat.

Ya/abtór hho' 1977

¹³ Ala tam muu bahh'alé ta áykwí meeti deeloodár slaqwararo, ala murslaaqatuduú hhooki oo hhampe'eeriwós taa tleéhh ar sahaábu, i gwa/aat.

WARA'AMI 68:13 Iomraidhean Croise

IIMU/UUNGW 49:14

«Isakari a adór daqoó /uuruú koóm, oo aa qaat baraá tla/ángw slumtá bee/aangw.

2 WAAWITÁ 7:16

Múk Samaria tari tláy, tari dáh baraá xafoó múk Aramu. Adoodár kilá' AAKOÓ MUNGÚ ngira oó', kílór kooán ar puurú hhohhó' oo angaáno kana weerimiís ar shekeélír wák nee kílór mibaangw ar shayiíri kana weerimiís ar shekeélír wák.

WARA'AMI 105:37

Aakoó Mungú múk Israeli guri geerahaár tawa ti'iiti baraá yaamudae, nay tlayé', i peésár koná' nee sahaábu, sleémeero ki slaqo hho', i /uuruú koná'.

WARA'AMI 149:4

Asma AAKOÓ MUNGÚ mukós gu sa qwalalaa/. Múk tsaén gun parootuus ar arba/ati.

WARA'AMI 74:19

Hhintluú hhookirók mu dír makiito'ór xaraáslí haniisaar, mukók kudá' taa slahh'eemiís mu gunqareesaar!

WARA'AMI 81:6

Huwaá gawaá suumarók ina aweeriís, lakwantír gawaá dabaawók ngiri hingeés.

TI'INAANGW 1:14

Slafingw'ín iri tlií/ as gadiyér gawit ar ki haniís, ar busla nee ar matofaáli tlehhit, nee gadiyeé sleémeero ar qamu. Baraá gadiyeduuká' sleémeerowo múk Israeli kuna /uurutís baraá gadiyeé ar gurtleemu wasle.

ISAYA 33:23

Kuungaá Siyoni, him'erhúng i sololo'ót, dabér do' tseegaro ga alesleeraaká tam ngiwa bihheérí ot, an qoomár muruudá' tinda haasaáng wa hayóh kuwa qasmiisi, tam toqooráy sleeme muruuda' gun sláy.

FAARO 31:27

Haasaáng qasisaak baraá bohhaá tsár, boohhár wák ar slaqwaruuseedá' slaqwarár daahh, nee boohhár tsár ar dinku'uumár múk Israeli sleémeero.

Luka 15:16

Garmaadá' qafoodá' baynu i /ayiya' giri slaá' ngiwa qwarkós ar tsaeemisi, asma heé gwa gaárí haniis i kaahh.

Luka 15:22

Ala baabá lawaaleerós gari báy, ‹Inqwaarír hhoo' huwaare' ar gaanslaay, tsiitisaak, dakós mungáy qaasaak, ya'a' ya/atáy dahaasaak.

1 Korinto 12:2

Kuungá' a xuá', qoomár kuungá' tawa pakaanáy. Qoomaadae kuungá' ana ya/aandé' tunduwa huwahuwi nee mungi'iidá' afe waslen, kudaá murslaaqat, adoodá' kuungá' tundura geeraharahaár.

Tito 3:3

Aáng atén sleeme a daktana, slám a múk iawásl. A múk aa qwaar, nee atén a lawaalér ilatleeri nee qwal/uú dimbadimbé. Atén ana hootaán baraá tlakweema nee da/i, muu una buhhtimisaán, nee nguri ahhitaán.

YOSHUA 10:16

Waawitaáwí kooán oo múk Amori ina goów, iri nahhaát baraá mar'ír Makeda.

HAR'OHUUSE 5:16

Gár nisa meetiyé' baraá maray'íní ale a milá? As /aa/aá bee/aangw ngiwa axamisiía? Ala baraá tla/ángw tlahhoó Reubeniwo babaqaamis ku úr.

HAR'OHUUSE 5:19

Waawitá ina slaqwarár áy, an qoomár waawituú Kana'ani iwa slaáqw nee xoorór Israeli baraá Ta'anakír wa ale, afaá kutltá Megido. Tam haasaánguú peésa oo taa sláy i káhh.