WARA'AMI 62:9 - Biblía Axweesantá Hhohho' ar Mungú 2004

⁹ Muu a adór hiinsluú tawo, tam múk ta ilaiwawa/i a tawo sleeme. Iilooeemaaín bira alqoomés i hakwaaiyá', sleémeero dinkwaaro ki islahh ta hiinsluwo.

Ya/abtór hho' 1977

⁹ Muu a adór hiinsluú tawo, tam múk ta ilaiwawa/i a tawo sleeme. Iilooeemaín bira alqoomés i hhakwaiyá', sleémeero dinkwaro ki inslahh ta hiinsluwo.

WARA'AMI 62:9 Iomraidhean Croise

2 SAMUELI 15:31

Qoomaarihe, Daudi kuri báy, «Tam Ahitofeli, heé wák oo aa dee/aanuut, inós aa haraagwaá' dír Absalomu.» Ala Daudi iri firín iri oó', «AAKOÓ MUNGÚ, án kuúng u firiím, kaahír Ahitofeli i payshut.»

2 SAMUELI 15:6

Naagáy, adoorí an adór Absalomu aa tleéhh dír múk Israeli sleémeero oo aa daqay amór waawutmo, as tawa lohaá leelehhiiti awa kwasleemar'ín tsata. Ar tlehhmuwihe múk Israeli guri sage hayóh bartós.

2 WAAWITÁ 19:14

Waawutmo Hesekia barwito'o gana dír mukdá' taa ya/aáw wa sláy, gari soomuús. Ngiwa hhe'eés iri dáh baraá doó AAKOÓ MUNGÚ, gari qaás dír geeraá AAKOÓ MUNGÚ.

WARA'AMI 116:11

Aníng ana ilawaáts ar dae, «Gár hee nguwa harahhiif i káhh.»

WARA'AMI 118:9

A gár hhoo' AAKOÓ MUNGÚ kuwa haragop, ta geeraharuusér yaamu kawa harahhifa.

WARA'AMI 142:3

Qoomár diqyaá ya'aaeé' birna tsatiitiyé', adór án ni laaq inós ga xuu'. Baraá loohidaádá' án niwa hi'iimiita, tlakuuse án iga tsaaxweelír i qás gari lú/.

WARA'AMI 39:11

Kuúng hee bura iigahhát, kuri múx asma tlakweemaawós, hhoohhooarirós an hiingés tari adór kaahartá tlusá /aáy. Looeemaá kilae umuúqo hee a adór kahhaay.

WARA'AMI 39:5

Ga/aaweek, deelor'eé' aga niinawés, slafingw'eé' a adór gaarooká geeraawoge. Umuúqo heewo a adór kahhaay.

WARA'AMI 46:2

Gawaá adoorihe atén a da'ayuumiitanaaká, tam yaamu ni warqaqay'a, tam tlom'i binda diingitiyé' nay huuiyá' baraá iltá tlawi,

WARA'AMI 71:7

Aníng adór ni dirii' a adór gár mureewasl dír múk yaariire, ala kuúng an dír gawit ar guway'eé'.

ISAYA 26:4

AAKOÓ MUNGÚ na harahhifeek ay kureeraá kureér, asma AAKOÓ MUNGÚ, an tlaa/ár alhhe'esay wasl.

ISAYA 40:15

Ga/aawaak dirose xoordu a adór taxaatár ma'aay ar baraá sirwi. A adór teerír baraá xooslmoó tar qoomeemesi. Ga/aaweek, tam yaamaá niina awa baraá tla/ángw tlawi a adór teerír natsatsaa'.

ISAYA 40:17

Xoordu dír ilaawose a gár tawo. Inooín a muruú gaa wásl.

DANIELI 5:27

TEKELI, a kuúng taa qoomeés ar qoomaay, naxés kuúng tu ló'wa inslaáhh.

Matayo 21:9

Nee boo/aydá' geeraá wa hi'iít, nee oo aluuwo ta tseeamín ta kaahi, «Hosana, Garmoó Daudi, i xirfuuti kudá' hardáh ar umuú Aako, i xirfuuti Munguú gawaá doori.»

Yohana 19:15

Inooín tari tseeamín, «Hingeeseek! Hingeeseek! Kikiieek!» Pilato iri oó', «Waawutmoohúng un kikiía?» Kaahamuusér uren ar Mungú iri ó', «Atén waawutmoó hatlá' u koomanaaká, aqo har waawutmoó múk Roma kilós.»

Rumi 3:4

Aasla'áy, a adoosingeeká. Mungú inós a inkihhimusmo, umuúqo heewo tam lamusmoowo. Asma kaa gooín, «Kuúng bar axwés, axweesanaywók masók ku tsaahh, adór tar axweesanoó ganaá', nee kuúng tawa baaliin baraá kwasleemaro.»

1 SAMUELI 1:15

Ala Hana guri mu/aywáts iri ó', «Aasla'áy, aakooeé', aníng a /ameenír gurhaamuut. Aníng difaái ngaa wahiiká, tam gár oonitimis, ala aníng muunaáeé' una haniís amór AAKOÓ MUNGÚ.

1 SAMUELI 18:5

Daudi umuú dír kwi qoo ya/aawi nee Saulo, umuú gaaro aqo ina qoón. Gawaá adoorihe Saulo guri uráy haniís dír slaqwaruuseerose. Kaangwí muu sleémeero guri saqwalaá/, tam sagadiyuusér Saulo sleeme.

1 SAMUELI 18:7

/Ameenadá' ina bará/, bahh'alé i dá', tooka i ilaohiín slám ta hara ni/ín, ta kaahi, «Saulo kume gana tsuú/, nee Daudi kumér mibaangw gana tsuú/.»

1 SAMUELI 23:12

Daudi iri oó', «Xáy, múk Keila aníng nee muk'eene in qaasiía baraá dabaá Saulo?» AAKOÓ MUNGÚ iri oó', «Tu qaas baraá dabaá Saulo.»