WARA'AMI 68:1 - Biblía Axweesantá Hhohho' ar Mungú 2004

¹ Mungú ni tláy, wakuuseerós in diyaaya/át, inooínaadá' ngu ahhiitá' ngu ilagoowiyá'.

Ya/abtór hho' 1977

¹ Mungú ni tláy, wakuuseerós in diyaaya/át, inooínaadá' ngu ahhiitá' ngu ilagoowiyá'.

WARA'AMI 68:1 Iomraidhean Croise

2 QOM'I 6:41

Aa AAKOÓ MUNGÚ, daxta tlawáng sihhiitáng, dáh dirók tidá' tay hungu/us, kuúng nee sandakmoowók oo alqado kuduú /uuruuwók. Aá AAKOÓ MUNGÚ, masók kaahamuuseerók ba/ama ga sleér, mukók kudá' inkihhím i baraá hhooeemaawók wa qwalaala/iye'.

WARA'AMI 21:8

Waawutámo, kuúng wakuuseerók sleémeero a ohiín, dakók oo doó /iyáy kudá' kuúng u ahhiitá' gi ohín.

WARA'AMI 44:26

Tlawáng, qwaláng ti alee/is! Atén ti ba/amis ar sla'aarirók ar warqawaaká!

WARA'AMI 59:11

Wakuuser'eé' ma tsu/aar, aluuwo muk'eé' miwa gunqaruút. Diyaa/eek ar aleesleemuuwók nee kiwa slahhe'es, aá Mungú, kuúng an baqmoórén.

WARA'AMI 68:14

Qoomár Munguú Aleesleemusmo waawitá nguwa diyayaá/ amorqí alé, fadaá muu nina suwaahamiitiyé' adór tluwoó tlaa/e ina tluúw gawaá tloomár Salmon.

WARA'AMI 68:30

Geeraharuusér xoordaá hatlá' tidár adór makaá baraá sla/a iigahhaateek, xoordaá uren awa /uuruú koomá', adór boohhár yaqaambe nee daqtá /uuruú koom ar tsa/eeto, muxaaximeek ay dír iiaaín nay faxaatiya', nee ay dír peésa ngi haniisiya', kudá' slaqwarár sla'á' tsiyayaxeek.

WARA'AMI 89:10

Kuúng dayshamoodá' ta bay Rahabu una naasuúr, ar /uuruuwók kudá' ta koonda, wakuuseerók ana arbá/.

TI'INAANGW 20:5

Kuúng slaqsi'iidá' mi i tumbarara'amitaar, laqaá mi sluufmisuú awaar, asma anuú AAKOÓ MUNGÚ, Munguúwók, a Mungú da/tá koóm, kudá' li/oó tlakweemaá xwayliité tidá' aníng i ahhiit gu dír na/ii'ín buú' tam ay nángw sagaáwa tám laqaá ay tsiyáhh.

ISAYA 33:3

Muu in ta'aaín as xuuraaír afoorók, xoordu nin diyaa/atiyá' as sihhtanoorók.

ESEKIELI 5:2

Ala gixsár Yerusalemu barka hhe'eés harweeraro, ufuú wák oo se'eengók, baraá ufeedá' tame, da/eek baraá gixsár i alé. Ufuú hatlá' paángaro tlaaqeek, gixsa tir harwet. Ufuú tám kuduú alhhe'eesáy ku tsiyayaáx ar fur'a. Aníng paángar'eé' a aluú wa geeleéhh as nguwa diyaa/.

DANIELI 2:35

Naagáy muqslidá' nee tleeiro nee muqslír sirdaa/aate nee muqslidár peésaaro nee sahaábuwo niri suwawaa'atiyé', tari adór muundoó dír afeenír balaangw kuwa haritleemamisi. Parhheemaá aáng fur'a giri ar tlatleér tam kiri aandaaká. Ala tlaa/anoó aáng kudá' murslaaqatuudá' gwa dalaa/ ina tloomar yangaariir tleehhiít, yaamu sleémeero giri dalaá/.

FAARO 10:35

Umuú daqto qoomár sandakmo bur ku ar tlatláy Mose in ooi, «Aá AAKOÓ MUNGÚ, tlawáng wakuuseerók diya/eek, nee kudá' u ahhiitá' i geeraawók wa guwiye'.»

DABE 7:10

Ala mukdá' sleémeero inós gu ahhiít, muxtaaro i baabaqasiiká.