WARA'AMI 62:12 - Biblía Axweesantá Hhohho' ar Mungú 2004

¹² Nee sla'aaridá' warqawaaká i dirók, AAKOÓ MUNGÚ. Asma kuúng umuú heewo un bú' ar adoodá' tlehhmi'iiwós i dirii'iya'.

Ya/abtór hho' 1977

¹² Nee sla'aaridá' warqawaaká i dirók, AAKOÓ MUNGÚ. Asma kuúng umuú heewo un bú' ar adoodá' tlehhmi'iiwós i dirii'iya'.

WARA'AMI 62:12 Iomraidhean Croise

1 QOM'I 29:12

Daqaari'iima nee ilaiwa/ame amór i dahh a amoorók, kuúng umuú gaaro an sawaawuti'iín, aleesleemu nee /uuru i gawaá dabaawók, kuúng aleesleemu u koón oo umuú heewo kuwa ures nee kuwa /uurií dok.

YOBU 33:14

Asma Mungú in ilawaats ar loohirka, iri male adorkaár ilawaats tam hee ngi tsatsahhankahe.

YOBU 34:11

Mungú hee gun buu' ar har qoomoó tlehhmi'iiwós, nee umuú heewo ar i slay a tidá' lohduuwós wá hariim.

YOBU 37:23

I ya/aandaaká Munguú Aleesleemusmo kuwa i hardahaan, /uuruuwós i harqoomoó konká nee kwasleemár ganaa'a. Inós gan'amuuwo aa haáts, hee gu hhitinká.

YOBU 9:19

Bar har qwaatlooro inós i ló'wa /uuruú kón, bar gan'amu leelehhtuuwo heé inós baraá kwasleemárí huwto gu qiítl a heemá?

WARA'AMI 103:17

Sla'aarír warqawaaká ar AAKOÓ MUNGÚ i deer ar iimír iimu/uungw wasle ay alhhe'eesay wasle, dír mukdá' ngu ilaiwawaá/. Gan'amuuwós in kumaamiit ay nángw naangw,

WARA'AMI 103:8

AAKOÓ MUNGÚ i haats gurtleemu nee hhooeemawo. I gaanslár buhhabuhhiika, nee sla'aarirós i baloó warqeeraaká.

WARA'AMI 86:15

Ala Aáko, kuúng an Munguú gurtleemu nee oo qeemu, tu inslaahheeká buhhtaawo, a háts sla'aarír warqawaakahe nee inkihhimuwo.

WARA'AMI 86:5

Kuúng tu hhoó', Aáko, tu amohhoó' gurtleemuwo, nee sla'aarirók i warqeeraaká, dír kudá' sleémeero kuúng u ateetima'a.

AXWEESANOÓ SAGALOOA 24:12

Barnaxes a kat, «Kangwsíng mur xuú'.» Ahaá kudá' inslawaay gwa tleehh kuúng u ga/aykáhe? Ahaá kudá' hhiintluuwók gu de'eém kangwsíng gu xuiikáhe? Ahaá inós umuúqo heewo gu buiikáhe ar harqoomoó tlehhimi'iiwós?

YEREMIA 32:19

Kuúng an hara'ayusmoó úr nee aleesleemusmo baraá mura' tlehhtuuwo. Ilaawók lohdaá muu ngin ga/ayá', umuú heewo un bú' ar har qoomoó adoodá' hotaawós i dirii'iya', nee adoodá' tlehhmi'iiwós i dirii'iya'.

ESEKIELI 18:30

«Gawaá adoorihe, anuú Aakoó MUNGÚ kuungaá múk Israeli, nun sakwasleemuút. Umuú heewo un sakwasleemuút ar harqoomoó tlehhmi'iiwós. Hhu'uu'umé' nee tlakweema tlehhtuuwo mawaak, tlakweemaahúng munduwa hhaamiisiyé'.

ESEKIELI 33:20

Ala tam hamí kuungá' a katá', ‹Gár Aakoó MUNGÚ i tlehhiiti i gana'aká.› Aá múk Israeli, aníng umuú heewo un sakwasleemuút ar qoomoó tlehhmi'iiwós.»

ESEKIELI 7:27

Waawutmo i tsuunqumiis, geeraharusmoó úr i diqay tsatamiit, nee muu iri daaraax daeero. Aníng adoodá' tlehhmi'ii'ín i dirii'iya' an dir'íní tleéhh, in sakwasleemuút adoodár múk hatlá' ngura sakwasleemuút. Aníng daqaní i tsaahhiyá' adór tar AAKOÓ MUNGÚ.»

DANIELI 9:18

Aá Munguúeé', iia qaaseek, qaytsiít slahh'amuú ta koomaan, nee adór gixsarí taa umuuwók ar ateét ir slahhaahha'. Gár atén kuúng us firirimaan a gan'amuureneeká, ala a as gurtleemuuwók oo yaariír.

DANIELI 9:9

Aakoó Munguúrén, kuúng guruuwók i tlatláy nee tlakweemá muu in gurtleér tam handá' atén aga dee/anutani.

MIKA 7:18

Munguú adór kuúng i deéro? Asma kuúng tlakweemaá mukók kudá' aa meet in gurtleér, nee dakuúsar'ín an hingeemís. Kuúng buhhtaawós i alkomkakondaaká deelo sleémeerowo. Ala gár ta ló'wa sla' a sla'aarír warqawaaká,

Matayo 16:27

Asma Garmoó Hee i hardah ar baraá xirfuú Baabuúwós dinkwa nee malaykeerós. Qoomaadá' an qoomár umuú heewo nguwa bui ar qoomoó tlehhemi'iiwós.

Rumi 2:6

Asma baalaadae Mungú umuúqo heewo gu buu' ar hariímár tlehhmi'iiwós.

1 Korinto 3:8

Heedaádá' dahaasiím nee kudá' ma'aá eemiís, inooín a gár wák. Nee umuúqo heewo bu'utuuwós gu sláy ar adoodá' ira gadiyuús.

2 korinto 5:10

Asma atén sleémeero gár tiwa hariím an sihhiitaán dír geeraá Kristó i alé, as tiwa sakwasleemuuti nee inós, as masók umuúqo heewo kuwa bui ar tlehhemi'iiwós kudá' aa tlehhiít baraá slafiingós oo baraakaá yaamuwo, barnaxes ki hho' laqaá ki tlakw.

Efeso 6:8

Inslawaak adór umuúqo heewo oo hhooeema gaa tleehh, slasláwarós ngir sláy dír Aakoowo, barnaxes a lawaalmo, laqaá tam lawaalmoowooká.

Kolosai 3:25

Ala umuúqo heewo oo tidá' ganaa' gaa tleehhiiká, inós slaasláwarós ar hariim gan sláy, slám ar barqaanti wasl.

1 Petro 1:17

Kuungá' Mungú bur firiiriindá', un Baabár ateetiindá', inósuudá' umuúqo heewo gu sakwasleemuút ar qoomoó tlehhemi'iiwós ar barqaanti wasle. Gawaá adoorihe, kuungá' hooté' ar Mungú kuwa ilaiwawa/a' baraá qoomaarí tawa hota' baraakaá yaamuú wa ale adór dahaaye.

Geehhoeemaá 22:12

«Ga/aaweek, aníng ni hardáh ar gaanslaay, nee slaqwer'eé' i dinkwa nee aníng, as umuúqo heewo nguwa buu' ar adoodá' tlehhmi'iiwós i dirii'iya'.