WARA'AMI 65:8 - Biblía Axweesantá Hhohho' ar Mungú 2004

⁸ Baraá yaamu sleémeero muu tlehhmi'iiwók kudá' waa/oo/amo gin sa da'ayuut. Iimír da/aáw wa tleemu ay /uwa kuúng muu un qwal/atimís.

Ya/abtór hho' 1977

⁸ Baraá yaamu sleémeero muu tlehhmi'iiwók kudá' waa/oo/amo gin sa da'ayuut. Iimír da/aáw wa tleemu ay /uuwa kuúng muu un qwal/atimís.

WARA'AMI 65:8 Iomraidhean Croise

IIMU/UUNGW 8:22

Qooma sleémeero ar yaamu iwa kumiitiya', qoomár dahaasiingw nee bu'uungw, qoomár tsaaqwa nee tsee/amá, qoomár age nee buhaare, tam tlaatla/aangw nee xweera i baloó lakiitiaaká.»

YOBU 38:12

Ahaá, kuúng looár wake tsee/amá ugwa beéri, ‹Tsiiriihháng?› Nee qoomár birna ti'iít amór i dahmaá ay aga laqaándi?

WARA'AMI 107:29

Bambaaór baraá tlawi gari xasltís, gwaanduduú ma'aay sleeme oo xaraásl guri xasltís.

WARA'AMI 126:2

An qoomár atén qaseengo tawa hhaamaán, nay baraa/aán ar qwala/. Xoordaá hatlá' nari ooiyé', «AAKO mukós gwa gár ur i tleéhh.»

WARA'AMI 135:9

Layu gina tlehhiít nee muruú waa/oo/amór koóm baraá tla/ángw yaamaá Misri wa ale, gawaá Farao nee sagadiyuuseerós sleémeero.

WARA'AMI 136:8

Tsee/amá guna tleéhh as iwa baalin tlaatla/ango, Asma sla'aarirós i warqeeraaká ay alhhe'eesay wasle!

WARA'AMI 148:3

Looa nee slahhaangw, inós xirfayeesaak! Tsetse/ sleémeero kudá' gwa/aát, inós xirfayeesaak!

WARA'AMI 19:5

Matlaatleero in ti'imít ar qwala/, adór garmoó duuxuxuúm, adór heé pihhusmo oo taa amohhe'ees qwaatlór ti'iingo.

WARA'AMI 2:8

Án firiimáng, daqaní aníng xoordu ngi kuúngí haniís. Nee yaamu sleémeero ngi kuúngí haniís tawa daqaari'iimaarók.

WARA'AMI 65:13

Bee/aangw qawtanaay gwa tuuntuúk, nee balaangw aa hamaár baraá yaamuwo, umuúqo gaaro i bará/ ar qwala/.

WARA'AMI 66:3

Mungú bawaak, «Tlehhmi'iiwók iwa dae tlaaqiya' a adór milá? Asma /uuruuwók ku úr, wakuuseerók ni hardát, tiri dír geeraawógií niinaweemís.

WARA'AMI 74:16

Tlaatla/aangw a kók nee xweera a kók, kuúng slahhaangw nee tsee/amá ina dir'íni qás.

WARA'AMI 89:10

Kuúng dayshamoodá' ta bay Rahabu una naasuúr, ar /uuruuwók kudá' ta koonda, wakuuseerók ana arbá/.

ISAYA 17:13

Xoordu i kwaaraa/iyá' adór hhaahhoó ma'aá yaariir, ala Mungú gin iigahhaat niri tlatlaahhiyá' amór saaw. Kin tlatlahhaas adór fur'a xwaansloó gawaá tlom'i ngu /imaamis, adór bambaao teeri ngi /imaamis.

DABE 4:19

Ti ló'wa harmagahhe' tam qoomár bara qaytsité' gawaá doori, looa nee slahhaangw nee tsatse/ nee mura' sleémeero oo gawaá doori bura aandé' munduwa gee/aásl, as kuwa fiririinda', nee kuwa sagadiyusa' adór Mungú ló'wa ale. Muruuwí AAKOÓ MUNGÚ guna máy dír múk hatla' as nguwa sagadiyuusi.

Geehhoeemaá 11:13

Qoomaadár kilae kunseeli niri hardát, bartá wák ar gixsa iri hú', baraá baduudá' mibaango awa gixsa. Múk kumér faanqw kuri tsuú/ nee kunseelidá'. Nee múk aa meet iri ló'wa da'ayuút, Munguú doori kuri xirfayeemiís.