WARA'AMI 62:10 - Biblía Axweesantá Hhohho' ar Mungú 2004

¹⁰ Harahhifoorók ma qaasaar baraá muruú hara/uuntsa, laqaá ma daara/aamaar ar daqaari'iimár fiiso, daqaari'iima bira tláhh, muunaáwók munguwa hayót.

Ya/abtór hho' 1977

¹⁰ Harahhifoorók ma qaasaar baraá muruú hara/uuntsa, laqaá ma daara/aamaar ar daqaari'iimár fiiso, daqaari'iima bira tláhh, muunuúwók munguwa hayót.

WARA'AMI 62:10 Iomraidhean Croise

YOBU 20:19

Asma narkuute gana baramaanuús, gari tawo máy, nee maraá inós aa tleehhiiká gina hayóh.

YOBU 20:29

Gaarí an slaslawár heé tlaákw i slay dír Munguhe, an gár Mungú aa qoomeés tawa hariímár heé tlaákw.»

WARA'AMI 39:6

Hee i waaraahh adór geehhantmoó wa ale. Waayaawós nee /ifooro a tawo, i muruú burumburín, ala heé gu sláw gu xuiiká.

WARA'AMI 4:3

Ala xuaak adór AAKOÓ MUNGÚ heé ganaá' ngura tsawaár guri kós tleéhh. AAKOÓ MUNGÚ i axamiis qoomár bur ateetiím.

WARA'AMI 49:6

Inooín a múk harahhifor'ín gaa qaas gawaá daqaari'iimar'ín, slám tan waahhamín as daqaari'iimar'ín kawa yaariír.

WARA'AMI 52:7

«Ga/aawaak, laatí heewí an kudá' Mungú gwa dír guwaywós tleehhiiká. Ala aqo har daqaari'iimarós gana harahhiíf, nee diihhooa gari baraadá' wa leelehhiít.»

WARA'AMI 91:14

Aníng inós u ba/amís asma iga ló'wa slaá', un xuúm asma umuueé' gwa xuú'.

AXWEESANOÓ SAGALOOA 23:5

Asma tawa qaytsita daqaari'iima aa fák, Ila nee tí gár ta aan kwaáo ina tleér ar hhampe'eeri papáh gan ó', adór gwareesír gawaá doori.

ISAYA 28:15

Asma kuungá' a kata', «Atén nee gwa'ara alqado aga tleehhaán, nee gi'i taa axweesani slawaán, qoomár amotlakwe bir taa i hardát, amoorén ngi keeraaká, asma lama ana dír guwayrén tleehhaán, nee al/ayma an dír tay nahhataan.»

ISAYA 30:12

Gawaá adoorihe, Kudá' Hhoohhoó' oo Israeli i kaahi, «As kuungá' axweesante'eé' kawa sié', tari ak naagisé' sagaagawduuwo nee baramaaniro, muruuwí kuri harahhifé',

ISAYA 40:15

Ga/aawaak dirose xoordu a adór taxaatár ma'aay ar baraá sirwi. A adór teerír baraá xooslmoó tar qoomeemesi. Ga/aaweek, tam yaamaá niina awa baraá tla/ángw tlawi a adór teerír natsatsaa'.

ISAYA 40:17

Xoordu dír ilaawose a gár tawo. Inooín a muruú gaa wásl.

ISAYA 47:10

Kiíng aga yaandahhe'és baraá tlakweemaawók ale, a kat, ‹Heé aníng i ga/áw i kaahh.› Sagalooarók nee xu'utiroge iga qwaareesiyé', tari baraá muunaáwók i ó', ‹Aníng a kilooeé', heé hatlá' oo adór aníng i kaahh.›

ISAYA 59:4

Heé muruú ganaá' gu iinuús i kaahh, heé kwasleemár tlehhiít ar inkihhimu i kaahh, axweesanoó tawo ngun harahhifiyá', kuungá' lameemo in axweemaamisá'. Kuungá' tlakweema in qoomaamesá', nee tlakweemaahúng i laqwaliná'.

ISAYA 61:8

«Anuú a AAKOÓ MUNGÚ kudá' sakwasleemár ganaa' ga slaá'. Aníng /ayta nee hhitaro i waák. Ar inkihhimueene slaqwér muk'eé' a buú', slám alqadór alhhe'eesay wasl a tleéhh nee inooín.

YEREMIA 13:25

AAKOÓ MUNGÚ i kaahi, «Gaarí an tidá' kuúng u slaw, gaarí an tidá' anuú AAKOÓ MUNGÚ naa kuúng i qoomeés, asma kuúng aníng iga gunqaarés, lameemo kiri harahhíf.

YEREMIA 17:11

Heé daqaari'iima gaa slay ar loohír gana'aaká, a adór xooymoó qanhhár aa qanhhusiiká gaa umtór ay. Daqaari'iimarí gun afa bá/ qoomár tla/a tsara birnga áy, alhhe'eesaywo iri daktu'uut.

Marko 10:23

Yesu yaamu sleémeero giri xuuxuú', eeharuuseerós gari báy, «Ga/aawaak adór kar gawít múk daqaare tawa dahi baraá waawuti'iimár Mungú.»

1 Timoteo 6:10

Asma ilatleerír peésa an iimu/úngw umuúqo gár tlaakw. Muu bahh'alé haratlintaao gaa máy, gurhaamír yaariir kari sláy asma ilatleerír peésa.

1 Timoteo 6:17

Mukdá' daqaari'iimár baraakaá' yaamu ga koóm ádbaweek matawa daara/án. Daqaari'iimar'ín tí makawa harahhiíf, asma i fák. Ala masók inooín Mungú ngun harahhifiyá', kudá' mura' sleémeero oo ta sla'aan ngu hanmiís ar yaareema.